Maruku 6:5 - Ma Jou ai Demo-demo o Totobelohoka

⁵ Ho ai kapongoka gea ko iwa manga horomati Unangika ho ko wodiaiua o heheranga, bowahu naga o nyawa yamuruono naga dika yopopanyakeuku waso de ai giama de wahitogumu. Tanu ai hininga la ko manga ngoe wahitogumu, masara Unangika ko iwingakua ho ko idadiuali.

Maruku 6:5 ပူးပေါင်းရင်းမြစ်များ

Dodadi 19:22

Masara kiani nimataiti nimapopaata genangika angamoi kiani o kapongika nikokiwohamoka de ahao ka idadi o Sodomo tohibinaaha.” Hokogea o Loti woodemo ma kapongo gea. De manga kapongo gea ihiromanga o Soara angamoi ma romanga gea ma titi ma eteteke.

Dodadi 32:25

Ka de womatengo gea wamake abe ko wadadiua o Yakubu wihikala de witidingi o Yakubika duru ai gaono ma dekarika ho hiadono ai gaono ma dengo wapahaka.

Matiusu 13:58

Ho o Yesusu ai kapongoka gea de hatoli ko iwa manga ngongaku Unangika, ho ko wodiaiua o heheranga genangoka, bowahu naga o nyawa yamuruono naga dika abe o heheranga wodiai la waduhunu onangika.

Maruku 5:23

De womamotumuku de duru womagahoko Unangika wato, “Marai to ngohi ngohi ora, ka moetekohi ma muna ngade-ngade de mohonenge. Ho ngohi togahoko Ngona nohiniiki ahi tauino de nomiso de ani giama la motogumu ami kangelaino la ka idadi muna mowangohi.”

Maruku 9:23

De o Yesusu wato, “Mode ngona nohileha nato, ‘Nako Ngona ka nakunu?’ Angamoi o kia dika o nyawa yomagahoko Ma Jouino, gea mata-mata ka wakunu wodiai, iti o nyawa gea iwingaku Unangika.”

Hidingoto 28:8

De ma oraha gea naga o Puliusu ai baba wopanyakeuku, abe iwigogama de ai pokoro duru iodiri hiadono womahupu-hupu. De o Paulusu woiki witutumu unangika de wigahoko Ma Jouiye de wifokumu, de o Puliusu ai baba gea wotogumoka ai kangelaino!

Ibarani 4:2

De gea igoungu abe ona ma dodihiraino naga Ma Jou ai hingahu ma demo ma rorahai ona yoihenoka abe ma titi nako yomahiadono ma tonakika gea de ahao ka idadi yomahiaini de de Ma Jou genangoka. De ngaro ngone naa, ma ngoneoo nengokadauino de naga o hingahu ma demo ma rorahai abe inahingahu-ngahuoka ngoneino, de gea ma titi nanga hiaini Ma Jouoka. Masara abe ona gea ma dodihiraino, ona gea ko yamakeua ma utumu ma hingahu ma demoino angamoi ona ko yangakua ma demoika gea abe yoihenoka.