Maruku 8:25 - Ma Jou ai Demo-demo o Totobelohoka

²⁵ De ahao wasoikali ai lakoika o Yesusu. Wasoika ibooto de una womalegaika dokengika, de gea duru womahiorikoka, de mata-mata womalegaika wamake duru itararonoka.

Maruku 8:25 ပူးပေါင်းရင်းမြစ်များ

Sosawaro 4:18

“Masara o nyawa abe yaniiki o totiai gea to ona manga ngekomo hoka o wange ipotokaiha ma dararono abe itararono ma morikotiha de ka ihikaika idogo ma buturungu ma dararono gea ka hiadono o wange ikoronaiha. De imaketero hokogea idadi nako o nyawa yapake Ma Jou ai totiai abe gea ma ngekomo la ka ihikaika idogo ma buturungu manga totiai manga wowango ma datoroka.

Matiusu 13:12

De onagona dika abe ma hohutulu yotoihene de ma titi yataoko itiai gea ahao idogo-dogo manga tobahioriki hiadono to ona manga tobahioriki ilamoko. Masara abe onagona dika ko yotoihenua, to ona manga tobahioriki hatoli ko iwa angamoi duru ko ilamokua. De mangale ma titi ona ko yotoihenua ho ngaro to ona manga tobahioriki naga ma hohutulu dika masara ahao enangoo ka yawohanga hiadono duru ko iwaka manga tobahioriki.

Maruku 8:24

De una womalegaika ma hoanika de ihohauramo, de wato, “Koua, ka idadi tomahioriki abe o nyawa tamake, masara ona tamake hoka o gota dika itagi-tagi.”

Maruku 8:26

De ahao o Yesusu wihuloko la wolio ai tauika de wihibehehongo unangika wato, “Ho naa ka idadi nolio, ma ufa ko nowohama ma kapongo ma goronaika de ufa noade-ade abe naa idadioka ngonaika, ma kiani naa nolio ani tauika dika.” Hokogea worafi-rafioka ai ade-ade.

Hidingoto 1:10

De ona iwinii-niiki duru ka ihitailohi la ato iwimake daku, masara ka itodokanino de naga o nauru yahinooto yomaokoino manga datekoka. De to ona manga baju duru iarehe.

Filiipi 1:6

De ngohi tohioriki abe Ma Jou winitila la wato ngini nihiduhunu ngohi, de genangoka tohioriki ngini niwihingounu Unangika. De tohioriki gea nihiduhunu mangale ma titi Ma Jou ma hirete wokarajaanga ti ngini nia kokihiningaka. De ko watogu-togumua wokarajaanga ka hiadono ma bahaika abe ma wange gea o Yesusu Kristusu woboali nenanguku. De nako ma baha gea adonoka, ahao gea ingodumoka ai karajaanga nia wowangoka.

1 Peturusu 2:9

Masara nako ngini hokogenangua. Angamoi ngini naa nidadioka to Una ma hirete ai nyawa duru ma hohailoa. De nidadioo o hidemo ma nyawa abe niwitobaleleani nanga Koano Ma Jouika. De ngini o doomu moi abe nitebi-tebini angamoi Una womadingakino ngini la nidadi to Una ai nyawa. De gea ngini nidadioka to Una ai nyawa la Ma Jou ai hininga ma datoro ma hohailoa ngini niahingahu-ngahu o nyawaika. De ngini duru nihiorikoka ai datoro ma hohailoa gea, angamoi Una nengokadauino de winihihupuoka o fufutu ma kuahaka de aino de winihigogeroli to Una ai dararonoka abe duru ihohailoaholi. Ho to Una ai datoro gea abe ngini kiani niahingahu-ngahu o nyawa-nyawaika.

2 Peturusu 3:18

Masara koaho ngini ka ihikaika nioaguru nia ngongakuika la to Una ai owa utuohi ma amoko niamao nia kokihiningaka. De koaho ka ihikaika idogo-dogo nia tobahioriki la utuohi itararono niwihioriki o Yesusu Kristusika, abe Una gea nanga Baluhu idodutu de nanga Duduhunoo. Ho naa ngone ngaro ka hihigiriirioka Unangika ma oraha naa naga de ka hiado-adonika. Amin.