Maruku 4:14 - Ma Jou ai Demo-demo o Totobelohoka

¹⁴ Abe Una wato, “O bibiti gea wohibarihika gea Ma Jou ai Demo-demo.

Maruku 4:14 ပူးပေါင်းရင်းမြစ်များ

Matiusu 13:19

De ma bibiti abe ipuraraha ma ngekomuku gea ma titi Ma Jou ai Demo-demo, abe o nyawa yoihenino o Abari ma Rorahai abe hokokia ahao Ma Jou wahikoano ai nyawaika. Masara o nyawa gea ko ihiorikua ma titi ai demoino gea. De ko itedekanuahi de o Ibilihi ma haeke iboa onangika de idiai manga hiningaka la yawohanga Ma Jou ai Demo-demo abe yoihenoka. Ho gea imaketero hoka ena yagorakino ma bibiti gea de ihiloaroka ma nyawaka de aino.”

Matiusu 13:3

De naga ma titi ma ngoe o Yesusu wadotoko o nyawaika abe wapake o hiketero ma ade-adeino. De naa moi ai ade-ade abe wadotoko ona manga ngoe-ngoeika, wato, “Abeika nitotoihene ahi ade-ade naa. De naga womatengo wotobaredi-redi woiki wohibarihi o bibiti.

Matiusu 13:37

De o Yesusu wopaluhu wato, “Ka idadi tinihitararono nginika. Ho hokonaa ma titi. Abe womatengo wotobaredi de wohibarihi ma pine ma bibiti ma rahai, una gea tanu tomahiketero Ngohi naa o Nyawa ma Ngofaka abe toboa o Horogaka de tauku.

Maruku 2:2

De ma abari gea yoihenino ho naga manga ngoe yoboa yomatoomuino ma tauoka gea ho hiadono yodokemoka o tau ma goronaka de ko iwaka ma ngi, de hiadono yodeefotoka o tau ma ngorana ka hiadono ma poretoko. De o Yesusu wadotoko o nyawa manga ngoeika gea Ma Jou ai Demo-demoino.

Maruku 4:13

De o Yesusu wotemoli onangika wato, “Sarakia ahi hiketero kangano abe wohibarihi o bibiti, gea ko nihiorikua ma titi? Nako gea done sarakia o hiketero ma ade-ade utu de ahao nihioriki ma titi?” Hokogea o Yesusu wataere onangika de ahao ai hiketero ma ade-ade wahitararono onangika hokonaa la duru ihioriki ma titi.

Maruku 4:15

Ho o bibiti gea ipuraraha ma ngekomuku gea ihihanga imaketero hoka ona gea yoihenino Ma Jou ai Demo-demo ma ko itedekanuahi de o Ibilihi ma haeke iboaino onangika de idiai la yawohanga Ma Jou ai Demo-demo abe yoihenoka.

Maruku 4:3

“Abeika nitotoihene, naga womatengo woiki o redika la wohibarihi o bibiti.

Lukasa 8:11

De ahao o Yesusu wotemohi iwinii-niikika wato, “De naa tinihitararono nginika o hiketero ma ade-ade kangano abe ma titi womatengo o bibiti wohibarihi. De o bibiti gea ena Ma Jou ai Demo-demo.

Hidingoto 8:4

De ona iwingaku-ngakuoka abe yomahikabarihika ona yotagi-tagi de yahingahu-ngahu o Abari ma Rorahai o nyawaika.