Maruku 9:4 - Ma Jou ai Demo-demo o Totobelohoka

⁴ De abe ma oraha ona yaruange iwilega-lega Unangika de ahao ka itodokanino de yamake naga o Elia de o Musa abe ma dodihiraino yodadi Ma Jou ai uru ma dodofanga. Ho ona yahinooto de o Yesusu yomakoketemo abe iwinii-niiki manga hima-himangoka.

Maruku 9:4 ပူးပေါင်းရင်းမြစ်များ

Matiusu 11:13

“De o Yohanese una tihiromanga tato una hoka Ma Jou ai uru ma dodofanga ma baha. Abe una ko woboauahi de naga Ma Jou ai uru ma dodofanga mata-mata utu abe ihitulihuku de inahingahu abe hokokia ahao idadi ma oraha naa. De nagali o Musa ai demo-demoino abe unangoo wonahingahu hokokia ma oraha naa de idadi. Masara gea mata-mata ma oraha naa abe o Yohanesoka de ihibobaha, angamoi to una ai hingahu hatoli imakohowono. Abe una gea dika wonahingahu-ngahu wato itigioka ma oraha abe Ma Jou wahikoano ai nyawaika.

Maruku 9:3

De ai pakeanga gea idadi duru iarehoka hiadono hoiletongo, abe nako o duniaka ko imakadaenua ma medebini abe hokogea ma magarehe yofoka.

Maruku 9:5

De ahao o Peturusu witemo o Yesusika wato, “Guru, naa duru irahai abe ngone naga nenangoka! Ho koaho ngomi o hijai-jai ma tau o gahumu hange midiai nenangoka, moi to Ngona, moi to Elia, de moi to Musa.”

Lukasa 24:27

De ahao o Yesusu wahitararono onangika Ma Jou ai Demo-demoino mata-mata abe ma dodihiraino de ihitulihukuoka ato ahao hokokia kiani idadi Unangika. De gea womulaenge de o Musa ai demo de wagoraka ma demo mata-mata abe iwihidumutu o Mesiaika de wahitararono hokokia ma demo ihingodumoka. De ahao wogila-gila de wagoraka Ma Jou ai uru ma dodofanga utuinoli manga demo de genangoo wahitararono ona yahinootoika la ka idadi ihioriki hokokia kiani idadi Ma Jou ai Mesiaika. Masara gea wahitararono de ko womafetonguahi abe tanu Una gea manga Mesia.

Lukasa 24:44

De ahao wotemo wato, “Naa abe idadioka Ngohino duru imaketero dika hoka tinihingahuoka ma dihiraino abe ngone ka homakiniikohi de totobadotoko. Abe ma dihiraino gea tato mata-mata abe ma dekanoka de ihitulihukuoka ma titi Ngohi, gea mata-mata kiani idadi Ngohino. Abe ngaro o Musa ai Paretaka ma demo abe ihidumutu Ngohino, de abe Ma Jou ai uru ma dodofanga manga demoka, de abe ma demo utuino hohiromanga o Higiriiri ma Nyanyianga ma bukuoka de ihidumutu Ngohino, gea ma dihiraino de tinihingahuoka abe ma demo gea mata-mata kiani ihingodumu ahi wowangoino. De ma oraha naa ka idadi nihioriki abe ma demo gea mata-mata ihingodumoka Ngohioka.”

Lukasa 9:19

De abe iwinii-niiki yopaluhu ato, “O nyawa utu ato Ngona o Yohanese Wotobaohi-ohiki, de utuoli ato Ngona Ma Jou ai uru ma dodofanga ma dodihiraino o Elia eko ai uru ma dodofanga womatengoli abe womomikoka ai honengino.”

Yohanese 5:39

Ngini naa o balu-baluhu de duru inimagawe nimadotoko Ma Jou ai Demo-demo angamoi niato ai Demo-demoino niamake o wowango ka hiado-adonika. Masara ngaro Ma Jou ai Demo-demo gea inihingahu ma titi Ngohi naa,

Himatoko 19:10

Ho ka de wohitemo hokogea de ngohi tomamotumukuoka o malaekata gea ai louoka la tato tomahuba unangika. Masara una wohitaere ngohino wato, “Ufa hokogea nodiai! Ngona kiani Ma Jouika dika nomahuba. Angamoi ngohi naa to Una ai gilaongo abe imaketero hoka ngonali de abe hoka nanga gogianongoru utuoli abe ngone homoi-homoi hahingahu-ngahu o Yesusu ai ade-ade de duru hahigaro o nyawaika la hato ona ka idadi iwingaku Unangika. Angamoi ma hingahu ma demo abe yahigaro o nyawaika la iwingaku o Yesusika, ena gea ma hirete abe yahiakunu Ma Jou ai nyawaika la ma abari gea ka idadi yahingahu-ngahu o nyawa utuika.” Hokogea o malaekata ai demo ngohino.