Maruku 9:12 - Ma Jou ai Demo-demo o Totobelohoka

^12-13 De wapaluhu wato, “Gea ona yagoungu. Kiani o Elia wohira la wato o nyawa manga wowangoka wahitiaiokahi de ahao nanga Koano o Mesia wihidoduruino. Ho naa tinihingahu dika, igoungu una gea abe iwihiromanga o Elia, una woboaka, de o kia naga dika o nyawa manga wowangoka ma dorou, gea iwihipake unangika. De gea manga dorou unangika idadi duru imaketero hoka ma dodihiraka ihitulihukuoka Ma Jou ai Demo-demoka.” “Ho naa Ngohioli tinileha nginika. Naga Ma Jou ai Demo-demoka ihitulihukuoka ma titi Ngohi o Nyawa ma Ngofaka, abe ahao ihidohata de ihioluku de hiadono ihihikangela ma ngoe. Ho gea ma titi o kia? Abeika gea niafikirohi.”

Maruku 9:12 ပူးပေါင်းရင်းမြစ်များ

Yesaya 49:7

De o Yawe abe Una o Isiraele ma nyawa manga gogoana de manga Koano wokokurutiye, naga to Una ai demo Unangika abe o dunia ma nyawa iwiemono de iwioluku, Unangika abe wodadi o kokoano manga huhuloko. De hokonaa Ma Jou o Yawe ai demo Unangika, wato, “Ahao o kokoano inimake noboaino de inihidoaka o horomati Ngonaika, de o popareta manga hohidimono onangoo yomamotumuku la inihoromati, angamoi Ngohi o Yawe toniirikoka. Abe Ngohi tatobagou-goungu ahi demoino de todadi o Isiraele ma nyawa manga koano tokokurutiye, de Ngohi naa abe toniiriki Ngona.”

Yesaya 50:6

Ho gea hiadono ahi porete tohidoaka onangika la ihipoha-poha, de ahi gotoaka tohidoaka onangika la hiadono yakiwuku ahi gumi. De ngaro duru ihiao itorou masara ko tomadatokua hiadono ona ihiobiri de ihihohedu de ko tomahinipo-niporua.

Yesaya 52:14

De igoungu abe o nyawa yowoe-woe duru yatodokana ma oraha iwimake angamoi duru iwitidingi de iwipoha ma ngoe hiadono ai rupa hoka iwihiramoho de ai awunu, de ngade-ngade ko ihiorikokaua ai rupa o nyawa.

Sakaria 11:13

De Ma Jou o Yawe wohitemo ngohino wato, “O tiwi hokogea dika ma amoko ka o hoheduino dika ho ani hewa ma tiwi gea naumo ahi tau ma goronaika, la una gea abe wotobadodiai o kiahonanga o tonakino, una dika ahao wamake.” Hokogea Ma Jou ai huhuloko ngohino ho ma tiwi o haakaino ise-senge moruange gea taumoka Ma Jou o Yawe ai Tau ma goronaika la ona ahao iwihidoaka duru unangika gea abe wotobadodiai o kiahonanga o tonaka itau-taulino ho ahao idadi to unangoli ai tiwi.

Maleaki 4:6

De una woboa nginika de ma titi ai higaro ma demoino de una winihidadi la ngini o balu-baluhu ka ma moi de nia ngofa-ngofaka nimangali de nilio Ngohino. Masara nako nioluku Ngohino nilio, gea ahao ma oraha toboa de kiani o hohowono inidaene ngini de nia tonakuku ka ma moi.”

Matiusu 16:21

De abe ma oraha gea de imahikaino de o Yesusu ma ngoe wahingahu iwinii-niikika abe hokokia ahao idadi Unangika. De gea Una wahingahu onangika wato kiani o Yerusaleeme ma kotaika woiki de genangoka ahao o Yahudi ma nyawa manga balu-baluhu iwihikangela Unangika. Abe to ona manga hidemo Ma Jouiye abe yokokurutiye de abe ona yotobadoto-dotoko o Musa ai Paretaino de manga hibaluhu utuoli naga, masara ona mata-mata ahao iwihikangela de hiadono iwitoma Una. Masara Una wahingahuoo onangika wato ai wange hange dika de womomikoka ai honengino.

Matiusu 26:24

Angamoi igoungu Ngohi o Nyawa ma Ngofaka kiani tohonenge duru imaketero hoka Ma Jou ai Bukuoka ihitulihukuoka. Masara hiokoo una gea abe wohihidoaka ahi musuika, angamoi ahao ai hohowono ma kangela duru kohaamoko wamake. Koaho una gea ngaro ufa de womaboa.”

Maruku 10:33

O ngekomo ma datekoka de womahingahu iwinii-niikika wato, “Naa hodoa o Yerusaleemiye, de o wange muruonohi ipahaikali de ahao genangoka Ngohi ihibodito. Abe Ngohi o Nyawa ma Ngofaka ihihidoaka ngone o Yahudi ma nyawa nanga hohidimonika. Ihihidoaka onangika abe o hidemo ma nyawa Ma Jouiye manga hohidimonika de onangikaoo abe yotobadoto-dotoko o Musa ai Paretaino. De ihiaoika de ona aputuhu ahao ato ihihohonenge. De ihiurusu ibooto de ahao ihihidingotoli o poparetaika abe ko o Yahudi ma nyawaua.

Lukasa 1:76

De ahao o Sakaria wogila-gila wohidemo wato, “De abeika ngona naa, ahi ngofaka ma gilau, Ahao inihiromanga Ma Jou Wokokurutiye ai uru ma dodofanga. Angamoi nanga Baluhu Wokokurutiye ko woboauahi, De ngona nohira nihidiai ai ngekomo la ahao woboa,

Lukasa 23:11

De o Herodese de ai tentara ma nyawa ona iwingelo de iwihohedu o Yesusika. De iwihinoauku Unanguku o baju duru ma hohailoa la genangino de iwihohedu ma titi womahingahu abe Una o Yahudi ma nyawa manga koano. De iwihinoaukuoka de ahao o Herodese wihigilio o Yesusu o Pilatusika.

Lukasa 23:39

De o nyawa ma dorou womatengo abe iwihidapakuika o Yesusu ai datekoka wingelo wato, “Bari Ngona to ngone nanga Mesia abe Ma Jou wonahibehehongoka wato ahao wihidingoto la wonahikoano! Nako nagou-goungu nanga Mesia, abeika nomaduhunu ani kangelaino naa! De ngomioo naa ani arihonongaka, ngomioo kiani nomiduhunu!”

Hidingoto 1:6

De abe ma oraha o Yesusu nagahi de ona abe iwinii-niiki de ona iwileha Unangika ato, “Mia Baluhu, sarakia, marai ma oraha naa dika de Ngona ka idadi nomihihohe o homoa ma nyawa manga paretaino la Ngona dika nodadi ngone o Isiraele ma nyawa nanga koano?”

Hidingoto 4:11

Angamoi abe ma dihiraino de Ma Jou ai Demo-demoka itemo ato, ‘De naga moi o hakaru abe aolukoka o tau yotobadodiai, de masara ngaro ona yaolukoka, masara duru ma hakaru gea ahao idadioka o tau ma lifunu,’ de gea ma demoino de ihidumutu o Yesusika.