Maruku 5:15 - Ma Jou ai Demo-demo o Totobelohoka

¹⁵ Ho yoboaino o Yesusino de genangoka iwimake una abe ma dihiraino duru iwikitokata. Masara ma oraha naa de una gea ai hininga itiaioka ho hiadono wogogeruku womariidoka genangoka de womabajuoka. De ona iwimake gea de duru yoheranga ho hiadono yohawana.

Maruku 5:15 ပူးပေါင်းရင်းမြစ်များ

Matiusu 12:29

De ahao o Yesusu wodiai o hiketero moioli abe ma titi o Ibilihi ma haeke. De Una wato, “Nako o tau ma dutu womatengo ko ai buturungu, o nyawa moioo de ko yamoroinua ai tau ma goronaika iwingohama de ai kiahonanga iwiora. Ma nako ma tau ma dutu iwipaki-pakitokahi, gea ahao ka idadi ai kiahonanga iwiora. De hokogenangoo o Ibilihi ma haeke, abe igoungu ena duru iputurungu, masara ka Ngohiohi toputurungu de ena, ho imaketero hoka ena tapakitoka la to ena ma kokawaaha ka idadi tohititoko o nyawaino.” Hokogea o Yesusu ai hiketero ma demo.

Matiusu 26:53

De mode ngona ko nohiorikua abe nako Ngohi tomagahoko o duduhunu ahi Babaika de ka jai-jai dika de wohiduhunoka? Abe nako togahoko la wahidingoto o malaekata duru yosana, gea ka de tomagahoko de ma malaekata yoboaka la ihiduhunu de ihidatoko o kangelaino gea. Ho gea tanu ngaro ufa de ngona nohidatoko!

Matiusu 4:24

De o abari abe ma titi to Yesusu gea o nyawa yomaketeade-ade o Galilea ma tonaka ma amokika de ka hiadono o Siria ma tonakokaoo yomaketeade-ade ma titi o Yesusu, abe o Siria ma tonaka gea igogere o Galilea ma tonaka ma datekoka. Ho ko yotedekanuahi de o nyawa yopopanyake duru ko manga ngoe yao manga gurutoka de yaino o Yesusino la ato Una wahitogumu ona gea. Abe ngaro manga kangela o kia dika naga manga badangoka masara Una wahikokitogumu ona mata-mataika. De ona abe naga de manga popanyakeoka irupa-rupa, abe naga utu manga badanga ma modorou, de utuoli o ibilihi yabare-barene, de utuoli yohone-honenge, de nagali utu abe manga badanga ma kiahonanga ma hononga ihonengoka. Ho ngaro manga badanga ma kangela o kia dika naga, masara Una ka idadi wahikokitogumu ona mata-mataika.

Matiusu 9:33

De o Yesusu wohititoko ma tokata womou-mouoka gea, de ka de ma tokata wohihupuoka de ka idadi una gea wotemo-temo! De o nyawa ko manga ngoe abe naga yolega-lega de yakokimake o Yesusu ai datoro gea, ona duru yokokiheranga. De ona yomakoketemo ato, “Ngaro nanga tonaka naa o Isiraele ma tonaka ma amokika ma ko ma moiuahi idadi hokonaa!”

Maruku 5:14

De ona abe o ode ma gogoana, ona gea yokokiloaroka la gea idadioka ka idadi yoade-ade manga kapongoka de ma nyawa mata-mataika abe hatoli yotigi-tigino ma tonakoka gea. Ho naga manga ngoe abe ka de yoihene manga ade-ade gea de yoiki ma ngiika la ato onangoo yamake gea abe idadioka.

Maruku 5:16

Ho ona abe kangano amake gea abe idadioka iwikokitokatika de ma odeika, ona gea duru yoade-ade onangika abe ahao yokokiboaino.

Maruku 5:18

De manga demo wohimoteke o Yesusu ho wato wosobo. Masara ka de wofarene ma ngotiroko de una abe ma dihira iwikokitokata duru womagahoko o Yesusika wato, “Ngohi ka idadi toniniiki?”

Maruku 5:9

De ahao o Yesusu woleha enangika, wato, “Ani romanga onaguna?” De ma tokata ipaluhu o Yesusika ato, “Ngomi naa mia romanga o Legiono, angamoi ngomi naa duru ko mia ngoe.”

Lukasa 10:39

De nagali ma tauoka gea o ngo Marata ngomi dodoto abe ami romanga o ngo Maria. De o ngo Maria muna mogogeruku o Yesusu ai louoka la mototoihene ai demoika.

Lukasa 8:27

Ho o Yesusu ka de woutiha de womatengo o kota ma nyawa abe iwikokitokata wibuhuku ma dudungoka. De iwikitokata una gea ai dekanoka ko iwaka ai pakeanga ho ka ai bululunokahi, de womanoa ko o tauokaua masara o arukoka abe o nyawa manga honenge ihingoha-ngohama o arukika gea.

Kolose 1:13

Abe igoungu Ma Jou wonahitingakoka nanga boditoino abe iboa o fufutu ma kuahaino, de ahao wonaturuuru ngone de wonahidogogere de to Una ai Ngofaka ai kuahaka, abe ai Ngofaka gea duru Ma Jou widora Unangika.

2 Timotiusu 1:7

De ufa hiadono nohawana de done ani hiakunu gea ko napakeokaua de gea done ko nileleaniokaua Unangika. Gea ufa nodiai hokogea, angamoi Ma Jou wonahidoakoka Ma Jou o Womaha ngoneino, de o hawana gea ko ihititiua Ma Jou o Womahoka. Abe ko o hawanua wonahidoaka, masara abe Una wonahidoaka ngoneino gea o hiakunu de ma buturungoka, de o dora, de wonahiakunoo la ka idadi hakunu homatongohono ma dorouino.

1 Samuele 16:4

Ho o Samuele ai behehongo Ma Jou o Yaweino gea waniiki itiai. Masara ma oraha woboa o Beteleheemino de o kota ma dimo-dimono ka de iwimake o Samuele de yohawana ho iwileha o Samuelika, ato, “Mia baluhu, o kia ma howono nenangoka hiadono naa noboa nomitutumu? Eko sarakia, ngona naa noboa o dame dika nomigao?” Hokogea yotemo de manga hininga ma hawanoka.