Maruku 3:23 - Ma Jou ai Demo-demo o Totobelohoka

²³ Ho o Yesusu wahokino ona abe yotobadoto-dotoko o Musa ai Paretaino de waleha onangika wato, “Ho mode o Ibilihi yahititoko to ena ma hirete ma dodiawo o nyawaino?

Maruku 3:23 ပူးပေါင်းရင်းမြစ်များ

Matiusu 13:3

De naga ma titi ma ngoe o Yesusu wadotoko o nyawaika abe wapake o hiketero ma ade-adeino. De naa moi ai ade-ade abe wadotoko ona manga ngoe-ngoeika, wato, “Abeika nitotoihene ahi ade-ade naa. De naga womatengo wotobaredi-redi woiki wohibarihi o bibiti.

Matiusu 13:34

De hokogea o Yesusu ka ihikaika wadotoko o nyawa yowoe-woeika de o hiketero ma ade-ade dika. Angamoi ko iwa ma oraha abe Una ko wapakeua de o hiketeroino, masara ka o hiketero dika wohidemo-demo onangika.

Matiusu 4:10

De o Yesusu wopaluhu enangika wato, “Ngona o Ibilihi, ka nohinoaka dika! Angamoi Ma Jou ai Demo-demoka naga moi itemo ato, ‘Ngini kiani nimahuba nia Jou o Yaweika dika, de ko idadiua utuika ngini nioleleani.’”

Maruku 12:1

De ahao o Yahudi ma nyawa manga hohidimono gea nagahi o Yesusoka de Una womulaenge wodotoko abe wahiketero ona, wato, “De naga womatengo o angguru ma redi wodatomo. Wodatomo ibooto de wohigilolitino wadaduhu ma redi gea. Wadaduhu ibooto de ahao wofaiti o humu moi abe o angguru ma teongo ahao ihahuru genanguku. De ahao moi wodiai abe o redi yogoa-goana manga tau. De gea mata-mata wabootoka de o nyawa yamuruono naga ahao wahewa la wato ona yoogoana to una ai redi gea. De o redi ma dutu de yogoa-goana yomahiketehibehehongo la nako adonoka ma oraha abe ahao amake o redi ma hasili, de ahao ma hasili gea yaregu la ahao ma hononga iwihidoaka o redi ma dutuika. De yomahiketehibehehongo ibooto de ahao o redi ma dutu wosoboka de wotagi-tagi o tonaka utuikali.

Maruku 3:24

Hokonaa moi tohiketero. Abe nako o koano womatengo de to una ai kokawaaha yomahikokoona yomaketeparangi, gea ahao yomahikabarihika dika.

Maruku 4:11

De o Yesusu wapaluhu onangika wato, “Ma dihiraino o nyawa ko ihiorikuahi Ma Jou ai dogogono abe ma titi hokokia Una wahikoano ai nyawaika. Masara ma oraha naa de Una winihimatokoka nginika ai dogogono gea la wato ngini naa ka idadi nihioriki. Masara ona abe nagahi ma poretoka abe ma titi ko yoboauahi Ma Jouino ho ko yodadiuahi to Una ai nyawa, ona gea Ma Jou wato borotaua de ona ihioriki abe ma titi hokokia ai nyawaika wahikoano. De gea ena ma titi hiadono Ngohi tadotoko de o hiketero ma ade-ade dika tatobapake.

Maruku 4:2

De naga ma titi ma ngoe o Yesusu wadotoko o nyawaika abe wapake de o hiketero ma ade-ade. Ho o wange gea wadotoko hokonaa, wato,