“De hokogea tatailako de tahikatingaka ibooto o nyawa mata-mataika ma oraha gea de ahao ona ahi gubadioka yokokisoboka manga hohowono ma ngiika la ka hiado-adonika yahohowono genangoka. Masara ahi totiai ma nyawa ona yakokimakeoka o wowango ka hiado-adonika.” De hokogea o Yesusu ai bobaluhu ma demo iwinii-niikika wabooto abe kanganoika ona iwileha Unangika ma titi hokokia ahao idadi nako o dunia ma bobaha itigioka.
Maruku 3:29 - Ma Jou ai Demo-demo o Totobelohoka29 Masara onagona dika iwingelo Ma Jou o Womahika, de gea ahao Ma Jou ko waofiua to ona manga howono gea, abe manga howono ko ihihangua ka hiado-adonika.” အခန်းကိုကြည့်ပါ။ |
Maruku 3:29
9 ပူးပေါင်းရင်းမြစ်များ
Masara genangoka naga o nyawa ko manga ngoe, de yamuruono naga abe o Musa ai Paretaino yotobadoto-dotoko, de ona gea ka de yoihene abe o Yesusu ai demo wolugu-luguika de ona manga hiningaka ato, “Ei, Una naa Ma Jou wingelo ai demoino. Angamoi Una womahitouna abe Ma Jou dika ai karajaanga la o nyawa manga howono waofi. Ho naa Una duru womahikurutiye abe womahitero-tero de Ma Jou!” Hokogea itagi manga hiningaka.
De ona gea yarusi o ngo-ngofekaika abe yofao la yaora onangino manga tau ka ma moi de manga kiahonanga. De gea yodiaioka yofao-faoika de ahao o nyawa manga hima-himangoka de yomaniata ma dekanino la ato manga totiai yahimatoko o nyawaika. Ho gea Ngohi tato ona abe yotobadoto-dotoko o Musa ai Paretaino ahao to onangohi manga hohowono duru ilamoko.” Hokogea o Yesusu wahitiari yowoe-woeika abe ma titi ona abe yotobadoto-dotoko o Musa ai Paretaino.
De to ona gea manga hohowono o bobinaahaika abe ko iwa ma baha ka hiado-adonika. De gea ma titi manga hohowono hiadono ka ihikaika yomakitingaka ona de nanga Baluhu. Ho gea duru ko idadiokaua iwimake Una de ko idadiokaua yamake to Una ai buturungu de ai medebini ma dararono. De genangoka de aino ngone o nyawa mata-mata hohioriki de duru itararono abe nanga Baluhu idodutu Una duru itiai waputuhu ma titi wonatailako nanga datoro.
De o nyawa gea yomaketero abe hoka o lulu ma ago-agomo ma oraha o rato, ho ma oraha ihohe ma dudungiha de ma peseke ihibuaeliye de ihikabarihi arihonongaika. De hokogea tahiketero onangika angamoi manga datoro gea o himaleke dika ho hiadono ma peseke naga onangoka. De ona gea hoka o muru-murumu utu o dihangoka abe irehene ma dodagioka de aino ho hiadono to ena ma dodagi ko itiaiokaua yaniiki. De ona gea ahao ma hohowono amake o fufutu ma ngioka ka hiado-adonika, de ma ngi gea Ma Jou wahidiaiokau abe duru kohamofufutuholi genangoka. De hokogea to ona gea manga hohowono ahao amake abe ma nyawa gea yomahikasapuru nginika.
De naga ma ade-ade moioli tinihihohininga, de gea ma titi ma dodihiraino o Sodomo de o Gomora de naga ma kota utu abe ihigilolitino ma kota hinooto gea. Abe ma nyawa ma dodihiraino yogoo-gogere ma kota-kotaka gea to onangoo manga datoro hatoli imaketero abe hoka o malaekata ma dorouoli ma datoro, angamoi onangoo yomakitigi ko itiaiua de nagali yohafini utuika abe ko imakiniikua de Ma Jou ai hininga de ai hiaturu ai dulaadaino. De gea ma kota ma nyawa onangoo ma bahauku de Ma Jou wahibinaaha de o uku ka hiado-adonika. De igoungu ona gea ka ma dodihirainohi de hidutu ka ma oraha naa de ka wahihohowonohi de o uku. Ho ona gea yodadioka o dodotoko de o hitiari ngone mata-mataino abe ma titi hokokia ma mogiria Ma Jou ai hohowono onangika abe ko iwinii-niikua.
ကြော်ငြာတွေ