Maruku 9:21 - Ma Jou ai Demo-demo o Totobelohoka

²¹ De ahao ai babaika o Yesusu wileha wato, “Ho naa ka furuono iwidubuku?” De wato, “Naa una ka ai etetekohi de iwidubukoka ka hiadono ma wange naa ka iwihikangelahi.

Maruku 9:21 ပူးပေါင်းရင်းမြစ်များ

Higiriiri 51:5

Abeika o duniaka naa ngohi tomaboa o howono ma nyawaino, Ho ka de Ngona nohihidadi ngohi meme ami pokoroka, De ngohi todadi o howono ma nyawa ami ngofaka ma ngi ma goronaka.

Maruku 5:25

De ahao manga dodagi ma goronaka de naga momatengo o ngofeka de duru mokangela ma titi ami mede. Muna gea ami taongo ngimoi de hinootoino mokangela, de muna gea ma ngoe momahibau ona yohou-hourika hiadono ami tiwi ko iwaka. De ngaro hokogea ma ngoe momahibau, masara ona gea ko akunua imiduhunu de tanu ami kangela gea ka idogo.

Maruku 9:20

De ma ngofaka gea iwiaoino, masara ka de ma tokata iwimake o Yesusu, de ena gea iwihifafara ma ngofaka de hiadono iwihiruba ma tonakuku. Iwihirubauku de ahao iwilu-lulu aika aino, de ai kibiri iuihi ai uruino.

Maruku 9:22

Nengokadau ma ngoeoka iwiumo o ukuika de o akerikaoo la ato iwihohonenge. Ho nako Ngona ka nakunu niduhunu, tanu duru migahoko la nomidora ngomi naa de nomiduhunu.”

Lukasa 13:16

“De ngini mata-mata kangano nimimake nanga gianongoru naa abe munangoo o Abarahaama ai toforauku momatengo, abe muna imipaki-pakitoka de imibare-barene ami taongo ngimoi de tufange ma dekanino ma titi o Ibilihi ma haeke. Ho naa tinileha, ahi datoro kangano de ngini niato ko itiaiua abe Ngohi tomihihohe ami papakitino ma titi o wange naa o Hiaini ma wange? Nako Ngohi, tamao abe kiani tomihihohe ami papakitino de ahi datoro gea ko ihowonua!”

Lukasa 8:43

De naga o nyawa yowoe-woeoka o ngofeka momatengo abe duru mokangela ma titi ami mede. De muna gea ami taongo ngimoi de hinootoino ibooto mokangela. De muna gea ma ngoe momahibau yohou-hourika hiadono ami tiwi ko iwaka. De ngaro hokogea ma ngoe momahibau, masara ko mamakeuahi o duduhunu onangino.

Yohanese 9:1

Ipahaino de ahao o Hiaini ma wange moioli de o Yesusu wotagi-tagi de wimake womatengo abe ka womahidoboainohi worafioka.

Hidingoto 14:8

De o Lisitira ma kotaka naga womatengo wotalo abe womahidoboainohi ho duru ko idadiua womadagi-dagi. De abe ma oraha o Paulusu de o Baranabasa yomanoa o Lisitira ma kotaka de o wange moiuku o Paulusu wahingahu-ngahu ai gogiriaka de wimake wotalo gea abe wototoihene ai demoika. Ho o Paulusu womalega unangika de ka idadi wihioriki abe doka wotalo gea ai hiningaka de una duru wongaku o Abari ma Rorahaiika ho ka idadi wihitogumu unangika.

Hidingoto 3:2

De abe ma oraha yomahitigi Ma Jou ai Tauika de naga womatengo wolugu-lugu wogogere Ma Jou ai Tau ma ngoranoka abe ihiromanga ato ma ngorana ma hohailoa. Angamoi o wange-wangeiye ai dodiawo iwiao de iwikelenga ma ngoranoka gea la ka idadi o tiwi womagaho-gahoko o nyawaino ma oraha yowohama Ma Jou ai Tauika. De wolugu-lugu gea ai lou womahidoboainohi, ho duru ma dekanoka woluguku.

Hidingoto 4:22

Abe ma dihiraino wolugu-lugu, una ai ngumuru ai taongo moruata ifoloioka, ho duru ai deka-dekanuku wotobalugu-lugu de ahao iwihitogumu ai kangelaino.

Hidingoto 9:33

De naga genangoka womatengo ai romanga o Eneasa abe una wolugu-lugu. De una gea ai taongo tufangeino naa abe ka womaidu-idu dika ai nanaooka angamoi ko idadiua womaokoiye. De o Peturusu naga wotagi-tagi ma kapongoka gea de yomakamake una de wolugu-lugu gea.