Maruku 9:20 - Ma Jou ai Demo-demo o Totobelohoka

²⁰ De ma ngofaka gea iwiaoino, masara ka de ma tokata iwimake o Yesusu, de ena gea iwihifafara ma ngofaka de hiadono iwihiruba ma tonakuku. Iwihirubauku de ahao iwilu-lulu aika aino, de ai kibiri iuihi ai uruino.

Maruku 9:20 ပူးပေါင်းရင်းမြစ်များ

Maruku 1:26

De gea ma tokata duru iwihifafara o nauru gea de imapoaka de ahao imatitokoka unangoka.

Maruku 9:18

Ho abe ma oraha ma tokata iwibarene, gea iwihirubauku ma tonakuku ahi ngofaka, de ai uruoka naga ai kibiri iuihi, de nagali ai ingiri ka ihikaika wohikagoli, de nagali ai badangoli duru itiri-tirihoka. Ho kangano togahoko yahiwoika abe ininii-niiki la tato ma tokata yahititoko unangino, masara ona ko yakunua.”

Maruku 9:19

De ahao o Yesusu wataere onangika wato, “Adoo, ngini naa totokia? Ka muruonoka de ahao ngini naga de nia ngongakuoka Ngohino? De hokokiahi ma dekana abe Ngohi de ngini homahidogogere moi la hiadono ngini niakunu nimaaduru hoka to Ngohioli ahi datoro? Ho ibooto. Ai ngofaka gea niwiaoino Ngohino!”

Maruku 9:21

De ahao ai babaika o Yesusu wileha wato, “Ho naa ka furuono iwidubuku?” De wato, “Naa una ka ai etetekohi de iwidubukoka ka hiadono ma wange naa ka iwihikangelahi.

Maruku 9:26

De ma tokata gea ihaangara, de duru iwihifafara ma ngoe hiadono ihupu unangino. Masara ihupuoka de ma ngofaka gea duru womakelu-keluokaua, de ona iwimake hoka ai honenge dika. Iwimake hokogea de ahao naga yamuruono yomakoketemo ato, “O, marai wohonengoka.”

Lukasa 4:35

De o Yesusu duru wataere ma tokatika gea wato, “Ibootohi notemo ho nohupuoka unangoka gea!” De wotemo ibooto de ma tokata iwihiruba ma nauru gea ma tonakuku. De barikua iwihirubauku masara ahao iwinoaika dika de ko iwihiodiruali. De naa mata-mata idadi duru o nyawa mata-mata manga kokihimangoka ho ona mata-mata iwilega-lega.

Lukasa 9:39

De abeika tonihingahu hokokia idadi unangika. Abe o tokata iwibarene de ka itodokanino de ahi ngofaka wopoa-poaka. De ena gea iwihifafara de hiadono iwidiai la o gabo-gabo ihupu ai uruoka de aino. De ka ihikaika iwihikangela de iwihiodiri unangika ho ko iwinoa-noaua.

Lukasa 9:42

De ma ngofaka gea iwiao o Yesusika, masara abe ko wiadonuahi Unangino de ma tokata iwihiruba dau ma tonakuku de iwihifafara. De gea de o Yesusu wataere ma tokata ma dorouika de wihitogumu ma ngofaka gea ai kokangelaino. De ipaha ma ngofaka gea wigilio ai babaika.

Yohanese 8:44

Igoungu, o Ibilihi idadioka ti ngini nia baba, de gea ho nioigo to ena ma mau dika nihigihene. De hokonaa o Ibilihi ma hininga. Ma dihiraino ena gea o nyawa yatobatoma. Duru ko iwa ma gou-goungu enangoka ho ioluku aniiki o kia dika abe ma gou-goungu. O Ibilihi duru itobaeluku ho ena gea o ngelu-ngeluku ma baba. Ho gea ka ihikaika ielu-eluku angamoi o ngeluku ma demo gea to Ibilihi ma demo.”

1 Peturusu 5:8

De nagali ahi huhuloko abe kiani nihidodiai nimatongohono o dorouino de nimagoana. Angamoi ti ngini nia musu o Ibilihi ma haeke, ena gea itobatagi-tagi aika aino de yalingiri o nyawa la ato yahirehene ona Ma Jouoka de aino. De gea yahirehene la ahao ona yoruba o howonuku. De gea tohiketero tato ena hoka o fuhuku ma boki ma romanga o singa, abe ena gea itobalingiri o aewani la imadoma de to ena ma roehe akakihi de yaolomo. Ho ngini kiani nimagoana done ena gea inihiruba de ihirusaka ti ngini nia ngongakuino.