Maruku 4:3 - Ma Jou ai Demo-demo o Totobelohoka

³ “Abeika nitotoihene, naga womatengo woiki o redika la wohibarihi o bibiti.

Maruku 4:3 ပူးပေါင်းရင်းမြစ်များ

Higiriiri 34:11

Ahi ngofa-ngofaka niaino nitotoihene ahi demoino naa, Ngohi toigo tinidotoko la duru niataoko itiai ma titi Ma Jou o Yawe. Tinidotoko hiadono nia horomati ma modongo naga Unangika.

Sosawaro 7:24

Ho ahi ngofa-ngofaka, ngini nihihigihene nia baba, kiani nitotoihene ahi demo naa!

Sosawaro 8:32

“Ho ngohi o sosawaro tinihiromanga ngini o nyawa mata-mataika to ngohi ahi ngofa-ngofaka de duru togahoko nginika la nimadoihene ahi demoika. Ngini nako nianiiki to ngohi ahi ngekomika ngohi tinihiowa ho duru nisosanangi.

Matiusu 13:24

De ahao o hiketero moioli o Yesusu wahidoaka o nyawaika, wato, “Ahi ade-ade ma demoino naa de tinihingahu nginika abe hokokia idadi ma oraha Ma Jou wahikoano ai nyawaika. De naga womatengo wotobaredi de o pine ma bibiti ma rahai wohibarihi ai redioka.

Matiusu 13:26

“De ipahaino hiadono ma pine iwangoiyeoka de hiadono imulaenge ihofoko de ahao wotobaredi ai nyawa yamake abe nagaoo o ruruubu ma ngoe ma pineoka gea.

Matiusu 13:3

De naga ma titi ma ngoe o Yesusu wadotoko o nyawaika abe wapake o hiketero ma ade-adeino. De naa moi ai ade-ade abe wadotoko ona manga ngoe-ngoeika, wato, “Abeika nitotoihene ahi ade-ade naa. De naga womatengo wotobaredi-redi woiki wohibarihi o bibiti.

Maruku 4:14

Abe Una wato, “O bibiti gea wohibarihika gea Ma Jou ai Demo-demo.

Maruku 4:2

De naga ma titi ma ngoe o Yesusu wadotoko o nyawaika abe wapake de o hiketero ma ade-ade. Ho o wange gea wadotoko hokonaa, wato,

Maruku 4:23

Ho nginioka onagona dika abe de nia ngaukoka, kiani nitoihene la ma titi niataoko itiai.”

Maruku 4:4

De o bibiti ma gogiriaka wohibarihi de utu ipuraraha ka ma ngekomuku, de o totaleo iboaino de aolomoka.

Maruku 4:9

Ho gea o Yesusu wohiketero ma ade-adeoka ibooto de ahao wotemo onangika wato, “Onagona dika de manga ngaukoka kiani ihigihene.”

Hidingoto 2:14

De ahao o Peturusu de ai dodiawo yangimoi de yamoi ona yomaokoino o nyawa yowoe-woe manga hima-himangoka. De o Peturusu waamo-amokiye de wotemo ona mata-mataika wato, “Ahi gogianongoru o Yahudi ma nyawa de ngini utu mata-mata abe o Yerusaleeme ma kotaka naa nimanoa. Abeika nitotoihene ahi demoino naa la ka idadi tinihitararono nginika!

Higalioli 4:1

De ipahaino de o Musa wahigaro ai gogianongoruika wato, “Abeika, ngini o Isiraele ma nyawa, ngini kiani duru nitotoihene de nianiiki itiai ma huhuloko ma demo naa nginika. Abe nako naga nia hingounu Ma Jou ai huhuloko ma demoika de ahao ka idadi niwango irahai de niwohama ma tonakika gea abe nia totofora manga Jou o Yawe winihidoaka nginika. De niwohama ipaha de ka idadi nimahitingini ma tonaka gea la idadi ti nginioli.

Yakobusu 2:5

Ahi gogianongoru abe duru tinidora nginika, abeika ngini nitotoihene ahi demoino naa. Nako ngini niahitipokouku o huha ma nyawaika, gea duru ko to Ma Jouua ai hininga ngini nianiiki. Angamoi nako Ma Jou ai hininga, Una wairikoka o huha ma nyawa o duniaka naa la ma titi manga ngongakuino de ona yodadi o nyawa abe duru de manga utumoka. De ona gea Ma Jou wahigogere to Una ai kuahaka la ahao Una wahikoano onangika, de gea duru imaketero abe hoka ma dodihiraino wohibehehongoka wato onagona dika yagou-goungu iwidora Unangika de ona gea ahao yogogere to Una ai kuahaka.

Himatoko 2:11

“De onagona dika de manga ngaukoka kiani ihigihene Ma Jou o Womaha ai Demo-demoino abe ahao naa niihenoka, abe Una gea ai demo wohidumutu ma gogarejaika.” “De onagona dika yolaku ho ma dorou ko yahikalaua, ona gea o hohonenge ma hinooto ko yadaenua, ho ma kangela abe ko iwa ma baha gea ko amakeua.” Hokogea ma hurata abe o Semirna ma garejaika.

Himatoko 2:29

“De onagona dika de manga ngaukoka kiani ihigihene Ma Jou o Womaha ai Demo-demoino abe ahao naa niihenoka, abe Una gea ai demo wohidumutu ma gogarejaika.” Hokogea ma hurata abe o Tiatira ma garejaika.

Himatoko 2:7

“De onagona dika de manga ngaukoka kiani ihigihene Ma Jou o Womaha ai Demo-demoino abe ahao naa niihenoka, abe Una gea ai demo wohidumutu ma gogarejaika.” “De onagona dika yolaku ho ma dorou ko yahikalaua onangika, ona gea tahigunoa la o wowango ma gota ma hofokino ka idadi yaolomo, de ma gota gea naga iwango Ma Jou ai ngi ma hohailoa abe o Horogaka.” Hokogea ma hurata abe o Efesusu ma garejaika.