Maruku 5:34 - Ma Jou ai Demo-demo o Totobelohoka

³⁴ De momangaku ibooto de wotemo munangika wato, “Ngohi ora, inihitogumoka ma titi ani ngongakuino. Ho naa ani hininga isanangioka de ka idadi nolio, angamoi ani kangela gea ko iwaka.”

Maruku 5:34 ပူးပေါင်းရင်းမြစ်များ

2 Kokoano 5:19

De o Elisa wipaluhu, wato, “Marai nolio dika, de Ma Jou ani hininga mata-mata wohioriki ho tonganono la noiki de ani hininga duru de ma riidoka.” Hokogea yomakoketemo ibooto de yomahiketehilooa de ahao o Naamana de ai nyawa ona yosobo yolio o Arama ma tonakika.

Matiusu 9:2

De yomahiadonoka genangoka de naga womatengo wolugu-lugu abe ai dodiawo iwiao o Yesusino. De wolugu-lugu gea una ka womaiduoka dika ai nanaooka. Ho ka de o Yesusu wamake wolugu-lugu gea de ai dodiawo abe iwiaoino de wahioriki abe ona mata-mata manga hiningaka de duru iwingakuoka Unangika. De mangale manga ngongakuino gea ho o Yesusu witemo wolugu-luguika wato, “Ahi ngofaka, ufa ani hininga ihuha, angamoi naa ani howono Ma Jouika Ngohi takokiofioka.”

Matiusu 9:22

Ho ka de maso ai bajuika de o Yesusu womadogilioro de womitemo munangika wato, “Ngohi ora, ufa ani hininga ihuha, angamoi ma titi ngona naa ani ngongakuino hiadono notogumoka.” De duru ma oraha gea dika de to muna ami kangela ko iwaka.

Maruku 10:52

De o Yesusu wipaluhu wato, “Naa ka idadi nolio, angamoi inihitogumoka ma titi ani ngongakuino.” De ka de o Yesusu ai demo ipaata ai uruino de una gea womahiorikoka, de ahao unangoo winiikoka o Yesusu abe yotagi-tagi ma ngekomoka.

Maruku 3:10

De igoungu ona ko manga ngoe abe de manga popanyakeoka yomahiefoto o Yesusika la ato iwiso Unangika angamoi ihiorikoka naga o nyawa ko manga ngoe wahitogumokau manga popanyakeino.

Maruku 5:29

Ho ka de ai baju maso de motogumoka ami kangelaino gea, abe ami awunu ko itagiokaua. De duru ma oraha gea ami badangoka mamao hoka ami kangela ko iwaka.

Maruku 5:33

De o ngofeka gea moboa Unangika angamoi mamao gea idadioka munangika. De moboaino de duru mohawana hiadono mofafara. Moboa Unangino de momamotumuku ai himangoka de Unangika momangaku mato, “Ahi Baluhu, marai ngohi naa ani bajuika taso angamoi toigo ahi kangelaino totogumu.”

Lukasa 17:19

De o Yesusu witemo unangika abe ai louoka wato, “Naa ka idadi nomaokoiye de nogila-gila ani dumutika. De ngona notogumoka gea ma titi ani ngongakuino Ngohino.”

Lukasa 18:42

De o Yesusu wotemo wato, “Naa tonihitogumoka la naa ka idadi nomahioriki! De gea ma titi ani ngongakuino Ngohino hiadono inihitogumoka!”

Lukasa 7:50

De ahao o Yesusu wotemoli ma ngofekaika gea wato, “To ngona ani ngongaku iniduhunoka ani howo-howonino, ho naa ngona ka idadi nolio dika ani tauika de ani hininga de ma riidoka.”

Lukasa 8:48

De o Yesusu womitemo munangika wato, “Ngohi ora, ma titi ani ngongakuino hiadono naa ngona notogumoka. Ho ngaro ka nolio de ani hininga ma miriidi.”

Hidingoto 15:33

De ona yomahidodogumu genangoka manga futu muruono dika de ahao o gareja ma nyawa gea yahigunoa la yolio o Yerusaleeme ma kotaika abe to ona manga doomuika. Masara ko yahigunoauahi de manga gogianongoru o Antiokia ma garejaka yagahoko ma owa Ma Jouino ma titi ona. [

Hidingoto 16:36

Ho ma gogoana ma haeke wihingahu o Paulusika wato, “Ngona de ani dodiawo ka idadi nihupu dika ma hoanika. Ho ngaro nilio de nia hininga ma goguwini dika angamoi nia hohowono gea ibootoka.”

Yakobusu 2:16

De ahao nginioka nimatengo nitemo onangika niato, “Ngohi tonigahoko Unangiye la ani dodagioka de Ma Jou wonigoana ngona la ko kia-kiaua idadi ngonaika. De tonganono abe ahao inihidoaka ngonaika ani baju de ani inomo la gea iniwedono de ngona nosanangi.” Masara ngaro hokogea nitemoka ma hadongoo de ko kia-kiaua niahidoaka nia gianongoruika gea. De nako to ona manga badanga ma perelu ko niahidailakoua onangika, gea ti ngini nia demo onangika ka parahaja dika.

1 Samuele 1:17

De o Eli wopaluhu wato, “Nako gea ngona naa ka idadi nolio de ani hininga iriidi. De angamoi o Isiraele ma nyawa nanga Jou ahao wonihidoaka ena gea abe ngona nomagahoko Unangino.” Hokogea womilaru o ngo Hanaika.

1 Samuele 20:42

De ma bahaika o Yonatana wihingahu o Dautika wato, “Ngaro naa noiki ma tonigahoko la ani hininga Ma Jou o Yawe wonihiriidi. De ngohi hokogea tonigahoko ma owa angamoi ngone ma dodihiraino homaketedodiawo homahiketehibehehongoka de Ma Jou o Yawe ai romanga. Abe nanga behehongo ma demo naga la nanga ngofa-ngofaka de nanga dano-danonguku ka imahikauku yaniiki nanga behehongo gea.” Hokogea manga dodiawo ma behehongo ihigalioli de ahao o Dautu wosobo woara de o Yonatana wolio ai tauika o kotaka.