Maruku 6:39 - Ma Jou ai Demo-demo o Totobelohoka

³⁹ Yopaluhu hokogea de ahao o Yesusu wahuloko wato, “O nyawa mata-mata ngini niahiaturu la ona ka idadi yomatatoro la naga o doomu muruono naga de hokogea yogogeruku dau ma ruruubu ma rorahaiuku.”

Maruku 6:39 ပူးပေါင်းရင်းမြစ်များ

1 Kokoano 10:5

De mamakeoo manga inomo ma hidiai o Saloomo ai mejaka, de ai popareta ma nyawaika manga gogogere ma ngi-ngi de manga seragama homoi-homoiika duru ma rorahai, de mamake abe ai leleani ma nyawa manga karajaanga duru itiai, abe hoka ona manga tagongo o Saloomo ai ngokere iwihitobahidoaka unangika. De muna naga miniiki o Saloomo ma oraha wahihuba ai huhuba iharo-harongo Ma Jou o Yawe ai Tauoka. Ho mata-mataika gea o ngo koano o Siebaino duru moherangaholi ka hiadono ami hiningaka ngade-ngade ililifangoka.

Matiusu 15:35

De ahao o Yesusu wahuloko o nyawa manga ngoe-ngoeika gea la yokokigogerukuohi.

Maruku 6:38

Gea ho o Yesusu waleha onangika wato, “Ti ngini nia roti muruono ga naga? Abeika niolega.” De yolegaika de iwipaluhu yato, “O roti motoa naga de o nawoko o ngai hinooto.”

Maruku 6:40

Hokogea o nyawa yomatatoro yogogeruku de naga o doomu ma ngoe, abe o doomu utu homoi-homoiika naga o nyawa yaratuhu moi de nagali o doomu utuoli gea yamo-moritoa.

Lukasa 9:14

De hokogea to ona manga babaluhu angamoi naga genangoka o nauru o balu-baluhu ngade-ngade yasana motoa, de gea ko haetonguahi o ngo-ngofeka de manga ngofa-ngofaka. De o Yesusu wotemo wato, “Ngini niahuloko onangika la ona yomagogeruku de yomatatorika la manga doomu amomoiika gea o nyawa yamo-moritoa.”

Yohanese 6:10

De o Yesusu wahuloko iwitobaniikika wato, “O nyawa mata-mata naa ngini niahiaturu la yokokigogeruku.” Hokogea wahuloko de angamoi o ruruubu o loku ma geleforoka gea duru irorahai ho ka idadi yokokigogeruku o ruruubu ma lokuoka gea ngaro ma hoanoka. De ona manga ngoe, abe o baluhu o nau-nauru dika genangoka, naga ngade-ngade yasana motoa manga ngoe.

1 Korintusu 14:33

Angamoi ko Ma Jou ai mauua la hiadono to Una ai nyawa yomaketeloliliara, masara to Una ai mau la mata-mata itatoro itiai de iriidi. Hokonaa ma hiaturu abe ilaku Ma Jou ai gogareja mata-mataika.

1 Korintusu 14:40

Masara iti ma oraha ngini nimatoomuino o garejaka de o kia dika mata-mata abe nidiai, gea iti itatoro itiai la hiadono iriidi.