De o Yesusu ka wataerohi onangika wato, “Ngini nitobadoto-dotoko o Musa ai Paretaino de nginioo o Farisi ma nyawa ahao nia hohowono duru kohadubuho niamake nginika! Angamoi ngini duru nihidodiai niaihoro nia mangko ma riwoto de ma poretino, masara doka ma goronaka de nia mangko aomangoka de ma dola abe nimagora de abe nia horoodoka de aino iboa! Ho doka ma goronaka de duru ko itebinua. De gea tanu imaketero dika abe hoka nginioli angamoi nako o nyawa inimake de bote ona ato ngini nitebinoka Ma Jou ai himangoka, masara doka nia hiningaka de aomangoka de ma dorou. Ho gea Ngohi tato ngini ka nimadokangelukino dika!”
Maruku 7:4 - Ma Jou ai Demo-demo o Totobelohoka4 De yomahibohonoli abe nako o paharoka aika de yolioino naga manga bohono abe totokia kiani yomaihorokahi de ahao ka idadi yolomo. De manga bohono utuoli naga ma ngoe abe totokia kiani yomagihoro manga kiahonanga abe yapake la yohakai de yolomo, ho manga akere ma ngi, manga dodai, de manga borongko duru ihidodiai aihoro imaketero hoka manga bohono ma hiaturu abe manga totoforaino ato kiani aihoro. အခန်းကိုကြည့်ပါ။ |
Maruku 7:4
15 ပူးပေါင်းရင်းမြစ်များ
De o Pilatusu walega-lega onangika de ka idadi wamake abe ona yomaputuhoka de ko idadiua waturuuru to ona manga hininga, de ngade-ngade o huruhara idadi onangoka. Ho una wohuloko ai duduhunika la o akere o bokolo moi iwileino. De ma akere yaoino de o Pilatusu ai giama womaihoro o nyawa manga ngoe gea manga himangoka. De una wahingahu wato, “Naa nia himangoka de ahi dodunguu todiaioka. Abe ahi giama tomaihoroka naa, gea ma dodunguu abe ahi tagongo enangoo taihoroka ho ko iwaka ngohioka ma titi naa Una. De gea ma titi ngini ho hiadono Una bootino wohonenge, ho gea ai hohonenge idadioka ti ngini dika nia tagongo de ko to ngohiokauali!”
De genangoka naga o akere ma ngi butaanga abe yodiai o hakaruino. De o akere ma ngi gea ma hapa hoka o boto duru ma ago-agomo abe amomoiika ka idadi ihinoa o akere ngade-ngade o litere o ratuhu moi. De genangino yomaguiti o akere la yapake yomaihoro de genangino yale la manga kiahonanga yaihoro ihidodiai imaketero hoka o Yahudi ma nyawa yomahibohono la ato manga datoro itiai Ma Jouika. Gea ma titi hiadono o akere ma ngi butaanga gea naga genangoka.
De igoungu, hokogea ibooto o behehongo ihira-hiraika angamoi to ena ma hiaturu ma dumutu gea ka nanga badangino dika, abe hoka nanga inomo de nanga ngokere o kia ka idadi holomo de hokere, de hokokia kiani ngone homaihoro de homaohiki la homahuba itiai Unangika. De nako to Una ai hiningaka Una wato ma hiaturu gea mata-mata ka jai-jaiohi dika ngone haniiki ka hiadono to Una ai hiaturu ma hungioli idadi, abe genangoka de ahao ma hiaturu ma hungioli hanii-niiki.
De ngini kiani nimahitigi Ma Jouino la nimagahoko ai duduhunu Unangino. De gea ahao Unangoli womahitigi nginika abe ma titi winiduhunu ai hininga ma owaka de aino. De ngini o howo-howono ma nyawa abe nia wowango ma datoroka de nimahipesekoka, gea kiani nimahitebini la nia wowango itebini. De abe ngini nia hininga ka hinootohi ma titi nia ngongaku ma dumutu, gea kiani nimaputuhoka la ka Ma Jouika dika niwinii-niiki nia hiningaka.
Masara nako ngone homanoa o dararonoka abe imaketero hoka Unangoli womanoa o dararonoka, gea de ahao ka idadi naga nanga gogao itiai ngone de Una nanga hiningaka. De nako ai dararonoka homanoa, de gea to Una ai Ngofaka o Yesusu ai awunu ngaro ma moi dika iuihi masara genangino ka ihikaika inahitebini to ngone nanga howono mata-mataino. Angamoi ai bobangu ka ihikaika itagi, iti ngone homanoa to Una ai dararonoka.
ကြော်ငြာတွေ