Maruku 4:34 - Ma Jou ai Demo-demo o Totobelohoka

³⁴ De ai dodotoko ko moiua de ko wohiketeroua. Duru o hiketero dika wapake. Masara nako Una de iwitobanii-niiki dika naga, gea ahao wahitararono onangika abe o hiketero ma titi mata-mata.

Maruku 4:34 ပူးပေါင်းရင်းမြစ်များ

Matiusu 13:34

De hokogea o Yesusu ka ihikaika wadotoko o nyawa yowoe-woeika de o hiketero ma ade-ade dika. Angamoi ko iwa ma oraha abe Una ko wapakeua de o hiketeroino, masara ka o hiketero dika wohidemo-demo onangika.

Maruku 4:10

De o nyawaika gea wadotoko ipaha de ahao yowoe-woe yosobo de ma hou ka onangokahi abe iwinii-niiki yangimoi de yahinooto de utuoli abe iwitobaniiki. Ho gea ka onangokahi dika naga Unangoka de iwileha o Yesusika ma titi ma hiketero ma ade-ade abe wadotokoka.

Maruku 4:33

Hokogea o Yesusu wadotoko o nyawaika, abe duru kohangoe o hiketero wapake. De gea o nyawa wadotoko hiadono o nyawa manga hininga duru aomangoka de ai demo. Ho nako nagahi to ona manga hiakunu la yoihene, gea o Yesusu ka wadotokohi onangika.

Lukasa 24:27

De ahao o Yesusu wahitararono onangika Ma Jou ai Demo-demoino mata-mata abe ma dodihiraino de ihitulihukuoka ato ahao hokokia kiani idadi Unangika. De gea womulaenge de o Musa ai demo de wagoraka ma demo mata-mata abe iwihidumutu o Mesiaika de wahitararono hokokia ma demo ihingodumoka. De ahao wogila-gila de wagoraka Ma Jou ai uru ma dodofanga utuinoli manga demo de genangoo wahitararono ona yahinootoika la ka idadi ihioriki hokokia kiani idadi Ma Jou ai Mesiaika. Masara gea wahitararono de ko womafetonguahi abe tanu Una gea manga Mesia.

Yohanese 10:6

Hokogea o Yesusu wohiketero la wahitararono abe Una hoka onangua abe yoboa yotobabudi. Masara o Yesusu ai hiketero gea ko yataokua ma titi.

Yohanese 16:25

De o Yesusu womahingahuohi ona iwitobanii-niikika wato, “Ngaro Ngohi ma dihiraino ma ngoe o hiketero de o demo ma dulu tapake, ma itigioka ma oraha de o hiketero ko tapakeokaua la tinidotoko nginika. Ho ahao tinihingahu ma titi ahi Baba de tapake dika o demo abe duru igapanga niataoko ma titi.

Hidingoto 28:23

De o Paulusu wosanangi womahingahu ai hininga onangika ho wogelenga ma gahe la ahao ma wange adonoka de yomakamakeoli. De ma wange gea adonoka de o nyawa manga ngoe yoboaino o Paulusu ai tauino la yotoihene ai demoika. De una wahingahu onangika abe ma titi hokokia Ma Jou wahikoano ai nyawaika, de nagali wadotoko onangika ma titi o Yesusu abe Ma Jou ai Demo-demoino. De gea wohipake ma demo abe o Musa ai buku motoaino de abe Ma Jou ai uru ma dodofanga manga buku to enangoo ma demo wohipake la wadotoko ma titi o Yesusu. De ma wange gea abe womulaenge wadotoko gea ka o ngoruminohi, de wogila-gila wadotoko ka hiadono ihumuririhuku.