Maruku 9:17 - Ma Jou ai Demo-demo o Totobelohoka

¹⁷ De womatengo yowoe-woeino wipaluhu wato, “Ahi Guru, marai hokonaa ma titi hiadono yomaketeribuutu. Ngohi naa ahi hidee la ahi ngofaka tiao Ngonaika angamoi iwikitokatoka, de ma tokata gea iwihidiai la hiadono womouoka.

Maruku 9:17 ပူးပေါင်းရင်းမြစ်များ

Matiusu 12:22

De ahao naga womatengo iwiao o Yesusino abe iwibare-barene o tokata ho ko womahiorikokaua de ka hiadono womouoka. De o Yesusu wohititoko ma tokata unangino ho wihitogumu una la ka idadioli womahioriki de wotemo-temo abe hoka ma dihirali.

Matiusu 17:15

De una duru wogahoko o Yesusika wato, “Ahi Baluhu, duru togahoko la nidora ahi ngofaka abe ga doka hiadono nihitogumu unangika! Angamoi una duru wokangelakaholi ma titi wohone-honenge. De gea hiadono ma ngoe iwihirubauku de iwiumo o ukuika de o akerikaoo.

Matiusu 9:32

De ona yahinooto yosoboka de ahao naga o nyawa utu iwiaoino o Yesusino womatengo abe una gea womou-mou. De una womou mangale ma titi o tokata iwibare-barene unangika.

Maruku 10:13

De ipahaino de ahao o nyawa manga ngofa-ngofaka yao o Yesusino la ato Una wafokumu la ka idadi ona yamake ma owa Ma Jouino. Masara o Yesusu iwinii-niiki ona yataere manga dimonika ato, “Ei, ko idadiua ma ngofa-ngofaka naa niaoika ma guruika, done iwiruwae!”

Maruku 5:23

De womamotumuku de duru womagahoko Unangika wato, “Marai to ngohi ngohi ora, ka moetekohi ma muna ngade-ngade de mohonenge. Ho ngohi togahoko Ngona nohiniiki ahi tauino de nomiso de ani giama la motogumu ami kangelaino la ka idadi muna mowangohi.”

Maruku 7:26

Momamotumuku ai louoka de duru mogahoko mato, “Ahi Baluhu, duru togahoko la ma tokata abe naga ngohi ora ami badangoka gea natitoko munangoka de aino.” Masara o ngofeka gea muna ko o Yahudi ma nyawaua, de o Yesusu Una o Yahudi ma nyawa. Masara muna gea o Fenisia ma tonakoka de maino moboa, abe gea o Asuru ma tonaka ma honongaka, de gea imihiromanga o Asuru ma nyawa. De o Yahudi ma nyawa ona ko yomaketedodiawoua de o Asuru ma nyawa abe ko yaigoua onangika. Ho o Yesusu ma oraha womipaluhu de wahiketero abe ona ko o Yahudi ma nyawaua wahiromanga o kaho. Ho womipaluhu wato, “Hobata, tomahilooa, ma kiani ma ngofa-ngofaka ona yohira yahiolomo. Ko idadiua o ngofa-ngofaka manga inomo genangino yagoraka de yododutumoika o kaho-kahoika. Ho gea Ngohi tato kiani o Yahudi ma nyawa tatihira abe taleleani.”

Maruku 9:16

De ahao Una waleha onangika wato, “Ngini de ona abe yotobadoto-dotoko o Musa ai Paretaino gea nimaketeribuutu de ma titi o kia?”

Maruku 9:18

Ho abe ma oraha ma tokata iwibarene, gea iwihirubauku ma tonakuku ahi ngofaka, de ai uruoka naga ai kibiri iuihi, de nagali ai ingiri ka ihikaika wohikagoli, de nagali ai badangoli duru itiri-tirihoka. Ho kangano togahoko yahiwoika abe ininii-niiki la tato ma tokata yahititoko unangino, masara ona ko yakunua.”

Maruku 9:25

De o Yesusu womalegaika de wamake naga manga ngoe yomulaenge yomapopaatino ma ngofakino. Ho ma tokatika wataeroka o Yesusu wato, “Ngona o tokata ma dorou abe o nyawa nahidiai la yodadioka yomou de yatopongono, ngona naa tonihuloko la naa naga nohupuoka unangino de ibootohi nowohamika ai badanga ma goronaika ka hiado-adonika.”

Lukasa 11:14

De ma moiuku naga womatengo womouoka ma titi o tokata iwibarene, de o Yesusu wihitogumu una gea la ka idadi wotemo-temo abe hoka ma dihirali. De abe o nyawa yowoe-woe yamake ma oraha wihitogumu de ona duru yokokiheranga.

Lukasa 9:38

De naga womatengo yowoe-woeino wopoaka o Yesusika wato, “Ahi Guru, duru togahoko la nilegahi to ngohi ahi ngofaka de niduhunu unangika, abe una ahi ngofaka ka womatengo dika.

Yohanese 4:47

De ahao una o poparetaino gea wigihene abe o Yesusu o Yudeaka woikoka ho woboainoli o Galilea ma tonakino ho naga o Yesusu hatoli ko wokurutikaua. Ka de gea wigihene o Yesusu naga o Kana ma kapongoka de woiki wato wile o Yesusu. Ho o Yesusino womahiadoninoka de duru wohigali-gali womagahoko o duduhunu wato, “Ahi ngofaka ngade-ngade wohonenge ho kiani Ngona nomataitino angamoi nako ko nomataitua ko nidaenua.”