Maruku 4:16 - Ma Jou ai Demo-demo o Totobelohoka

¹⁶ De utu abe yoihene Ma Jou ai Demo-demo, ona yomaketero hoka o bibiti gea ipuraraha o hakaruku. Ho gea imaketero hoka ona abe yoihene Ma Jou ai Demo-demoino de yodafongo ka de manga garagoka.

Maruku 4:16 ပူးပေါင်းရင်းမြစ်များ

Matiusu 13:5

De abe utu ipuraraha ka o hakaruku de ma tonaka ko ipirinukua de ma bibiti gea itaiti iwango.

Maruku 4:15

Ho o bibiti gea ipuraraha ma ngekomuku gea ihihanga imaketero hoka ona gea yoihenino Ma Jou ai Demo-demo ma ko itedekanuahi de o Ibilihi ma haeke iboaino onangika de idiai la yawohanga Ma Jou ai Demo-demo abe yoihenoka.

Maruku 4:17

Masara angamoi manga hiningaka ko imahingutukua ho nako o huha yamake eko naga yahikangela de ma titi Ma Jou ai Demo-demo ona yaniiki, gea itaitino de hiadono ko yaniikokaua enangika.

Maruku 6:20

angamoi ami rokata o Herodese wigoana o Yohanese. Wigoana hokogea angamoi wato, “Una gea o totiai ma nyawa, abe hatoli ko iwa ai howono,” ho wimodongo o Yohanesika. De o Herodese duru woigo wotoihene ma titi o Yohanese ai demo-demo, abe ngaro doka ai hiningaka de duru ipusingi ma oraha woihene ai demo-demo gea masara ka idadiohi ma moi ma moi wotoihene.

Lukasa 8:13

“De utu yoihene Ma Jou ai Demo-demo imaketero hoka o bibiti gea ipuraraha o hakaruku. Ho gea imaketero hoka ona abe yoihene Ma Jou ai Demo-demoino de yodafongo ka de manga garagoka ho hiadono jai-jai dika yongaku enangika. Masara angamoi manga hiningaka ko imahingutukua ho nako o huha yamake eko naga yahikangela onangika, gea itaitino de hiadono ona ko yaniikokaua.”

Yohanese 5:35

O Yohanese, una gea ka idadi hihiketero de o hilo abe ma oraha itokara ngaro ko itedekanua ma o nyawa ka yahitararono. De imaketero hokogea ngaro ma oraha jai-jaiino dika ma nginioo nisanangi niodogarago o dararonika gea abe niamake o Yohanesino.”

Hidingoto 26:28

De o Agaripa wipaluhu wato, “Ho mode ngona naa nato bote ani demo muruono dika de genangino ngohi tingaku o Kristusika?”

Hidingoto 8:13

De o Simono unangoo wongakuoka de womaohiki. De womaohiki ipaha de witobaniiki o Filipusu abe ngaro o kiaika dika o Filipusu woiki ma una o Simono winiiki genangika. De o Simono duru wiheranga o Filipusika ma titi ma heheranga de ma kuaha ma dodunguu abe o Filipusu wotobadiai o nyawa manga hima-himangoka.