Maruku 4:41 - Ma Jou ai Demo-demo o Totobelohoka

⁴¹ De iwinii-niiki gea duru yokokihawanoka de yomakoketemo ato, “Adoo! Una naa ka onaguna? Abeika Una ai buturungu! Ei! Ai kuaha gea o kiaino hiadono o rato de o akere ma ngooto iwihingounu hokogea?”

Maruku 4:41 ပူးပေါင်းရင်းမြစ်များ

Higiriiri 89:7

De manga higiriiri gea duru itaana, angamoi done onagonali o Horogaka yomatoteroino de Ma Jou o Yawe? Abe ngaro naga o jou-jou manga rupa hatoli imakiniiki de Una, masara duru ko iwa abe hoimoi de nanga Jou o Yawe.

Matiusu 14:32

De ona yahinooto yofarene o ngotiriye, de gea ka de yodoaka de ma hidaloko iriidoka.

Matiusu 8:27

Ho ona iwinii-niiki duru yokokiheranga de yomakokeleha ato, “Adoo! Abeika Una gea ai buturungu! Ei! Ai kuaha gea o kiaino hiadono o rato de o akere ma ngooto iwihingounu hokogea?”

Maruku 4:40

De ahao watemo iwinii-niikika wato, “Ho ngini naa, adodoa ho naga nia hawana? Ho mode ngini ko iwahi nia ngongaku Ngohino?”

Maruku 5:1

Ho ipahaino de o Yesusu de ona iwinii-niiki yomahiadonoka o akere ma ngooto ma honongaika abe o Gerasa ma nyawa yogogere genangoka de youti genangiha.

Maruku 5:33

De o ngofeka gea moboa Unangika angamoi mamao gea idadioka munangika. De moboaino de duru mohawana hiadono mofafara. Moboa Unangino de momamotumuku ai himangoka de Unangika momangaku mato, “Ahi Baluhu, marai ngohi naa ani bajuika taso angamoi toigo ahi kangelaino totogumu.”

Maruku 7:37

De o nyawa manga ngoe-ngoe genangoka duru yokokiheranga de yomakoketemo yato, “Abeika adoo! Una naa ngaro o kia dika ma wakunu wodiai irahai. Ngaro o nyawa yatotopongono ma wakunu wahitogumu la ka idadi yomahiihenoli. De ngaro yomou-mouoo ma Una wodiai la yotemo-temoli.” Hokogea womou-mou ai ade-ade.

Lukasa 4:36

De ona mata-mata duru yokokiheranga de yomakoketemo ato, “Abeika Una naa ai dodotoko duru o fara moi! Angamoi Una wohuloko o tokatika de ai kuaha de ai buturungu de ena gea ka ihupu dika o nyawaino!”

Lukasa 8:25

De ahao Una waleha onangika wato, “Ho ngini naa o kiaka nia ngongaku?” De abe iwinii-niiki ona gea duru yohawana de yokokiheranga ho yomakokeleha ato, “Nanga Baluhu naa done onaguna? Abe ngone hamakeoka ai kuaha o popanyakeika de o toka-tokatika, masara naa Una wahuloko o hidaloko de o luluika de enangoo mata-mata iwihingounu Unangika!”

Ibarani 12:28

De nako to ngone nanga ngi Unangoka abe ahao Una genangoka wonahikoano, gea hohiorikoka abe nanga ngi gea ko idadiua ihikelu-kelu masara itongohono ka hiado-adonika. Ho irahai ngone naa hasoino Ma Jou ai hininga ma owa ngoneino de hiadono homahuba-huba Unangika abe hoka itiai Ma Jouika homahuba, abe gea de nanga horomati Unangika de nanga hawana to Una ai hohowonika la ufa Unangoka de aino horehene.

Himatoko 15:4

Mode ka onagona abe ko inimodongua de ko inihoromatiua Ngonaika? De mode ka onagona yoluku ihilamoko ani romanga de inihigiriiri Ngonaika? Angamoi ka Ngona dika notebi-tebini! De o dunia ma nyawa mata-mataika ahao yokokiboa de yomahuba to Ngona ani himangoka, angamoi ani datoro ma totiai ona yakokimakeoka.” Hokogea manga nyanyianga ma demo Unangika.

1 Samuele 12:24

Masara nginioo kiani de nia horomati ma modongo ma gou-goungu, de nia hininga ma gahumu, nimahuba-huba Ma Jou o Yaweika dika. De ka ihikaika nimahihohininga mata-mata abe winiduhunoka la nia hiningaka ka ihikaika naga nia higiriiri itagi Unangika.