Maruku 9:32 - Ma Jou ai Demo-demo o Totobelohoka

³² Masara yangimoi de yahinooto gea ai demo ko yataokua, de ko yomoroinua iwileha ai demo ma titi.

Maruku 9:32 ပူးပေါင်းရင်းမြစ်များ

Maruku 16:14

De ipahaino de o Yesusu womahimatokoli abe iwinii-niiki yangimoi de yamoiika. Abe ona gea yolomo manga gogiriaka de onangika womahimatoko de wataere wato, “Ngini naa marai nia ngongaku ikuranga. De adodoa ho kangano manga demo ko niangakua abe ma titi Ngohi tomomikoka? Abe ona ihimake de inihingahu ma gea ngini ko niodafongua. Maraioka ngini nia pea ka itogowinohi, e?”

Maruku 7:18

De o Yesusu wapaluhu onangika wato, “Mode nginioo ko nihiorikua ahi dodotoko gea ma titi? Ko nihiorikuahi abe o kia-kia dika ma hoanino de iwohamika o nyawa manga badangoka de ko genanginoua ma titi hiadono ona yopeseke Ma Jou ai himangoka?

Maruku 8:33

Masara o Yesusu womadogilioro de womalega iwinii-niikika de ahao o Peturusikali witaere wato, “Ngona naa hoka o Ibilihi dika ma mau naniiki! Ho ahi poretoko nomahiwalimoka! Ibootoka notemo hokogea angamoi gea o nyawa dika manga hininga naniiki de ko Ma Jou ai mauua naniiki nako hokogea notemo.”

Maruku 9:10

Ho gea o Yesusu ai behehongo onangika iwihingounu hiadono ai demo ka agogono dika manga hiningaka. Masara ona yaruange dika yomakokeleha ato, “Ka o kia ma titi gea wotemo, abe wato womomikoli ai honengino?”

Lukasa 18:34

Hokogea o Yesusu womahingahu onangika, masara to Una ai demo moioo de ko yataokua ma titi genangino. Abe imaketero hoka ai demo ma titi agogonokahi onangino la ko idadiuahi yomangaratii.

Lukasa 2:50

Masara ai dimono ko yomangaratiiua to Una ai babaluhu ma demo onangika.

Lukasa 24:45

De ahao Una wafelenga manga hininga la ka idadi ona yataoko itiai Ma Jou ai Demo-demoino.

Lukasa 9:45

Masara ona abe iwitobaniiki gea ko yataokua ai demo ma titi, angamoi to ena ma titi ka atatokohi la ko idadiuahi yomangaratii. De ona ko yomoroinua la iwileha Unangika ai demo ma titi angamoi naga manga hawana.

Yohanese 12:16

Masara ma oraha abe mata-mata gea idadi de ona o Yesusu iwitobaniiki ko ihiorikuahi ma titi. Ahao o Yesusu womomikinoka ai lungunino de ai medebini ma dararono wamake o Horogaka de ahao ka idadi yataoko ma titi. Abe ona gea yomahohininga abe mata-mata gea idadi o Yesusika duru imaketero hoka ma dihirainohi itulihukuoka Ma Jou ai Demo-demoka.

Yohanese 16:19

O Yesusu wahioriki abe hokokia itagi manga hiningaka abe yoigo iwileha ho Una wato, “Marai nioigo nihileha ma titi ahi demo gea tato, naa ko itedekanokaua de ngini ko nihimakeokaua de ahao topahaika ko itedekanua de nihimakeokali. Marai ahi demo gea ko nimangaratiiuahi ho hiadono nimakokeleha e?

Yohanese 4:27

Ka de gea wotemoka de ona o Yesusu iwitobaniiki iwigilio ma humuino de duru yoheranga angamoi iwimake yomakoketemo Una de o ngofeka gea. De duru manga hiningaka imulaenge ipuda ato iwileha hokonaa, “Muna moperelu o kia Ngonaika?” De “Adodoa ho nimaketeade-ade de muna gea?” Manga hiningaka hokogea ipuda masara ko ihidadiuali yoleha.