Maruku 9:11 - Ma Jou ai Demo-demo o Totobelohoka

¹¹ De ahao ona iwileha ato, “Adodoa ho ona abe yotobadoto-dotoko o Musa ai Paretaino inadotoko ato, ‘O Elia kiani wohira woboa, de ahao nanga Koano o Mesia wihidoduruino?’”

Maruku 9:11 ပူးပေါင်းရင်းမြစ်များ

Maleaki 3:1

De Ma Jou o Yawe abe duru Wokokurutiye Una winipaluhu nginika hokonaa wato, “Abeika nitotoihene! Ngohi naa etohidingoto ahi nyawa abe wotobahingahu-ngahu ahi demo, de una gea ahao wohidiaiohi ahi ngekomo la Ngohi toboa nginika. De gea ipaha de ahao ka itodokanino de ti ngini nia Baluhu idodutu abe naa ma dekanino niwidodamaa de niwilingiri, Una ahao woboa to Una ai Tauika. De Una gea woboa de winihingahu-ngahu ma titi ahi behehongo ma demo nginika. Ho duru igoungu Una ahao woboa nginika.

Maleaki 4:5

“De abeika nitotoihene, naa tinihingahu abe to Ngohi Ma Jou o Yawe ahi hohowono ma wange ko adonuahi de ihira tihidingoto ahi uru ma dodofanga o Elia nginika.

Matiusu 11:14

De igoungu abe ai uru ma dodofanga ihitulihuku ato o nyawa manga Mesia eko manga Duduhunu ko woboauahi Ma Jouoka de waino de naga womatengo wohira woboa. De una woboa gea ai hininga de ai demo imaketero hoka o Eliali ma dodihiraino ai hininga de ai demo. De womatengo gea wohira woboa la wohidiaiohi o nyawa manga hininga la ona ahao iwidafongo manga Duduhunu abe ma dodihiraino de Ma Jou wahibehehongoka.” “De naa tinihingahu moi abe marai ngini utu ko niongakua enangika. Masara ngaro nia hininga hokogea masara ka tinihingahu dika abe manga demo gea ma titi o Elia abe ma dodihiraino ihitulihukuoka, tanu gea ma hidumutu o Yohanesika. Angamoi una gea wohira woboa de ahao Ngohi tihidoduruino ai poretino, de to una ai wowango ma dumutu ka imakadaene dika abe hoka to Eliali ma dodihiraino.

Maruku 9:10

Ho gea o Yesusu ai behehongo onangika iwihingounu hiadono ai demo ka agogono dika manga hiningaka. Masara ona yaruange dika yomakokeleha ato, “Ka o kia ma titi gea wotemo, abe wato womomikoli ai honengino?”

Maruku 9:4

De abe ma oraha ona yaruange iwilega-lega Unangika de ahao ka itodokanino de yamake naga o Elia de o Musa abe ma dodihiraino yodadi Ma Jou ai uru ma dodofanga. Ho ona yahinooto de o Yesusu yomakoketemo abe iwinii-niiki manga hima-himangoka.