Maruku 7:25 - Ma Jou ai Demo-demo o Totobelohoka

²⁵ Ho ka de woboa ma tauino gea de naga o ngofeka momatengo moboa Unangino ma titi ngomi ora imikokitokata de migihenoka ma titi abe o Yesusu woboa genangino. Ho, moboa Unangino de momamotumuku ai louoka.

Maruku 7:25 ပူးပေါင်းရင်းမြစ်များ

Matiusu 15:22

Ka de womahiadonika de naga momatengo moboa o Yesusino la mato momagahoko o duduhunu Unangika. De muna gea o Kananioka ma nyawa ho ko o Yahudi ma nyawaua. De muna moboa Unangino de duru momagaho-gahoko o duduhunu o Yesusika mato, “Ahi Baluhu o Dautu ai Toforauku, ngohi naa duru togahoko la nohidora de nohiduhunu! Angamoi to ngohi ngohi ora imibare-barene o tokata, de ena gea duru imihikokangela munangika.”

Maruku 1:40

De nagali womatengo iwipado woboa o Yesusino de watilabukuku o Yesusu ai himangoka de womagahoko wato, “Ahi Baluhu, nako Ngona ka nomodeke, ngohi tohioriki abe Ngona ka idadi nohihitogumu.”

Maruku 5:33

De o ngofeka gea moboa Unangika angamoi mamao gea idadioka munangika. De moboaino de duru mohawana hiadono mofafara. Moboa Unangino de momamotumuku ai himangoka de Unangika momangaku mato, “Ahi Baluhu, marai ngohi naa ani bajuika taso angamoi toigo ahi kangelaino totogumu.”

Maruku 7:24

De ipaha de wosobo o Yesusu de woiki o Tirusu ma tonakika. Genangoka naga o tau moi de Una wowohamika masara wato womatohiki wowohama la ufa o nyawa iwihioriki Una naga. Masara ko idadiua womagogono angamoi o nyawa iwihiorikoka.

Maruku 7:26

Momamotumuku ai louoka de duru mogahoko mato, “Ahi Baluhu, duru togahoko la ma tokata abe naga ngohi ora ami badangoka gea natitoko munangoka de aino.” Masara o ngofeka gea muna ko o Yahudi ma nyawaua, de o Yesusu Una o Yahudi ma nyawa. Masara muna gea o Fenisia ma tonakoka de maino moboa, abe gea o Asuru ma tonaka ma honongaka, de gea imihiromanga o Asuru ma nyawa. De o Yahudi ma nyawa ona ko yomaketedodiawoua de o Asuru ma nyawa abe ko yaigoua onangika. Ho o Yesusu ma oraha womipaluhu de wahiketero abe ona ko o Yahudi ma nyawaua wahiromanga o kaho. Ho womipaluhu wato, “Hobata, tomahilooa, ma kiani ma ngofa-ngofaka ona yohira yahiolomo. Ko idadiua o ngofa-ngofaka manga inomo genangino yagoraka de yododutumoika o kaho-kahoika. Ho gea Ngohi tato kiani o Yahudi ma nyawa tatihira abe taleleani.”

Lukasa 17:16

De womamotumuku o Yesusu ai louoka de wotarimakase Unangika abe ma titi wihitogumoka. De una gea o Samaria ma tonakino ma nyawa.