Maruku 6:24 - Ma Jou ai Demo-demo o Totobelohoka

²⁴ De wohibehehongo ibooto de ahao muna mohupu de moleha ngomi memeika mato, “Meme, ho naa o kia tomagahoko?” De muna mopaluhu mato, “Koua. Abe kiani nogahoko gea o Yohanese Wotobaohi-ohiki, una gea nogahoko to una ai pea.”

Maruku 6:24 ပူးပေါင်းရင်းမြစ်များ

2 Samuele 13:5

De o Yonadaba wipaluhu de wihigaro wato, “Hokonaa ma ngekomo abe koaho ngona nodiai. Noiki ani ngingiduika de nomaiduoli la o nyawa inimake hoka inigogama. De ahao ma oraha ani baba woboa wonitutumu kiani nomagahoko unangika hiadono womihuloko o ngo Tamara moboa ngonaino la ani inomo monihidiai. Abe ani gogahoko ma demo ma goronaka de ka idadi nihitararono unangika nato, ‘Marai nako ka idadi tomilega-lega ma oraha mohihakai de ahao muna mohitoofo de to muna ma hirete ami giama ahao bote ahi hininga hatoli iuwini.’ Hokogea ahi higaro ma demo ngonaika.”

Higiriiri 37:12

Masara yotobadiai itotorou gea yadohata onangika, Angamoi ko yaigoua onangika abe manga datoro imakiniiki de Ma Jou ai mau. De manga dohata ihihanguru onangika abe manga wowango itiai.

Higiriiri 37:14

Ona yotobadiai itotorou manga humaranga de manga toimi yagoraka, Yahidee yahibinaaha ona abe yohu-huha de manga kuranga ma ngoe. De yahidee onangika abe yotobadiai itiai la onangoo yatoma.

Matiusu 14:8

De to muna ngomi meme duru momihigaro munangika ho mopaluhu mato, “Ngohi togahoko ma oraha naa dika de kiani tamake abe o Yohanese Wotobaohi-ohiki gea, to una ai pea o dodaioka.”

Matiusu 3:1

De ipahaino o Yesusu wolamokoka, de naga ma oraha gea o Yohanese Wotobaohi-ohiki womulaenge wahingahu-ngahu o nyawaika ma titi Ma Jou ai hingahu ma demoino. De gea wohingahu-ngahu o tonaka ma kakaahaka abe genangoka o nyawa ko yowoeua yogogere, abe ma tonaka gea imanoa o Yudea ma tonakoka. Masara naga o nyawa manga ngoe yoboa ma tonakika gea la iwitoihene unangika, ho una wahingahu onangika wato,

Maruku 6:23

De gea hiadono duru wohibehehongohi munangika wato, “O kia dika nomagahoko ngohino ma ka idadi tonihidoaka, abe ngaro ahi tonaka taregu hinooto de ma regu moi gea tonihidoaka, de ahi kiahonangoo mata-mata taregu hinooto la ma hononga tonihidoaka, masara gea mata-mata ahao tonihidoaka ngonaika.”

Maruku 6:25

De gea momataiti molio o Herodesika de mogahoko mato, “Ngohi togahoko ma oraha naa dika de tamakeoka abe o Yohanese Wotobaohi-ohiki gea, to una ai pea o dodaioka.”