Maruku 7:37 - Ma Jou ai Demo-demo o Totobelohoka

³⁷ De o nyawa manga ngoe-ngoe genangoka duru yokokiheranga de yomakoketemo yato, “Abeika adoo! Una naa ngaro o kia dika ma wakunu wodiai irahai. Ngaro o nyawa yatotopongono ma wakunu wahitogumu la ka idadi yomahiihenoli. De ngaro yomou-mouoo ma Una wodiai la yotemo-temoli.” Hokogea womou-mou ai ade-ade.

Maruku 7:37 ပူးပေါင်းရင်းမြစ်များ

Dodadi 1:31

De ai dulaada mata-mata Ma Jou wotulaadauku ibooto de wamake duru irahai de wosanangi enangika. De ahao naga o futu de ahao iboali o dawange de gea o wange ma butaanga ipahaika.

Higiriiri 139:14

Ho tonihigiriiri angamoi nohidodiai nohitulaada ngohi, la gea Ngona nohihidadi irahai. Mata-mata gea Ngona nodiai, gea tohioriki duru irorahai mata-mataika.

Matiusu 9:32

De ona yahinooto yosoboka de ahao naga o nyawa utu iwiaoino o Yesusino womatengo abe una gea womou-mou. De una womou mangale ma titi o tokata iwibare-barene unangika.

Maruku 1:27

Ho ona yomatoo-toomuino genangoka duru yokokiheranga ho yomakokeleha ato, “Ka o kia naa? Naa o dodotoko ma hungi igoungu, abe naga de ma kuahaka! Abeika Una de ai kuaha hiadono o toka-tokata ma dorouika wohuloko de iwihingounu.”

Maruku 2:12

De una wolugu-lugu ka dau de womahiburahiye, de ai nanao wagoraka de wohupu manga himangoka de waika. De o nyawa manga ngoe genangoka duru yokokiheranga hiadono Ma Jou iwihigiriiri. De yomakoketemo ato, “Ko ma moiuahi ma datoro abe hokonaa ngone hamake!”

Maruku 4:41

De iwinii-niiki gea duru yokokihawanoka de yomakoketemo ato, “Adoo! Una naa ka onaguna? Abeika Una ai buturungu! Ei! Ai kuaha gea o kiaino hiadono o rato de o akere ma ngooto iwihingounu hokogea?”

Maruku 5:42

Ka de womihuloko de ma ngofeka gea momomikoka de ka idadi momadagi aika aino. Abe ma oraha gea ami ngumuru o taongo ngimoi de hinooto. De ona gea o kamaroka duru yoheranga.

Maruku 6:51

Wotemo ibooto de wofarene o ngotiriye. De gea ka de wofarenoka de ma hidaloko iriidoka. Gea ho duru yoherangaholi,

Maruku 7:36

De wihitogumu ipaha de ahao o Yesusu wahibehehongo manga ngoe-ngoeika gea wato, “Ho naa idadioka, ho ufa nihingahu-ngahu o nyawa utuika.” Masara ngaro hokokia ma ngoe wohigali-gali wahibehehongo onangika, masara ona ka ihikaika ihidogo-dogo ihingahu-ngahu.

Maruku 8:1

De ipahaino o wange moiuku naga o nyawa ko manga ngoe yomatoomuinoli o Yesusoka, masara manga inomo duru ko iwa. Ho o Yesusu ona iwinii-niiki wahokino Unangino. Wahokino de wotemo onangika wato,

Lukasa 23:41

Abe ngone inahinooto homakohowono de Una, angamoi to ngone nanga hohowono duru imakataana de nanga dorou ma datoro abe hodiaioka. Masara Una naa hoka ngoneua, abe to Una ko iwa ai howono wodiaioka!”

Hidingoto 14:11

De ma nyawa genangoka abe onangoo yototoihene o Paulusu ai demoika ka de ai datoro gea yamake de yomakoketemo abe yopoa-poaka to ona manga demoka ato, “O nyawa yahinooto naa tanu ko o nyawa biahaua, masara nanga jou-jou abe youtiuku ngoneuku de yomahimatoko o nyawa manga badangino!”