Maruku 8:6 - Ma Jou ai Demo-demo o Totobelohoka

⁶ De ahao o Yesusu wahuloko o nyawa manga ngoe-ngoeika gea wato, “Ngini nikokigogerukuohi.” De ona yokokigogeruku de ahao Una waleino ma roti tumidi gea de wohitarimakaseohi Ma Jouiye. Wohitarimakase ibooto de ahao ma roti wakokabelaka de wahikokodoku abe iwinii-niikika la onangoli yahikodoku o nyawa manga ngoe-ngoeika gea.

Maruku 8:6 ပူးပေါင်းရင်းမြစ်များ

Matiusu 26:26

De ahao manga gogiriakahi yolomo de o Yesusu o roti waleino de wohitarimakaseokahi Ma Jouiye. Wohitarimakase ibooto de o roti gea wakokabelaka de wahikokidoaka iwinii-niikika de wotemo onangika wato, “Abe ma roti gea tinihidoakikaka gea ka idadi niakokiolomo, abe gea ena imaketero hoka to Ngohi ahi roehe.”

Maruku 8:5

De woleha onangika wato, “Ga naga nia roti muruonohi?” De yopaluhu ato, “Mia roti naga o gahumu tumidohi.”

Maruku 8:7

De onangoka nagaoo o nawoko ma hohumuduru muruono naga, ho enangoo wohitarimakase Ma Jouiye de ahao wahuloko la ona yahikodoku o nyawa mata-mataika ma nawoko gea.

Lukasa 12:37

De ngini ahi duduhunu abe nako nimahidiaioka de nihigoa-goana ma titi Ngohi nia dutu ahi boa, ngini gea ahao duru nia hininga isanangi. De gea ka idadi tinihingahu abe ahao duru nisanangi angamoi gea Ngohi nia tau ma dutu Ngohi ma hirete ahao tinileleani nginika. Abe Ngohi ahao taturuuru ahi baju la o duduhunu ma bajuoli tomahinoauku de toboa nginika de tinileleani de o inomo de o ngokere nginika.

Lukasa 24:30

De ipaha ona yogogeruku la yolomo manga mejaka. De ma oraha gea de Una waleino o roti de wohitarimakaseokahi Ma Jouiye de ahao wakokabelaka de wahidoaka onangika.

Yohanese 2:5

Ho ngoi meme mahingahu onangika abe yoleleani o rame-rameoka gea mato, “O kia dika o Yesusu winihuloko la nidiai, gea ngini nidiai.”

Roma 14:6

Angamoi nanga gogianongoru abe ona yataoko ato naga ma wange utu ikurutiye Ma Jou ai himangoka, gea manga hininga ihititi abe manga horomatioka Unangika. De hokogenangoo de nanga gogianongoru abe manga hiningaka ato ngaro o inomo o kia dika ma ka idadi mata-mata yaolomo. Abe onangoo naga manga horomati Ma Jouika ma oraha yaolomo. De gea ka idadi hamake manga horomati ma dodunguu abe ona ko yolomuahi de yotarimakaseokahi Ma Jouika ma titi manga inomo gea. De ngaro nanga gogianongoru utuoli abe ka o gauku dika yaolomo, ma onangoo ko yolomuahi de yotarimakaseokahi Ma Jouika. De abe to ona manga putuhu la ka o gauku dika yaolomo, enangoo ihititi manga horomatioka Ma Jouika. Ho iti ngone homoi-homoi nanga putuhu ihititi de nanga horomati Ma Jouika de gea ko iwa ma howono ma titi nanga putuhoka.

Kolose 3:17

Ho, ngaro o kia dika ngini nidiai de ngaro o kia dika ngini nitemo, ma, iti nia datorino de nia demoino gea de niwihisanangi de niwihigiriiri nanga Baluhu idodutu o Yesusika. De kiani ka ihikaika nitarimakase Ma Jou nia Babaika ma titi nia gogere nanga Baluhoka.

1 Samuele 9:13

De kiani ngini nimataiti done ko niwidaenua angamoi itigioka ma oraha naga o ngolo-ngolomo o huhuba ma tauoka abe kiani una waniiki daku o lokuoka. Abe nako manga ngolo-ngolomo ma inomo una ko wahiowauahi de ona abe yahokino ko idadiuahi yaolomo manga huhuba ma inomo gea. Ho nako nimataiti una ko wodoauahi o huhuba ma tauiye de ka idadi nimakamake de una gea.” Hokogea manga higaro o Saulu de ai dodiawoika.