Maruku 9:47 - Ma Jou ai Demo-demo o Totobelohoka

⁴⁷ De nako ani lako ma hononga inihiatara la nako norehene Ma Jouino, gea ani lako ma gomono nahuputoka de naumo dika. Koaho inihirafioka la idadi ani toba genangino de ahao nodoa o Horogaiye. Masara nako hiadono noiki o Narakaika, genangoka ngaro ani lako ma gahumu nagahi, ma, done o kiaka ma utumu namake ani lakoino?

Maruku 9:47 ပူးပေါင်းရင်းမြစ်များ

Dodadi 3:6

Ho muna gea moihenoka de angamoi mamake ma hofoko gea duru irahai ho duru moigo maolomo hiadono doka ami hiningaka mato, “O hofoko gea nako taolomo marai duru imutiti de gea igoungu inahidadi hososawaro ho duru toigo taolomo.” Ho ma hofoko gea momadofi de maolomo. De utu mihidoaka ami rokatika, angamoi una naga wominiikika, ho unangoo waolomo.

Matiusu 18:9

De nako nia lako ma hononga inihiatara la nako nirehene Ma Jouino, gea nia lako ma gomono niahuputoka de niaumoka dika. Koaho inihirafioka la genangino idadi nia toba de ahao nidoa o Horogaiye. Masara nako hiadono niloiki o Narakaika, genangoka ngaro nia lako ma gahumu nagahi, ma, duru ko kia-kiaua ma utumu niamake nia lakoino.”

Matiusu 5:22

De ma demo gea duru igoungu. Masara Ngohi tato ka onangua dika abe yototoma gea abe ahao kiani yamake manga hohowono, masara ngaro ona abe manga howono manga hiningaka dika ipuda de onangoo kiani manga hohowono yadaene.” “Abe hoka o nyawa duru yangamo manga gogianongoruika ma onangoo kiani yamake manga hohowono. De nako ma titi nia ngamoino gea hiadono niahohedu o nyawaika de niato, ‘Ngona naa duru nobodo!’ gea ka idadi iniurusu abe o urusu ma ngioka la yaputuhu nia hohowono.” “Ho hongoli nako ma titi nia ngamoino gea hiadono niadoana o nyawaika niato, ‘Ngona naa toigo la Ma Jou wonihohowono de o hohonenge angamoi ani hiningaka gea ka o bodo dika!’ Ho nako hokogea nia demo, gea ka idadi ngini de ahao inihohowono o Naraka ma ukuoka.”

Maruku 9:43

De Una wotemohi onangika wato, “Nako de ani giama ma hononga inihiatara la nako norehene Ma Jouino, gea ani giama nafokoka dika. Angamoi koaho inihipoloka la idadi ani toba genangino la ahao namake o wowango ka hiado-adonika. Masara nako ko notobaua de kiani o Narakaika nowohamika, abe genangoka ma uku ko ihone-honengua, genangoka ngaro ani giama ma gahumu nagahi, ma, done o kiaka ma utumu namake ani giamino?

Maruku 9:46

[Abe daenangoka ‘O gai-gaili ka ihikaika yahikangela o nyawaika. De nagali genangoka ma uku ka ihikaika iwango-wango, ko ihonengua.’]

Lukasa 14:26

“Onagona dika yoigo ihitobanii-niiki Ngohi, ona gea kiani duru ihidora Ngohino. Abe nako Ngohi de manga baba de manga meme, ma kiani ka Ngohiohi ihidora. De ngaro manga fekata de manga ngofa-ngofaka de Ngohi, ma kiani manga dora itagi ilamoko Ngohino. De ngaro manga roria-dodoto de Ngohi, masara kiani ka Ngohiohi ihidora. De ngaro hiadono Ngohi de to ona ma hirete manga wowango, masara kiani manga dora ilamoko itagi Ngohino. Angamoi nako ko Ngohiua ihitihira manga wowangoka, gea ko idadiua yodadi to Ngohi ahi nyawa abe ihitobanii-niiki Ngohino.

Yohanese 3:3

De o Yesusu wopaluhu unangika wato, “Naa duru tagou-goungu tonihingahu, o nyawa abe Ma Jou ahao wahikoano ona gea kiani yomaboali.”

Yohanese 3:5

De o Yesusu wipaluhu wato, “Ngona nagoungu ko idadiua hokogea o nyawa yomaboali. Masara Ngohi naa duru tagou-goungu tonihingahu, onagona dika abe ko yahigerewotuahi de o akere de o Womaha Ma Jouino, ona gea ko idadiuahi Ma Jou wahikoano.

Galatia 4:15

Abe ma oraha gea ngohi duru tohioriki abe ngini nia hininga duru de ma garagoka ngohino de hiadono ti ngini nia magawe naga la niato nihiduhunu. De nako hoka ka idadi ngini nia lako ma gomono niahuputu de nihihidoaka ngohino la niato nihiduhunu ngohi, de gea ngohi duru tohioriki abe ngini hokogea nidiaioka ma oraha gea. Ho naa mode nia hininga ma garago gea o kiaikaka? De bote naga ma titi o kia hiadono nia hininga ngohino yaturuuruoka?