Maruku 5:18 - Ma Jou ai Demo-demo o Totobelohoka

¹⁸ De manga demo wohimoteke o Yesusu ho wato wosobo. Masara ka de wofarene ma ngotiroko de una abe ma dihira iwikokitokata duru womagahoko o Yesusika wato, “Ngohi ka idadi toniniiki?”

Maruku 5:18 ပူးပေါင်းရင်းမြစ်များ

Matiusu 4:24

De o abari abe ma titi to Yesusu gea o nyawa yomaketeade-ade o Galilea ma tonaka ma amokika de ka hiadono o Siria ma tonakokaoo yomaketeade-ade ma titi o Yesusu, abe o Siria ma tonaka gea igogere o Galilea ma tonaka ma datekoka. Ho ko yotedekanuahi de o nyawa yopopanyake duru ko manga ngoe yao manga gurutoka de yaino o Yesusino la ato Una wahitogumu ona gea. Abe ngaro manga kangela o kia dika naga manga badangoka masara Una wahikokitogumu ona mata-mataika. De ona abe naga de manga popanyakeoka irupa-rupa, abe naga utu manga badanga ma modorou, de utuoli o ibilihi yabare-barene, de utuoli yohone-honenge, de nagali utu abe manga badanga ma kiahonanga ma hononga ihonengoka. Ho ngaro manga badanga ma kangela o kia dika naga, masara Una ka idadi wahikokitogumu ona mata-mataika.

Maruku 5:15

Ho yoboaino o Yesusino de genangoka iwimake una abe ma dihiraino duru iwikitokata. Masara ma oraha naa de una gea ai hininga itiaioka ho hiadono wogogeruku womariidoka genangoka de womabajuoka. De ona iwimake gea de duru yoheranga ho hiadono yohawana.

Maruku 5:16

Ho ona abe kangano amake gea abe idadioka iwikokitokatika de ma odeika, ona gea duru yoade-ade onangika abe ahao yokokiboaino.

Maruku 5:17

De ahao o nyawa genangoka yomulaenge duru yogaho-gahoko o Yesusika ato, “Migahoko la mia tonakoka naa ngona nohupuoka!”

Maruku 5:7

De o Yesusu wohira wotemo, wato, “Ngona o tokata ma dorou abe nomanoa unangoka naa, nohupuoka!” Gea de iwikokitokata duru kohaamokiye womapoaka o Yesusika wato, “Yesusu to Ma Jou Wokokurutiye ai Ngofaka, Ngona naa ka nohidodoa ngohino? Ho ngohi togahoko la ufa nohihikangela de gea kiani nohihibehehongo ngohino abe nomahikoboto moi de napake Ma Jou ai romanga!”