Maruku 3:14 - Ma Jou ai Demo-demo o Totobelohoka

¹⁴ De ahao iwinii-niikino gea wairiki yangimoi de yahinooto la ona gea ka ihikaika iwidodiawo de iwiniiki Unangika. De ona gea abe wahidingoto o nyawaika la yotobadotoko Ma Jou ai Demo-demoino, ho iwihiromanga onangika wato ai hidingoto ma nyawa.

Maruku 3:14 ပူးပေါင်းရင်းမြစ်များ

Maruku 3:13

De ma oraha gea o Yesusu wodoa daku o lokuiye. De gea wodoaiye de ko womatengoua, angamoi Una wahokino manga ngoe abe womaputuhoka wato ona gea iwiniiki dakuiye. Ho ona yomahiadoniyeoka de genangoka yomatoomuino o doomu moi.

Maruku 3:15

De wahidoaka onangika o kuaha la ka idadi onangoo o tokata ma dorou ihititoko.

Maruku 6:30

De ipaha de o Yesusu ai hidingoto ma nyawa abe naa ma duruino wahidingotoka yahohinooto, ona gea yokokilioino de yomatoomuino o Yesusoka. Yomatoomuino de yoade-ade Unangika mata-mata abe hokokia manga dodagi ma goronaka yodiai de yodotoko.

Lukasa 24:47

De ahi abari gea kiani o nyawa yahingahu-ngahu o dunia ma nyawa mata-mataika, de gea yahingahu-ngahu de to Ngohi ahi kuaha. Abe imulaenge o Yerusaleeme ma kotaka naa de imahora-hora o dunia ma amokika. De ma abari gea ma titi abe onagona dika yotoba de yoporete manga howo-howonino, ona gea ahao Ma Jou waofi manga howono gea.

Yohanese 15:16

De ko ma titiua ngini nihiiriki Ngohi masara Ngohi tiniiriki ngini de tinihikarajaanga de o karajaanga moi abe ma hasili duru itongohono. Ho nikokiloiki la nikokihofoko nia wowangoka la o karajaanga gea abe tinihidoakoka nginika duru de ma hasiloka. De nako gea dika nia wowango ma dumutu de ahao o Baba wodiai o kia dika nimagahoko de niapake ahi romanga.

Hidingoto 1:8

Masara naa moi ka idadi tinihingahu, abe ahao ma oraha ngini naa inilufungu de Ma Jou o Womaha de gea duru niamake ai kuaha la ka idadi niahingahu-ngahu o nyawa mata-mataika ma titi Ngohi. Abe ngaro o kia-kiaka dika yogogere, abe ngaro o Yerusaleemoka ma nyawa, de ona abe o Yudea ma tonakoka yomanoa, de ngaro ona abe o Samaria ma tonakoka, de ka hiadono o dunia ma bobahaika, ma ona mata-mataika ka idadi ngini nihiabari ma titi Ngohi!”

Galatia 1:1

Ahi gogianongoru o Yesusoka. Ngohi naa o Paulusu, abe Ma Jou wohiiriki ngohi la todadi o hidingoto ma nyawa abe tahingahu-ngahu o nyawaika ma titi o Yesusu Kristusu nanga Koano abe Ma Jou o Baba wonahibehehongoka. De naa tomahingahu tato ko o nyawakaua de aino ihigoraka ngohi la toiki tahingahu-ngahu o nyawaika, de ko o nyawa biahainoua abe ihihitagongo ngohino de ahi karajaanga naa. Masara gea o Yesusu Kristusu dika de Ma Jou o Baba abe wihimomikoka ai honengino, ma titi Unangoka de aino dika ahi kuaha wohihidoaka ngohino la ai Demo-demo tahingahu-ngahu o nyawaika.