Maruku 3:20 - Ma Jou ai Demo-demo o Totobelohoka

²⁰ Ho o lokuoka de auku youtiuku de yolio yowohamika ma tau ma goronaika. Masara imaketero hoka ma dihirali naga o nyawa ko manga ngoe iwiniiki de genangoka yomatoomuino o tau ma goronaka. Ho o Yesusu de iwinii-niiki ato yolomo ma ko idadiua angamoi o nyawa yowoeholi.

Maruku 3:20 ပူးပေါင်းရင်းမြစ်များ

Maruku 1:45

Masara o nyawa gea ka de wohupu de waade-adeoka o nyawaika. Ho ai ade-ade gea wohikabarihoka hiadono o Yesusu ko idadiokaua wowohama o kapo-kapongika done o nyawa ko manga ngoe iwihideefotino. Ho kiani womahidodogumu ma hoa-hoanoka abe ko iwa o nyawa genangoka. Ma ngaro o Yesusu womatingakika hokogea ma ka ihikaika nagahi o nyawa o kia-kiaino dika yoboaino Unangino.

Maruku 2:1

Ho o wange muruono naga ipahaikaka de o Yesusu wolioli o Kapenaumu ma kapongika, de o nyawa yoihene abe o Yesusu woboaka ho naga ma tauoka.

Maruku 3:19

De womatengoli o Yudasa Isikarioto, una gea abe ahao wihidoaka o Yesusu o nyawaika abe iwihidee la iwitoma. Hokogea ona yangimoi de yahinooto manga roma-romanga abe o Yesusu wairiki la yodadi ai hidingoto ma nyawa.

Maruku 3:7

De o Yesusu de iwinii-niiki ona yosobo yanoaika ma ngi gea de yoikoli o akere ma ngootikali. De naga o Galilea ma nyawa duru ko manga ngoe yoboaino de iwiniiki Unangika hiadono yomakutuono yomakiniiki. De naga o nyawa utuoli ko manga ngoe yoboaino o Yesusino. Abe o Yorodani ma akere doka ma honongaino yoboa Unangino de o Yudea ma tonakino yoboa de nagali o Yerusaleeme ma kotaino yoboaino. De nagaoo abe o Idumea ma tonakino yoboaino de hiadono ona yogogere o Tirusu de o Sidono ma kota ma datekoka, onangoo mata-mata yokokiboaino. Ona gea mata-mata yokokiboaino o Yesusino angamoi yoihenoka o Yesusu ai ade-ade ma ngoe abe o heheranga wodiaioka.

Maruku 3:9

Masara angamoi ona duru ko manga ngoe ho yomahidutukino o Yesusino, ho gea hiadono wahuloko iwinii-niikika wato, “O ngotiri nihihidiai la kalioli ihihideefotino.”

Maruku 6:31

Masara naga o nyawa manga ngoe abe ma ngioka gea yohupu yowohama hiadono o Yesusu de yangimoi de yahinooto gea ko iwa manga oraha la ka idadi yolomo. Ho wotemo onangika wato, “Abeika ngone hosobo ma homoaika la genangoka ka ngone dika de ka idadi ma hohutulu homahiaini.”

Maruku 7:17

De ahao o Yesusu wanoaika o nyawa manga ngoe gea de wowohamoka ma tau ma goronaika, de genangoka iwinii-niiki iwilehali ato, “Ani dodotoko ma demo kangano gea ma titi totokia?”

Maruku 9:28

De ipaha gea de o Yesusu de iwinii-niiki yoiki yowohama o tau moiika de genangoka ko iwa o nyawa, de ahao ona iwileha ato, “Kangano gea adodoa ho ngomi ko miakunua mihititoko unangino ma tokata gea?”

Lukasa 6:17

De wairiki ibooto de ona yomakutuono youti ma geleforino ka hiadono o tonaka ma dolauku yomahiadonoka abe duru itiaiika ma tonaka genangoka. De naga Unangoka ona abe iwinii-niiki de o nyawa utu yowoe-woeoka. Abe naga o Yudea ma kapo-kapongino mata-mata yoboaino, de nagali o Yerusaleeme ma kotaino, de utuoli dai o gahi ma ngigoroka de yaiha yoboa abe ona gea o Tirusu de o Sidono ma kotaka ma nyawa.