Maruku 5:30 - Ma Jou ai Demo-demo o Totobelohoka

³⁰ Masara gea ka de ai baju maso de o Yesusu wamaoka de wohiorikoka abe naga ai kuaha itagioka ai badangoka de aika o nyawaika, de womadogilioro o nyawa manga hidogoronaka de woleha wato, “Onagona ahi baju yaso?”

Maruku 5:30 ပူးပေါင်းရင်းမြစ်များ

Maruku 5:31

De ona iwinii-niiki o Yesusu ai demo apaluhu ato, “Abeika ona yomahiefotika Ngonaika manga ngoe, de gea noleha Ngona nato, ‘Onagona ihiso Ngohino?’”

Lukasa 5:17

De o wange moiukuoli o Yesusu naga o tau ma goronaka wadotoko o nyawaika, de naga genangoka yamuruono naga o Farisi manga doomuino ma nyawa de ona abe yotobadoto-dotoko o Musa ai Paretaino. De manga hihira gea o kapo-kapongo de o kota ma getongo yoboaino la iwimake o Yesusu. Abe utu o Galilea ma tonaka ma kapo-kapongino yoboa, de utu o Yudea ma tonakoka de yaino, de naga utu abe yoboa o Yerusaleeme ma kotaka de yaino. De ma oraha gea de nanga Baluhu idodutu ai kuaha duru ma amoko imanoa o Yesusoka la ka idadi wahitogumu o nyawa abe manga popanyakeino.

Lukasa 6:19

De o nyawa mata-mata gea manga hininga la ato iwiso Unangika, angamoi naga ai kuaha Unangoka de aino itagi o nyawaika la yahitogumu onangika. De ona mata-mata o Yesusu wahikokitogumoka.

Lukasa 8:46

De o Yesusu wipaluhu wato, “Koua, naga yomatengo abe manga hiningaka ato ihiso la o duduhunu yomamake. De gea tohioriki angamoi tamao abe ahi kuaha ihupu ahi badangoka de aino onangika.”

1 Peturusu 2:9

Masara nako ngini hokogenangua. Angamoi ngini naa nidadioka to Una ma hirete ai nyawa duru ma hohailoa. De nidadioo o hidemo ma nyawa abe niwitobaleleani nanga Koano Ma Jouika. De ngini o doomu moi abe nitebi-tebini angamoi Una womadingakino ngini la nidadi to Una ai nyawa. De gea ngini nidadioka to Una ai nyawa la Ma Jou ai hininga ma datoro ma hohailoa ngini niahingahu-ngahu o nyawaika. De ngini duru nihiorikoka ai datoro ma hohailoa gea, angamoi Una nengokadauino de winihihupuoka o fufutu ma kuahaka de aino de winihigogeroli to Una ai dararonoka abe duru ihohailoaholi. Ho to Una ai datoro gea abe ngini kiani niahingahu-ngahu o nyawa-nyawaika.