Maruku 5:29 - Ma Jou ai Demo-demo o Totobelohoka

²⁹ Ho ka de ai baju maso de motogumoka ami kangelaino gea, abe ami awunu ko itagiokaua. De duru ma oraha gea ami badangoka mamao hoka ami kangela ko iwaka.

Maruku 5:29 ပူးပေါင်းရင်းမြစ်များ

Higiriiri 103:3

“Una woigo wohihiapongo hiadono ka ihikaika ahi howono Unangika waofi, De ma oraha topanyake Una abe ka ihikaika wohihitogumu ahi popanyakeino.

Higiriiri 107:20

De Una ka wotemo dika de yotogumu manga panyakeino, Imaketero hoka ona ngade-ngade manga lungunu ma bionoka, De itodokanino Ma Jou o Yawe wagorakiye la ufa yobodito.

Huhupu 15:26

Abe ai demo onangika wato, “Ngini nako nihiao irahai de nihidodiai nihihigihene Ngohi Ma Jou o Yawe, ti ngini nia Jou, de Ngohi tiniduhunu. Abe nako nianiiki itiai ahi hiaturu de ahi pareta mata-mata de Ngohi ahao ko tinihikangelaua de o popanyake abe hoka ma dihiraino de tahihohowono o Mesiiri ma nyawaika. Ngohi naa Ma Jou o Yawe abe ahi kuaha naga o popanyakeika hiadono Ngohi ka idadi tiniduhunu.” Hokogea Ma Jou wahitiari o Isiraele ma nyawaika.

Matiusu 9:20

De ahao manga dodagi ma goronaka de naga momatengo abe o ngofeka yomakamake de duru muna mokangela ma titi ami mede. De muna gea ami taongo ngimoi de hinooto ibooto mokangela. Ho ka itodokanino de muna gea moboa o Yesusu ai poretino de o Yesusu ai baju ma barenika maso,

Maruku 3:10

De igoungu ona ko manga ngoe abe de manga popanyakeoka yomahiefoto o Yesusika la ato iwiso Unangika angamoi ihiorikoka naga o nyawa ko manga ngoe wahitogumokau manga popanyakeino.

Maruku 5:28

angamoi momatemo mato, “Ngaro ka ai baju dika taso, ma ka idadi totogumu ahi kangelaino.”

Maruku 5:34

De momangaku ibooto de wotemo munangika wato, “Ngohi ora, inihitogumoka ma titi ani ngongakuino. Ho naa ani hininga isanangioka de ka idadi nolio, angamoi ani kangela gea ko iwaka.”

Lukasa 7:21

De duru ma oraha gea abe ona yahinooto yoboaino de nagali genangoka o nyawa manga ngoe abe manga kokangela irupa-rupa. De ona yahinooto manga himangoka de o Yesusu wahitogumu o nyawa manga popanyakeino, de abe yakokitokata ona gea manga tokata wahikokititoko, de abe yorafi-rafi onangoo wahitogumu la ka idadi yomahioriki.