Maruku 5:37 - Ma Jou ai Demo-demo o Totobelohoka

³⁷ Witemo ipaha de wogila-gila o Yairusu ai tauika, masara ona yowoe-woe ko wahigunoaua iwiniiki. Abe iwiniiki gea naga yaruange dika, abe o Peturusu, de o Yakobusu, de o Yohanese o Yakobusu ai dodoto gea, ona yaruange dika iwiniiki.

Maruku 5:37 ပူးပေါင်းရင်းမြစ်များ

Matiusu 17:1

De o wange butaanga ipahaika de o Yesusu wao o Peturusu de o Yakobusu de o Yohanese abe to Yakobusu ai dodoto, de ona yaruange gea wao de wahihira-hira la yodoa daku o loku kohagurutiye.

Matiusu 26:37

De Una wao o Peturusu de o Sebedeusu ai ngofaka yahinooto o Yakobusu de o Yohanese la yomakiniiki de de Una. De yomahiadonika dokenangika de o Yesusu duru ai hininga ihuha hiadono ko womahimakeokaua ai hininga.

Maruku 14:33

De o Yesusu wao o Peturusu, de o Yakobusu, de o Yohanese la yomakiniiki de de Una. De yomahiadonika dokenangika de o Yesusu duru ai hininga ihuha hiadono ko womahimakeokaua ai hininga.

Maruku 9:2

De o wange butaanga ipahaika de ahao o Yesusu wao o Peturusu, de o Yakobusu, de o Yohanese, la ona yaruata gea yomakiniiki. De o Yesusu wahihira-hira la yodoa o loku kohagurutiye, de ka ona dika naga dakenangoka. Ho yomahiadonoka genangiye de ahao o Yesusu ai rupa idadi o fara moioli manga himangoka.

Lukasa 8:51

De ka de yomahiadonika ai tauika gea de yogila-gilaika yowohamika. Masara o Yesusu ko wahigunoaua la iwinii-niiki mata-mata yowohamika. Ho o Peturusu, o Yohanese, o Yakobusu, de ma ngofaka ami baba de ngomi meme, ka ona dika yomakiniiki de Una munangika.

Hidingoto 9:40

De ahao o Peturusu wogahoko la ona mata-mata yokokihupu ma kamaroka de aino. De yokokihupuoka de una watilabukuku de womaniata Ma Jouiye. De womaniata ipaha de womaleloro la wohimanga ami honengika de wotemo wato, “Tabita, Nomomikiye!” Ka hokogea dika de muna ami lako mafelanga! De momalega o Peturusika de ahao momomiki de mogogeruku.

2 Korintusu 13:1

De ahao ma oraha tomahiadono genangika de gea ma hangeou abe toboa tinitutumu nginika. De nako ngini utu ngohi kiani tiniurusu ma titi nia howono, gea ahao taniiki o urusu ma hiaturu abe ihitulihukuoka Ma Jou ai Demo-demoka. Abe gea itemo ato, “O urusu ma goronaka de nako naga abe yatae o nyawaika ato ona gea yahowonoka, gea kiani naga o hakihii ma nyawa abe yahinooto eko yofoloi abe manga demo hoimoi la genangino ka idadi niahitaana nako igoungu ma nyawa gea yahowonoka eko koua.” Hokogea ma hiaturu abe ma dodihirainohi, de hokogea ngohi ahao taniiki nginioka.