Maruku 8:36 - Ma Jou ai Demo-demo o Totobelohoka

³⁶ “Ho naa tinileha. Done o kia o nyawa manga utumu nako o nyawa o kiahonanga mata-mata o dunia ma amokika yomaleinoka, masara ka de ma oraha yohonenge de duru yomakitingaka ma gurutika Ma Jouino?

Maruku 8:36 ပူးပေါင်းရင်းမြစ်များ

Maleaki 3:14

Masara gea tinipaluhu abe ngini nimaketemoka niato, ‘Parahaja dika ngone hileleani Unangika! Nanga utumu o kiaka hamake ma titi nanga hingounu ai paretaika? De nako hoboa ai himangino de nanga hiningaka hato hotoduba ma titi nanga howo-howono, genangino de ma owa o kia hamake? Ko iwa!

Matiusu 16:26

“Ho naa tinileha. Done o kia o nyawa manga utumu abe nako o kiahonanga mata-mata o dunia ma amokika yomaleino, masara ka de ma oraha yohonenge de duru yomakitingaka kohagurutika Ma Jouino angamoi yomanoa o Narakaka? De mode naga o kia ho ato ka idadi yomabangu la ato manga wowango amake ka hiado-adonika? Gea duru ko iwa!”

Maruku 8:35

De onagona dika ko ihiniikua Ngohi angamoi ato manga wowango yomadatoko la ato ufa yohonenge, masara, ahao ona gea ka yohonengohi. Masara onagona dika abe ihingakuoka de nako manga wowango yomahidoaka ma titi Ngohi ihiniiki de ahi Abari ma Rorahai yahingahu-ngahu o nyawaika, ona gea tanu manga badanga dika ihonengoka, masara manga wowango nagahi.”

Maruku 8:37

De mode naga o kiali la ona gea ato yomabangu la ato manga wowango amake ka hiado-adonika? Gea duru ko iwa!

Lukasa 9:25

Ho naa tinileha. Done o kia o nyawa manga utumu nako o nyawa o kiahonanga mata-mata o dunia ma amokika yomaleinoka, masara ka de ma oraha yohonenge de duru yomakitingaka ma gurutika Ma Jouino angamoi o Narakaka? Gea manga utumu duru ko iwa!”

Roma 6:21

Abeika, ahi gogianongoru. Ma dihiraino abe ngini niatobahowono Ma Jouika, de gea ma hofoko o kia niamake genangino? Naga ma hofoko ma hohailoa niamake? Koua! Abe ngaro ma oraha naa de nimahohininga nia datoro ma dihiraino gea de inimaleke nia borihiningaka! De gea ngaro ufa de hoheranga, angamoi nia datoro gea ma hofoko ka o hone-honenge!