Maruku 7:34 - Ma Jou ai Demo-demo o Totobelohoka

³⁴ Wihialeme ai kibiri de ahao o Yesusu womamatagaiye o Horogaiye de wowomaha waamo-amokiye de wotemo wato, “Naa totemo ani ngaukika ho ko initopongonokaua.” Abe gea wotemo de to Yahudi manga demo ho wato, “Efaata!”

Maruku 7:34 ပူးပေါင်းရင်းမြစ်များ

Huhupu 2:23

Ho de o taongo muruono ipopahaika ma dekana de o Mesiiroka manga koano o Firaunu una gea wohonengoka. Masara o Isiraele ai totoforauku gea ka yaribuutuohi yahikarajaanga hiadono ikiriakaholi ona ihigogururihi ma titi manga kangela ko yapoaua ma dubuho. De ona ka ihikaika o duduhunu yomagahoko Ma Jouiye.

Yesaya 53:3

De o nyawa iwidohata unangika hiadono ona iwioluku ho duru manga hohedu ma demo ma dorou unangika. Ho to una ai hininga ma huha duru ilamoko hiadono iwidotodiri ai badangika. De o nyawa manga ngoe ko iwigoua ho una wodadi hoka o nyawa manga gemono ma ngi. Ho de ma oraha iwitilakuru ai himangino de yomahiniporika la ufa yomalega unangika. Hokogea ngone o nyawa hiemono unangika de ngone hifetongo hato una duru ko kia-kiaua iwidaene.

Maruku 1:41

De o Yesusu duru widora una gea ho wisoika de witemo unangika wato, “Ngohi tomodeke, ho naa notogumoka!”

Maruku 15:34

De adonoka o takoro hange de duru ma oraha gea o Yesusu wopoaka de ai ilingi duru kohaamokiye wato, “Eloi, Eloi, lema sabatani!” Abe ai demo gea ma titi, “Ahi Jou, ahi Jou, adodoa ho nohinoaika Ngohi?”

Maruku 5:41

Yowohamika de o Yesusu womiso ami giamika de wotemo munangika de to Una ai demo wato, “Talita kum!” abe naga de ma titi hokonaa, “Ngofeka, ngona naa nomomikoka!”

Maruku 6:41

De ona mata-mata yogogeroka de ahao ma roti motoa de ma nawoko hinooto gea waleino o Yesusu de womamatagaiye o Horogaiye de wohitarimakase Ma Jouika. Wohitarimakase ibooto de ahao ma roti watobiki de wahidoaka iwinii-niikika, de ahao onangoli yahikodoku o nyawa mata-mataika. De ma nawokoo wahikodoku o nyawa mata-mataika.

Maruku 7:35

Ka de wotemo ibooto de una gea woihenoka, de ai akiroo ma dudumungu ko iwaka, ho genangoka de aino imulaengoka wotemo-temo itararonoka.

Maruku 8:12

De manga demo gea woihene de ai hininga ihuha de wowomaha waamo-amokiye de ahao wopaluhu wato, “Adodoa ho hiadono ngini naa o heheranga nigaho-gahoko? Ngohi tagou-goungu tinihingahu abe Ngohi naa duru toluku o heheranga todiai nia himangoka abe hoka ngini naa nioigo todiai.”

Lukasa 18:42

De o Yesusu wotemo wato, “Naa tonihitogumoka la naa ka idadi nomahioriki! De gea ma titi ani ngongakuino Ngohino hiadono inihitogumoka!”

Lukasa 19:41

De ona yogila-gilali de duru yomahitigika o Yerusaleemika gea de o Yesusu womalega ma kotaika de woari ma titi ai hininga ma huha.

Lukasa 7:14

De ahao Una wogila-gila de wasoika manga momokuika abe ma honenge naga yakelenga to ena ma lokuoka. De ona abe yomaketeligoraka ma honenge ma momoku gea yomatogumoka ho ko yoagurokaua. De o Yesusu witemo wohone-honengika wato, “Goduuru, ngonaika tonihuloko la nomomikiye!”

Yohanese 11:33

Ho gea o Yesusu womimake moari de o Yahudi ma nyawa abe iminiiki onangoo yoari, de ai hininga itagi manga huhaika gea ho hiadono to Unangoo ai hininga duru ihuha.

Yohanese 11:35

De gea o Yesusu woarioka.

Yohanese 11:38

De gea o Yesusu o Lasarusu ai lungunoka waika de ai hininga duru ihuhaholi. De o lungunu gea o aruku ho ma biono gea atatokoka de o hakaru ma amoko.

Yohanese 11:41

Hokogea wotemo ho o hakaru gea ma bionoka yaluluika. De o Yesusu womamatagaiye o Horogaiye de wotemo wato, “Tarimakase Baba, Ngona nohihigihenoka.

Yohanese 11:43

Ho ka de ai gogahoko gea ipaha de o Yesusu duru waamo-amokiye wiahoko, wato, “Lasarusu nohupuino!”

Yohanese 17:1

Ka de o Yesusu ai behehongo gea wahingahu ona iwitobaniikika ibooto de ahao womamatagaiye o Horogaiye de womaniata wato, “Ahi Baba, ahi kangela ma oraha adonoka! Ho Ngohi ani Ngofaka naa ahi medebini ma dararono nahimatoko o nyawaika! Nodiai la gea ka idadi to Ngonali ani medebini ma dararono Ngohi ani Ngofaka tahimatoko onangika.

Hidingoto 9:34

De ahao witemo o Eneasika wato, “Eneasa, ngona naa o Yesusu Kristusu wonihitogumu ani kangelaino! Ho ngona nomaokoiye de ani nanao nalulukoka!” Ka de wotemo hokogea de wotogumoka!

Hidingoto 9:40

De ahao o Peturusu wogahoko la ona mata-mata yokokihupu ma kamaroka de aino. De yokokihupuoka de una watilabukuku de womaniata Ma Jouiye. De womaniata ipaha de womaleloro la wohimanga ami honengika de wotemo wato, “Tabita, Nomomikiye!” Ka hokogea dika de muna ami lako mafelanga! De momalega o Peturusika de ahao momomiki de mogogeruku.

Ibarani 4:15

De to ngone nanga Hidemo wokokurutiye Ma Jouika, Una gea ka idadi duru wonahioriki abe to ngone nanga hininga ma buturungu ka ikurangohi. Angamoi Unangoo ma dihiraino de iwihiata-atara ma ngoe, de abe o hiatara mata-mataika inadaene ngone o nyawaino, enangoo gea mata-mata iwidaenoka Unangika. Masara ngaro hokogea iwihiata-atara Unangika, masara Una duru ko wahowonua.