Maruku 4:10 - Ma Jou ai Demo-demo o Totobelohoka

¹⁰ De o nyawaika gea wadotoko ipaha de ahao yowoe-woe yosobo de ma hou ka onangokahi abe iwinii-niiki yangimoi de yahinooto de utuoli abe iwitobaniiki. Ho gea ka onangokahi dika naga Unangoka de iwileha o Yesusika ma titi ma hiketero ma ade-ade abe wadotokoka.

Maruku 4:10 ပူးပေါင်းရင်းမြစ်များ

Sosawaro 13:20

Ngone abe hadodiawo onangika yosoo-sosawaro, ahao to ngoneoli nanga sosawaro ka idogo. Masara nako homakiniiki de o bodo ma nyawaika, ahao o kangela inadodamaa.

Matiusu 13:3

De naga ma titi ma ngoe o Yesusu wadotoko o nyawaika abe wapake o hiketero ma ade-adeino. De naa moi ai ade-ade abe wadotoko ona manga ngoe-ngoeika, wato, “Abeika nitotoihene ahi ade-ade naa. De naga womatengo wotobaredi-redi woiki wohibarihi o bibiti.

Matiusu 13:36

De ipahaino de o Yesusu wadotoko ibooto o nyawa ko manga ngoeika gea ho Una de abe iwitobanii-niiki ona yokokiwohama ma tau ma goronaika. De genangika yowohamoka de ona iwinii-niiki yomagahoko o Yesusika ato, “Mia Baluhu, marai ngomi migahoko la Ngona nomihitararono ngomino ma hiketero kangano ma titi. Abe ma hiketero ma goronaka de notemo nato womatengo ai redioka de naga o ruruubu duru kohangoe. Gea ena done ma titi o kia?”

Maruku 4:11

De o Yesusu wapaluhu onangika wato, “Ma dihiraino o nyawa ko ihiorikuahi Ma Jou ai dogogono abe ma titi hokokia Una wahikoano ai nyawaika. Masara ma oraha naa de Una winihimatokoka nginika ai dogogono gea la wato ngini naa ka idadi nihioriki. Masara ona abe nagahi ma poretoka abe ma titi ko yoboauahi Ma Jouino ho ko yodadiuahi to Una ai nyawa, ona gea Ma Jou wato borotaua de ona ihioriki abe ma titi hokokia ai nyawaika wahikoano. De gea ena ma titi hiadono Ngohi tadotoko de o hiketero ma ade-ade dika tatobapake.

Maruku 4:34

De ai dodotoko ko moiua de ko wohiketeroua. Duru o hiketero dika wapake. Masara nako Una de iwitobanii-niiki dika naga, gea ahao wahitararono onangika abe o hiketero ma titi mata-mata.

Maruku 4:9

Ho gea o Yesusu wohiketero ma ade-adeoka ibooto de ahao wotemo onangika wato, “Onagona dika de manga ngaukoka kiani ihigihene.”

Maruku 7:17

De ahao o Yesusu wanoaika o nyawa manga ngoe gea de wowohamoka ma tau ma goronaika, de genangoka iwinii-niiki iwilehali ato, “Ani dodotoko ma demo kangano gea ma titi totokia?”