Maruku 4:36 - Ma Jou ai Demo-demo o Totobelohoka

³⁶ Ho ona yowoe-woe abe wadotokoka ona gea yanoaka de yofarenoka ma ngotiri de de o Yesusu de yosobo. De naga o ngotiri utu muruono naga abe o nyawa yofarenoko ho onangoo yosobo yomakiniiki de o Yesusu.

Maruku 4:36 ပူးပေါင်းရင်းမြစ်များ

Matiusu 8:23

De ahao o Yesusu de iwinii-niiki ona yofarenokoka manga ngotiroko de yosobo yomahihora doka o akere ma ngooto ma honongaika.

Maruku 3:9

Masara angamoi ona duru ko manga ngoe ho yomahidutukino o Yesusino, ho gea hiadono wahuloko iwinii-niikika wato, “O ngotiri nihihidiai la kalioli ihihideefotino.”

Maruku 4:1

De ipahaino de o Yesusu ma moioli o nyawa wadotoko o Galilea ma akere ma ngooto ma datekoka. De duru ka yowoeokaholi yomatoomuino ho o Yesusu womaturuuru o ngotiroko de wogogeruku o ngotiroka gea la wadotoko onangika. De abe o nyawa yowoe-woe yomafafoino genangoka, ona ka o dudungoka dika de iwihigihene Unangika.

Maruku 4:37

De manga dodagi ma goronaka de yadarato ho italoko kohabuturungu. De manga ngotiri ihiboha-boha angamoi ma lulu kohaago-agomo ho hiadono yobarene manga ngotiruku de ngade-ngade iwooro.

Maruku 5:2

De genangoka naga womatengo iwikokitokata wogogere o arukoka abe o nyawa manga honenge ihingoha-ngohama genangika. De ko moiua ka idadi iwipakiti unangika la iwitumungu. Angamoi duru ma ngoeokau ai lou de ai giamoo ka ma moi ihidapakiti de o rante. Masara ka watoa-toaka ma rante, ngaro ai louoka eko ai giamoka, ma ka watoa-toakuku, ko moiua de iwingakunu iwitumungu. De o wange-wange de o futu-futuiye womapoa-poaka o loku-lokuoka de o lungu-lungunoka abe naga ma arukoka gea. De ai badanga womahikokuraihi de o hakaru.

Maruku 5:21

De ipaha de o Yesusu womahihorali doka o akere ma ngooto ma honongaika. Womahihoraika de woutiuku doka o akere ma ngooto ma ngigoroka de genangoka naga o nyawa ko manga ngoe yoboa de iwihigororomino.

Maruku 6:32

Ho ona yosobo yongotiri yomahihora doka o akere ma ngooto ma honongaika abe genangoka ko iwa o nyawa.

Lukasa 8:22

De o wange moiukuoli o Yesusu de abe iwinii-niiki yofare-fareniye o ngotiri moioka de Una wotemo onangika wato, “Abeika ngone hoiki homahihora doka o ngooto ma honongaika gea.” De ahao ona yosoboka.