Maruku 4:32 - Ma Jou ai Demo-demo o Totobelohoka

³² Ipaha de iwangoiye, de abeika hokokia ma gurutiye, ngaro ma dihira ma mui duru ieteke. De nako o gauku mata-mataika o duniaka, ka enangohi ikurutiye. De to ena ma jaga utu ilago-agomo ho hiadono o totaleo iboaino de ma igutu imadiai ma jagaka gea angamoi ma fofongo duru irahai. De hokogenangoo abe ma oraha naa Ma Jou wahikoano o nyawa abe hatoli yohutulu dika, masara ika-ika de duru yodogo-dogo abe Una ka idadi wahikoano ai nyawa ko manga ngoeika.” Hokogea o Yesusu ai hiketero.

Maruku 4:32 ပူးပေါင်းရင်းမြစ်များ

Higiriiri 104:12

De o akere gea ma datekoka naga o totaleo imadiai ma igutu, De o totaleo gea yaika yaino itangi-tangi o gota ma jaga-jagaika. De duru isanangi itemo-temo imaketero hoka o nyanyianga ma ilingi.

Higiriiri 91:1

Koaho ngini nimahitatoko Ma Jou Wokokurutiye ai timiuku, de irahai la ngini nimanoa Una Wokokurutiye ai fofongoka.

Sosawaro 4:18

“Masara o nyawa abe yaniiki o totiai gea to ona manga ngekomo hoka o wange ipotokaiha ma dararono abe itararono ma morikotiha de ka ihikaika idogo ma buturungu ma dararono gea ka hiadono o wange ikoronaiha. De imaketero hokogea idadi nako o nyawa yapake Ma Jou ai totiai abe gea ma ngekomo la ka ihikaika idogo ma buturungu manga totiai manga wowango ma datoroka.

Yesaya 11:9

Ho igoungu, abe ma oraha gea de duru ko iwaka abe yahiodiri utuika to Ngohi ahi loku ma debi-debinoka de hiadono ahi tonaka ma amokika. Angamoi gea o dunia naa aomanga de o nyawa abe naga manga hingounu Ngohi Ma Jou o Yaweino, abe imaketero hoka ma ngooto aomangiye de o gahi.

Matiusu 13:32

De nako o sawi ma bibiti gea nihioriki abe ena gea duru ieteteke nako hohidotelega de o bibiti utu. Masara nako hiadono iwangoiyeoka de ka enangohi ikurutiye nako de o gauku utu mata-mata o redioka. Abe gea ma sawi idadi duru ilamokiye hiadono ngade-ngade hoka o gotali ma gurutiye, ho o totaleo iboaino de ka idadi yodangi ma jaga-jagaika angamoi ma ago-agomo. De hokogenangoo idadi abe ma oraha Ma Jou wahikoano ai nyawaika.” De gea ma hiketero ma titi abe ma dodihiraka de Ma Jou ai nyawa duru ko yowoe-woeua, masara ika-ika de ahao duru yodogo-dogo yowoe hiadono ma bahauku de duru ko manga ngoe iwingaku-ngaku Unangika.

Maruku 4:31

Marai hokonaa ma hiketero. Naga ma mui moi, o gauku ma mui, abe ihiromanga o sawi, de ngini nihiorikoka nako o gauku ma mui mata-mataika, ka enangohi duru ieteke. Ho o sawi ma mui gea yodatomo.

Maruku 4:33

Hokogea o Yesusu wadotoko o nyawaika, abe duru kohangoe o hiketero wapake. De gea o nyawa wadotoko hiadono o nyawa manga hininga duru aomangoka de ai demo. Ho nako nagahi to ona manga hiakunu la yoihene, gea o Yesusu ka wadotokohi onangika.