Maruku 8:11 - Ma Jou ai Demo-demo o Totobelohoka11 De ma oraha gea naga o Farisi manga doomuino ma nyawa yoboa o Yesusino de iwiribuutu Unangika la ato iwihitaili de to ona manga demo. De iwitemo ato, “Ngomi marai migahoko la o heheranga nomihimatoko mia himangoka naa la ka idadi miamake de mihioriki ngona o Horogaka de nauku eko koua.” အခန်းကိုကြည့်ပါ။ |
Maruku 8:11
27 ပူးပေါင်းရင်းမြစ်များ
De ma ngi gea o Musa wohiromanga hinooto. Ma romanga moi o Hitaili, de ma romanga moioli, o Ribuutuino. Abe nako to ona manga demo o Masa de o Meriba, hokogea wohiromanga ma titi ona duru iwitaili Ma Jou o Yaweika de manga ribuutu ma demo abe yotemo ato, “Sarakia, Ma Jou o Yawe gea, Una naga eko ko iwiwa ngoneoka?” Hokogea iwitaili Ma Jouika.
Ho naa koaho haetongo ona yomagora-gorakiye hato ona gea duru youtumoka. Angamoi ona abe ma dorou yotobadiai, duru ona gea abe de manga tiwioka. De abeika o nyawa abe yomahingahu Ma Jouika ato, “Ngomi naa to ngomi dika mia mau mitobaniiki, ho to Ngona ani mau ko miolegaikaua.” Ona gea ngaro yomahingahu de iwitaili Ma Jouika masara gea de ko kia-kiaua idadi onangika, ko iwa manga hohowono adaene onanguku.’ De hokogea ti ngini nia demo abe nimakoketemo ma titi Ngohi!” Hokogea Ma Jou o Yawe wataere onangika ma titi manga bobeto ma demo Unangika.
De ipahaino de ahao naga abe yotobadoto-dotoko o Musa ai Paretaino de nagali o Farisi ma nyawa yamuruono naga de ona mata-mata yoboa o Yesusino. De ona iwitemo Unangika yato, “Mia Guru, ngomi migahoko Ngonaika la nodiai o heheranga ma dodunguu moi la ka idadi miamake de mihioriki abe Ngona igoungu noboa o Horogaka de nauku eko koua.”
De o wange moiuku o Farisi manga doomuino ma nyawa yamuruono naga yoboaino. De ona gea iwihideeoka abe ona ato ihititi la genangoka ato o Yesusu wahowono. Abe ona yomatemo ato, “Nako wotemo ai gogiriaka de ai demo ko imakiniikua de o Musa ai Pareta, gea wahowonoka.” Hokogea o Farisi ma nyawa manga hininga, ho ona iwibole ma goa-goa o Yesusika ato, “Ho sarakia, nako naga o nauru womatengo de mangale ma titi o kia dika de ngoi fekata womioluku, gea watilakuroka ma pareta eko koua?”
De ipaha de yomahiadoniyeoli o Yerusaleeme ma kotaiye. De abe ma oraha o Yesusu wodotoko ai gogiriaka Ma Jou ai Tau ma loaka de naga o nyawa manga hidemo Ma Jouiye abe yokokurutiye de o Yahudi ma nyawa manga hohidimono utuoli, ona mata-mata yokokiboa o Yesusino. De ona gea iwileha o Yesusika ato, “O kiaino ani kuaha la hiadono kanugono o nyawa naduhu abe yotobafuku-fukunu Ma Jou ai Tauoka? De onagona honanga inihidoaka manga kuaha ngonaika la gea ka idadi nodiai?”
De ahao ma wangeoka gea de nagali o Saduki manga doomuino ma nyawa yoboa o Yesusino. De nako o Saduki ma nyawa ona yotobadotoko abe nako o nyawa yohonengoka de duru ko idadiokaua yomomiki manga honengino. Masara naa onangoo yoboa o Yesusino de ato iwileha moi angamoi yoigo ihititi genangino la hiadono iwitae o Yesusika.
De nagali genangoka o Farisi manga doomuino ma nyawa de ona abe yotobadoto-dotoko o Musa ai Paretaino ho ka de ona gea iwimake o Yesusu wolomo de ona o pajaka yogaho-gahoko de abe yodiaioka itorou, de yaleha o Yesusu iwinii-niikika ato, “Adodoa ho nia baluhu gea yomakutuono yolomo de ona abe o pajaka yogaho-gahoko de o nyawa utuoli abe onangoo yodiaioka itorou Ma Jouika?”
ကြော်ငြာတွေ