Maruku 9:3 - Ma Jou ai Demo-demo o Totobelohoka

³ De ai pakeanga gea idadi duru iarehoka hiadono hoiletongo, abe nako o duniaka ko imakadaenua ma medebini abe hokogea ma magarehe yofoka.

Maruku 9:3 ပူးပေါင်းရင်းမြစ်များ

Higiriiri 51:7

Duru tomatoduba de tonganono la Ngona Ma Jou nohihitebini ahi howonino, Ngaro de o huhuba ma awunu napake la ahi peseke nohihihanga. Nohihiohiki ngohi hoka ona abe yapado nahitebini manga panyakeino, De ahao to ngohi ahi medebini imaketero hoka o gotoaka ma gogo ma magarehe.

Matiusu 28:3

De to una ai himanga gea duru kohadararono abe hoka o leletongo ma dararono, de nako ai baju gea duru ma gare-garehe, abe ma magarehe gea hoka o gotoaka ma gogo ma magarehe.

Maruku 9:4

De abe ma oraha ona yaruange iwilega-lega Unangika de ahao ka itodokanino de yamake naga o Elia de o Musa abe ma dodihiraino yodadi Ma Jou ai uru ma dodofanga. Ho ona yahinooto de o Yesusu yomakoketemo abe iwinii-niiki manga hima-himangoka.

Lukasa 9:29

De o Yesusu womaniata ai gogiriaka de ka itodokanino ai himanga imaturuuruoka ho idadi o fara moioli, de ai pakeanga gea idadi duru iarehoka hiadono hoiletongo.

Hidingoto 10:30

De o Koroneliusu wopaluhu wato, “Ma futu iata abe o bimaowaka o takoro hange de ngohi naga ahi tauoka tomaniata. De ka itodokanino naga womatengo womaokoino ahi himangoka de ai baju duru de ma dararonoka.

Himatoko 19:18

Niaino la niaolomo o kokoano manga roehe de o tentara manga hae-haeke manga roehe, de ngaro o nyawa manga gogilaongo eko ko o gilaongua ma nyawa, eko ngaro o nyawa manga gogere hatoli ikurutiye eko itipokouku, ma ona mata-mata manga roehe ahao inihidiaioka! De ngaro ona abe duru yopoputurungu yoparangi eko ona abe manga kudaka yobare-barenuku, de ngaro manga kuda-kuda gea ma roehe, masara mata-mataika gea ahao Ma Jou winihiolomo nginika!” Hokogea wohingahu o totaleo mata-mataika.

Himatoko 7:14

De gea ngohi topaluhu tato, “Ahi dimono, ngohi ko tahiorikua, ho marai ngona nahioriki.” De ahao ma dimono gea wohihitararono ngohino wato, “Ona gea abe o kokangela duru kohagiria ma gogoronaka de aino yokokihupu. De to ona manga howo-howono akokiofioka ma titi o Domba ma Ngofaka ai awunino ho hiadono ona gea duru yotebi-tebinoka, de gea imaketero abe hoka o baju yafokaka ho duru iarehoka o baju gea.

Himatoko 7:9

De gea ipaha de ahao ma moioli ngohi tomalegaika de tamake naga o nyawa duru ko manga ngoe yomaokoino to Una ai kadera ma himangoka de o Domba ma Ngofaka Unangoo ai himangoka. De abe ona manga ngoe yamuruono gea ko hakunua haetongo angamoi duru yowoeholi. De ona gea o dunia ma amokino yokokiboa, abe naga utu o dutu amomoiino, de naga utu o bahasa amomoiino, de ngaro o pareta amomoi manga kokawaahaino o dunia ma amokika ma naga utu genangoka de aino mata-mata. De ona gea yomahinoaukuoka de o baju ma guru-gurutuku ma gare-garehe de naga amomoiika yasoino o biso ma hoka angamoi duru yososanangi.