Maruku 8:29 - Ma Jou ai Demo-demo o Totobelohoka

²⁹ De o Yesusu walehali iwinii-niikika wato, “Masara nako ngini, niato bote Ngohi naa onaguna?” De o Peturusu wipaluhu o Yesusika wato, “Ngona gea o Mesia, mia Koano abe ma dihira Ma Jou womihibehehongoka.”

Maruku 8:29 ပူးပေါင်းရင်းမြစ်များ

Maruku 4:11

De o Yesusu wapaluhu onangika wato, “Ma dihiraino o nyawa ko ihiorikuahi Ma Jou ai dogogono abe ma titi hokokia Una wahikoano ai nyawaika. Masara ma oraha naa de Una winihimatokoka nginika ai dogogono gea la wato ngini naa ka idadi nihioriki. Masara ona abe nagahi ma poretoka abe ma titi ko yoboauahi Ma Jouino ho ko yodadiuahi to Una ai nyawa, ona gea Ma Jou wato borotaua de ona ihioriki abe ma titi hokokia ai nyawaika wahikoano. De gea ena ma titi hiadono Ngohi tadotoko de o hiketero ma ade-ade dika tatobapake.

Lukasa 9:20

De ahao Una waleha onangika wato, “De nako ngini naa, ngini niato bote Ngohi onaguna?” De o Peturusu wipaluhu o Yesusika wato, “Ngona naa o Mesia, mia Koano abe ma dihira Ma Jou womihibehehongoka.”

Yohanese 11:27

Ho o ngo Marata mopaluhu unangika mato, “Ahi Baluhu, igoungu, duru tangaku Ngona naa o Mesia, Ma Jou ai Ngofaka, abe Una Ma Jou wohibehehongoka wato ahao woboa o duniauku, gea Ngona naa.”

Yohanese 4:42

De ahao yotemo o ngofekaika gea ato, “Ma titi abe ngona ihira nomihingahu hiadono ngomi wiwingaku, masara naa wiwingaku angamoi ngomi ma hirete wiwimake de miihene ai demo abe Una ma hirete womihingahu. Ho naa duru mihiorikoka abe igoungu Una gea o nyawa o duniaka wahihohe manga howonino.”

Yohanese 6:68

De o Simono Peturusu wipaluhu o Yesusika wato, “Mia Baluhu, done onagonaika miloiki? Angamoi, o demo abe inahihira o wowango ka hiado-adonika, o demo gea naga Ngonaka dika igogere.

Yohanese 6:69

Ngomi naa miningaku abe duru minihioriki Ngona naa o Mesia, abe Ma Jou womadingakoka de wonihidingotuku ngomiuku.”

Hidingoto 8:36

De abe manga dodagi ma goronakahi de manga kereta imahitigino de o akere, ho una witemo o Filipusika wato, “Abeika, naga genangoka o akere! Ho boteua ngohi ka idadi tomaohiki naangoka dika!”

Hidingoto 9:20

De gea womulaengoka wahingahu-ngahu o nyawaika ma titi o Yesusu, abe una wotobawohama manga dodotoko ma tau-tauoka de wotemo wato, “O Yesusu Una duru wagoungu Ma Jou ai Ngofaka!”

1 Peturusu 2:7

Ho duru igoungu abe ngini ahao niamake ma utumu duru ma hohailoa gea Unangoka de aino. Masara naga moioli Ma Jou ai Demo-demoka abe inahingahu ngoneino ma titi to ona manga hininga abe ona gea ko iwingakua o Kristusika. De gea itemo ato, “Naga moi o hakaru aolukoka abe ona o tau yotobadodiai, de ngaro ma hakaru gea ena aolukoka masara ahao idadioka o tau ma lifunu abe duru ihira yakelengauku dau ma tonakuku.”

1 Yohanese 4:15

Ho onagona dika abe yomahingahu ato yongaku ma titi o Yesusu Una gea Ma Jou o Ngofaka, ona gea Ma Jou womanoa onangoka, de onangoo yomanoa Ma Jouokaoo. De manga demoino gea de yomahitaanoka ma titi manga gogao Ma Jouika.

1 Yohanese 5:1

De onagona dika yongaku abe ma titi o Yesusu Una gea nanga Koano abe Ma Jou wonahibehehongoka, ona gea mata-mata yomaboaka Ma Jouino ho yodadi to Una ai ngofa-ngofaka mata-mataika. Ho to Ma Jou ai ngofaka mata-mataika, onangika gea abe ngone kiani hakokidora. De gea nako hoka hidora nanga gianongoru womatengo abe de ai ngofakoka, gea itararonoka abe to una ai ngofa-ngofakikaoo hadora onangika angamoi ona yomaboa unangino gea.