Maruku 7:24 - Ma Jou ai Demo-demo o Totobelohoka

²⁴ De ipaha de wosobo o Yesusu de woiki o Tirusu ma tonakika. Genangoka naga o tau moi de Una wowohamika masara wato womatohiki wowohama la ufa o nyawa iwihioriki Una naga. Masara ko idadiua womagogono angamoi o nyawa iwihiorikoka.

Maruku 7:24 ပူးပေါင်းရင်းမြစ်များ

Dodadi 10:15

De o Haama ai ngofaka o Kanani ahao to unangoo ai ngofaka o riaka o Sidono de ai ngofaka o dodoto o Hete.

Dodadi 10:19

Ho ahao to ona manga tonaka utuohi ilamoko hiadono manga batingi dau o Sidonoka de ihikaiye o Gerariye hiadono o Gasaiye. De dai o gahioka manga tonaka ihikaiha hiadono o kota-kotaiha abe ma romanga o Sodomo, o Gomora, o Adima, de o Seboimi. De naga utu yogogere ma gurutikahi abe manga kota o Lasa.

Dodadi 49:13

O Sebulono de ai totoforauku manga tonaka o gahi ma ngigorino, De ka ihikaika ona yotobanganono o kapaika ma oraha iboa, De naga o kota o Sidono abe ma leleotiha itobatapu o kapa, Manga tonaka ma batingi ngade-ngade imahiadono o Sidonika.

Yesaya 42:2

De to Una ai demoino de ko yomaketeribuutua Una de o nyawa, de ko wabobanaratua onangika. De nako o nyawa manga ngoe manga hima-himangoka de Una ko womahagaagaua, angamoi ko hokogenangua to Una ai hininga.

Matiusu 11:21

De o Yesusu wotemo wato, “Abeika niatotoihene ahi demoino, ngini abe o Korasimi de o Besaida ma kapo-kapongoka nigogere! De ngini ahao nia hohowono kohaamoko niamake abe ma titi ngaro niamakeoka ma heheranga abe Ngohi todiaioka nginioka masara ko nitobaua nia howo-howonino.” “De naa ka idadi tinihikohowonoli ngini de ona abe yogogere o Tirusu de o Sidono ma kapongoka abe ona genangoka ko o Yahudi ma nyawaua. Abe genangoka ko todiaiuahi o heheranga, masara Ngohi ka idadi tohioriki abe nako hoka ahi heheranga todiai onangoka, ma nyawa gea ka de yamake ahi heheranga de ahao ka idadi yotoba manga howonino ho iwiniiki Ma Jouika. De manga toba gea ahao yomahitunguu abe yomahinoaukuoka de o pakeanga ma kokekekere abe o karongino yodiai, de nagali abe o uku ma kafo yomadoburaraha manga peauku ma titi manga toba ihitunguu. Masara ngini naa ko nitobaua ngaro ahi heheranga niamakeoka nia hidogoronaka!

Matiusu 9:28

De o Yesusu ona yomahiadonoka o tau moi de yowohamika ma goronaika la genangoka yomahiaini, de ona yahinooto yorafi-rafi ka iwihidoo-doduruohi. De hiadono onangoo yowohama ma tau ma goronaika. Ho o Yesusu waleha ona yorafi-rafika wato, “Sarakia, ngini ningaku abe Ngohi ka idadi tinihitogumu la hiadono nimahioriki?” De ona yahinooto yopaluhu ato, “Iya, mia Baluhu, ngomi naa mingaku abe Ngona ka idadi nomihitogumu.”

Maruku 2:1

Ho o wange muruono naga ipahaikaka de o Yesusu wolioli o Kapenaumu ma kapongika, de o nyawa yoihene abe o Yesusu woboaka ho naga ma tauoka.

Maruku 7:23

De gea mata-mata ma datoro ma dorou ka o nyawa manga hiningaino dika ipuda ho gea hiadono yahihowono Ma Jouika.”

Maruku 7:25

Ho ka de woboa ma tauino gea de naga o ngofeka momatengo moboa Unangino ma titi ngomi ora imikokitokata de migihenoka ma titi abe o Yesusu woboa genangino. Ho, moboa Unangino de momamotumuku ai louoka.

Maruku 7:31

De ipaha de o Yesusu wosoboli, abe o Tirusu ma tonaka gea wanoaka de woiki wohidotobiki o Sidono ma tonaka de ahao wogila-gila abe ai dumutu o Galilea ma akere ma ngootika. De ipahaino de womahiadono ma akere ma ngootika gea, de ma tonaka genangoka ihiromanga o Kapongo Ngimoi ma tonaka.

1 Timotiusu 5:25

De duru imaketero hokogea de o nyawa manga datoro ma rorahai. Abe manga datoro ma rorahai utu igapanga hamake, masara utuoli ikangela hamake. De ngaro manga datoro ma rorahai abe ikangela hamake, ma, enangoo ika-ika de ahao inahimatoko ngoneino. Ho, duru ena gea ma titi hiadono tonihitiari tato ufa nomataitiholi nafokumu o nyawa, ma kiani nodamaa hiadono nahioriki igou-goungu manga wowango ma datoro hokokia, de ahao gea ka idadi nagoraka la yodadi o gareja ma hihira.