Maruku 6:41 - Ma Jou ai Demo-demo o Totobelohoka

⁴¹ De ona mata-mata yogogeroka de ahao ma roti motoa de ma nawoko hinooto gea waleino o Yesusu de womamatagaiye o Horogaiye de wohitarimakase Ma Jouika. Wohitarimakase ibooto de ahao ma roti watobiki de wahidoaka iwinii-niikika, de ahao onangoli yahikodoku o nyawa mata-mataika. De ma nawokoo wahikodoku o nyawa mata-mataika.

Maruku 6:41 ပူးပေါင်းရင်းမြစ်များ

Matiusu 14:19

De ahao Una wahuloko o nyawa manga ngoeika gea la ona yogogeruku. De ona mata-mata yogogeroka de ahao ma roti motoa de ma nawoko hinooto gea waleino o Yesusu de womamatagaiye o Horogaiye de wohitarimakase Ma Jouiye. Wohitarimakase ibooto de ahao ma roti watobiki de wahidoaka iwinii-niikika, de ma nawoko enangoo wahikodoku iwinii-niiki homoi-homoiika. De ahao onangoli yahikodoku o nyawa mata-mataika.

Matiusu 15:36

De ona yokokigogeruku de ahao Una waleino ma roti tumidi de ma nawoko gea de wohitarimakaseohi Ma Jouiye. Wohitarimakase ibooto de ahao ma roti wakokabelaka de ma nawoko wahikokodoku abe iwinii-niikika la onangoli yahikodoku o nyawa manga ngoe-ngoeika gea.

Matiusu 26:26

De ahao manga gogiriakahi yolomo de o Yesusu o roti waleino de wohitarimakaseokahi Ma Jouiye. Wohitarimakase ibooto de o roti gea wakokabelaka de wahikokidoaka iwinii-niikika de wotemo onangika wato, “Abe ma roti gea tinihidoakikaka gea ka idadi niakokiolomo, abe gea ena imaketero hoka to Ngohi ahi roehe.”

Maruku 14:22

De ahao manga gogiriakahi yolomo de o Yesusu o roti waleino de wohitarimakaseokahi Ma Jouiye. Wohitarimakase ibooto de o roti gea wakokabelaka de wahikokidoaka iwinii-niikika de wotemo onangika wato, “Abe ma roti gea tinihidoakikaka gea ka idadi niakokiolomo, abe gea ena hoka to Ngohi ahi roehe.”

Maruku 6:40

Hokogea o nyawa yomatatoro yogogeruku de naga o doomu ma ngoe, abe o doomu utu homoi-homoiika naga o nyawa yaratuhu moi de nagali o doomu utuoli gea yamo-moritoa.

Maruku 6:42

De ona mata-mata yolomo hiadono yakokipunuhoka.

Maruku 7:34

Wihialeme ai kibiri de ahao o Yesusu womamatagaiye o Horogaiye de wowomaha waamo-amokiye de wotemo wato, “Naa totemo ani ngaukika ho ko initopongonokaua.” Abe gea wotemo de to Yahudi manga demo ho wato, “Efaata!”

Lukasa 24:30

De ipaha ona yogogeruku la yolomo manga mejaka. De ma oraha gea de Una waleino o roti de wohitarimakaseokahi Ma Jouiye de ahao wakokabelaka de wahidoaka onangika.

Lukasa 9:16

De ahao ma roti motoa de ma nawoko hinooto gea waleino o Yesusu de womamatagaiye o Horogaiye de wohitarimakaseohi Ma Jouika. Wohitarimakase ibooto de ahao ma roti watobiki de wahidoaka iwinii-niikika, de ma nawoko enangoo wahikodoku iwinii-niiki homoi-homoiika. De ahao onangoli yahikodoku o nyawa mata-mataika.

Yohanese 11:41

Hokogea wotemo ho o hakaru gea ma bionoka yaluluika. De o Yesusu womamatagaiye o Horogaiye de wotemo wato, “Tarimakase Baba, Ngona nohihigihenoka.

Yohanese 17:1

Ka de o Yesusu ai behehongo gea wahingahu ona iwitobaniikika ibooto de ahao womamatagaiye o Horogaiye de womaniata wato, “Ahi Baba, ahi kangela ma oraha adonoka! Ho Ngohi ani Ngofaka naa ahi medebini ma dararono nahimatoko o nyawaika! Nodiai la gea ka idadi to Ngonali ani medebini ma dararono Ngohi ani Ngofaka tahimatoko onangika.

Yohanese 6:11

Ho naa ka de yokokigogerukuoka de o Yesusu waleino o roti motoa gea de wohitarimakaseokahi Ma Jouiye, de ahao wahidoaka iwinii-niikika ho onangoli yahidoaka homoi-homoiika o nyawa mata-mataika masara gea ko yamataua ma roti. De o nawokoli o Yesusu wahiaturu yahikokidoaka homoi-homoiika o nyawa mata-mataika hiadono yakokipunuhoka.

Hidingoto 27:35

De womihigaro ibooto de ahao o Paulusu waleino o roti de to ngomi mia hima-himangoka de wohitarimakaseokahi Ma Jouiye. De wohitarimakaseoka de wapelaka de ma belaka moi waolomo.

Roma 14:6

Angamoi nanga gogianongoru abe ona yataoko ato naga ma wange utu ikurutiye Ma Jou ai himangoka, gea manga hininga ihititi abe manga horomatioka Unangika. De hokogenangoo de nanga gogianongoru abe manga hiningaka ato ngaro o inomo o kia dika ma ka idadi mata-mata yaolomo. Abe onangoo naga manga horomati Ma Jouika ma oraha yaolomo. De gea ka idadi hamake manga horomati ma dodunguu abe ona ko yolomuahi de yotarimakaseokahi Ma Jouika ma titi manga inomo gea. De ngaro nanga gogianongoru utuoli abe ka o gauku dika yaolomo, ma onangoo ko yolomuahi de yotarimakaseokahi Ma Jouika. De abe to ona manga putuhu la ka o gauku dika yaolomo, enangoo ihititi manga horomatioka Ma Jouika. Ho iti ngone homoi-homoi nanga putuhu ihititi de nanga horomati Ma Jouika de gea ko iwa ma howono ma titi nanga putuhoka.

1 Korintusu 10:31

Ho ngaro niolomo eko niokere eko ngaro o kia dika ngini nidiai, ma kiani mata-mata nidiai la ahao o higiriiri nihiboa Ma Jouiye.

Kolose 3:17

Ho, ngaro o kia dika ngini nidiai de ngaro o kia dika ngini nitemo, ma, iti nia datorino de nia demoino gea de niwihisanangi de niwihigiriiri nanga Baluhu idodutu o Yesusika. De kiani ka ihikaika nitarimakase Ma Jou nia Babaika ma titi nia gogere nanga Baluhoka.

1 Samuele 9:13

De kiani ngini nimataiti done ko niwidaenua angamoi itigioka ma oraha naga o ngolo-ngolomo o huhuba ma tauoka abe kiani una waniiki daku o lokuoka. Abe nako manga ngolo-ngolomo ma inomo una ko wahiowauahi de ona abe yahokino ko idadiuahi yaolomo manga huhuba ma inomo gea. Ho nako nimataiti una ko wodoauahi o huhuba ma tauiye de ka idadi nimakamake de una gea.” Hokogea manga higaro o Saulu de ai dodiawoika.