Maruku 5:38 - Ma Jou ai Demo-demo o Totobelohoka

³⁸ De yogila-gila de yomahiadono o Yairusu ai tauika, de genangoka naga o nyawa manga ngoe de woihene manga gigoro abe o hagaaga de o garino. De gea manga gari kohaamokiye.

Maruku 5:38 ပူးပေါင်းရင်းမြစ်များ

Matiusu 11:17

De manga gurubungu ma demo ato, ‘Ngomi miato irahai hogogule abe hoka o nyawa o gogilaka ma rame-rameoka, ho mia sulingi miwuu-wuwu la homakutuono hohirame-rame de nanga hininga ma garago, masara ngini naa duru nioluku ho nia hininga ko igaragoua.’” “‘De ipahaino ngomi minihigaroli abe miato irahai hogogule abe hoka nanga hininga ihuha, abe hoka o nyawa yomatoomuino ma titi manga dutu womatengo wohonengoka. Ho ngomi miato honyanyi de o hininga ma lalaru ma nyanyianga abe hoka nanga biaha nako o nyawa yohonenge. Masara ti ngini nia hininga nihikawalimi abe niato ufa homaaduru abe hoka nanga hininga ma huha masara ngini niato koaho hogarago dika. Ho ngini ngaro hokokia dika minihigaro masara duru ko niminiikua to ngomi naa mia hininga!’” De gea o Yesusu ai hiketero ibooto de ahao wogila-gila wahitararono onangika wato, “Hokogea o ngofa-ngofaka manga gurubungu ma demo, ho manga hininga gea tato imaketero abe hoka ti nginioli nia hininga, angamoi ngini ka nimioluku ngomi mata-mata, abe ngaro Ngohi de ngaro o Yohanesoo Wotobaohi-ohiki.

Matiusu 9:18

De o Yesusu Una wotemo ai gogiriakahi abe o Yohanese Wotobaohi-ohiki iwinii-niikika de naga womatengo woboa Unangino. Abe una gea o Yahudi ma nyawa manga dodotoko ma tau ma hibaluhu. Ho una woboaino de watilabukuku o Yesusu ai himangoka de wihingahu Unangika wato, “Marai to ngohi ngohi ora ahao naa mohonengoka. Ho ngohi togahoko Ngona nohiniiki de nomiso de ani giama, angamoi ngohi tohioriki Ngona ka idadi nomihimomiki ami honengino la mowangoli.”

Maruku 5:22

De genangoka naga womatengo o Yahudi ma nyawa manga dodotoko ma tau ma hibaluhu abe to una ai romanga o Yairusu. De o Yairusu gea woboa o Yesusino de ka de womahiadono de womamotumuku o Yesusu ai louoka.

Maruku 5:39

De o tau ma goronaika wowohama o Yesusu de watemo onangika wato, “Ma titi o kia hiadono naa ma gigoro de adodoa ho ngini ka niari-ari? Muna gea ko mohonengua, masara ka imikiookoka dika.”

Hidingoto 9:39

De ipaha de o Peturusu yomakiniiki de ona yahinooto ho woboa ma tauino. Ka de womahiadono de yomataiti iwiao daku ma kamarika. De ma kamar ma goronaka de naga o ngo bao-bao duru yomahikudutukino de ona mata-mata imigari-gari. De naga utu abe iwihimatoko o Peturusika manga baju abe nengokadauino de o ngo Dorokasa madiai de mahidoaka onangika.