Maruku 7:17 - Ma Jou ai Demo-demo o Totobelohoka

¹⁷ De ahao o Yesusu wanoaika o nyawa manga ngoe gea de wowohamoka ma tau ma goronaika, de genangoka iwinii-niiki iwilehali ato, “Ani dodotoko ma demo kangano gea ma titi totokia?”

Maruku 7:17 ပူးပေါင်းရင်းမြစ်များ

Matiusu 13:10

De ahao ona iwitobanii-niiki yomahitigi Unangika de iwileha ato, “Ma titi o kia hiadono ma oraha Ngona nadotoko o nyawaika de ka ihikaika napake o hiketeroino ma ade-ade?”

Matiusu 13:36

De ipahaino de o Yesusu wadotoko ibooto o nyawa ko manga ngoeika gea ho Una de abe iwitobanii-niiki ona yokokiwohama ma tau ma goronaika. De genangika yowohamoka de ona iwinii-niiki yomagahoko o Yesusika ato, “Mia Baluhu, marai ngomi migahoko la Ngona nomihitararono ngomino ma hiketero kangano ma titi. Abe ma hiketero ma goronaka de notemo nato womatengo ai redioka de naga o ruruubu duru kohangoe. Gea ena done ma titi o kia?”

Matiusu 15:15

De ahao o Peturusu wileha o Yesusika wato, “Abe ani demoino kangano de Ngona nato ko iwa ma hoanino abe o nyawa manga badanguku iwohamuku de yahihowono Ma Jouika. De gea ani demo done ma titi o kia?”

Maruku 2:1

Ho o wange muruono naga ipahaikaka de o Yesusu wolioli o Kapenaumu ma kapongika, de o nyawa yoihene abe o Yesusu woboaka ho naga ma tauoka.

Maruku 3:20

Ho o lokuoka de auku youtiuku de yolio yowohamika ma tau ma goronaika. Masara imaketero hoka ma dihirali naga o nyawa ko manga ngoe iwiniiki de genangoka yomatoomuino o tau ma goronaka. Ho o Yesusu de iwinii-niiki ato yolomo ma ko idadiua angamoi o nyawa yowoeholi.

Maruku 4:10

De o nyawaika gea wadotoko ipaha de ahao yowoe-woe yosobo de ma hou ka onangokahi abe iwinii-niiki yangimoi de yahinooto de utuoli abe iwitobaniiki. Ho gea ka onangokahi dika naga Unangoka de iwileha o Yesusika ma titi ma hiketero ma ade-ade abe wadotokoka.

Maruku 4:34

De ai dodotoko ko moiua de ko wohiketeroua. Duru o hiketero dika wapake. Masara nako Una de iwitobanii-niiki dika naga, gea ahao wahitararono onangika abe o hiketero ma titi mata-mata.

Maruku 7:16

[Ho onagona dika de manga ngaukoka kiani yotoihene.]”

Maruku 7:18

De o Yesusu wapaluhu onangika wato, “Mode nginioo ko nihiorikua ahi dodotoko gea ma titi? Ko nihiorikuahi abe o kia-kia dika ma hoanino de iwohamika o nyawa manga badangoka de ko genanginoua ma titi hiadono ona yopeseke Ma Jou ai himangoka?

Maruku 9:28

De ipaha gea de o Yesusu de iwinii-niiki yoiki yowohama o tau moiika de genangoka ko iwa o nyawa, de ahao ona iwileha ato, “Kangano gea adodoa ho ngomi ko miakunua mihititoko unangino ma tokata gea?”