Maruku 2:5 - Ma Jou ai Demo-demo o Totobelohoka

⁵ Ho ka de o Yesusu wamake manga ngongaku gea de witemo wolugu-luguika wato, “Ahi ngofaka, ani howono Ma Jouika naa Ngohi takokiofioka.”

Maruku 2:5 ပူးပေါင်းရင်းမြစ်များ

Dodadi 22:12

De o malaekata wihingahu wato, “Abarahaama, ufa nitoma ani ngofaka gea, de ufa nidodoaika naga angamoi naa de tonihiorikoka abe ani horomati naga Ma Jouika hiadono duru nihingounu. Abe ngaro ani ngofaka ka womatengo dika, masara ko nitumungua nato nohihidoaka dika Ngohino.”

Higiriiri 103:3

“Una woigo wohihiapongo hiadono ka ihikaika ahi howono Unangika waofi, De ma oraha topanyake Una abe ka ihikaika wohihitogumu ahi popanyakeino.

Yesaya 53:11

Ma Jou wihiromanga una gea ai huhuloko duru wototiai hiadono wihigunoa la wokangela. Ka de ai kangela ma huha ipahaka de una wamake ai kangelaino ma hasili ho hiadono duru ai hininga iriidoka de ai sosanangi. De una ka idadi o nyawa wahitiai manga wowangoka angamoi ahao manga howono mata-mata womahitounaka. De mata-mata gea to una ai tobahiorikoka de aino abe una wohiorikokau Ma Jou ai mau abe kiani una wohonenge la ka idadi o nyawa ko manga ngoe wahitotiai Ma Jou ai himangoka.

Matiusu 9:2

De yomahiadonoka genangoka de naga womatengo wolugu-lugu abe ai dodiawo iwiao o Yesusino. De wolugu-lugu gea una ka womaiduoka dika ai nanaooka. Ho ka de o Yesusu wamake wolugu-lugu gea de ai dodiawo abe iwiaoino de wahioriki abe ona mata-mata manga hiningaka de duru iwingakuoka Unangika. De mangale manga ngongakuino gea ho o Yesusu witemo wolugu-luguika wato, “Ahi ngofaka, ufa ani hininga ihuha, angamoi naa ani howono Ma Jouika Ngohi takokiofioka.”

Matiusu 9:22

Ho ka de maso ai bajuika de o Yesusu womadogilioro de womitemo munangika wato, “Ngohi ora, ufa ani hininga ihuha, angamoi ma titi ngona naa ani ngongakuino hiadono notogumoka.” De duru ma oraha gea dika de to muna ami kangela ko iwaka.

Matiusu 9:5

Masara Ngohi naa naga de ahi kuahaka ho hiadono ngaro totemo tato, ‘Ani howono taofioka,’ eko ngaro totemo tato ‘Nomomiki de nomaloiki,’ ma gea ka idadi todiai mata-mata.

Maruku 2:6

De naga o tau ma goronaka gea yogogeruku yamuruono naga abe yotobadoto-dotoko o Musa ai Paretaino, de doka manga hiningaka o Yesusu iwihidemo ato,

Maruku 5:34

De momangaku ibooto de wotemo munangika wato, “Ngohi ora, inihitogumoka ma titi ani ngongakuino. Ho naa ani hininga isanangioka de ka idadi nolio, angamoi ani kangela gea ko iwaka.”

Lukasa 5:20

Ho ka de o Yesusu wamake manga ngongaku gea de witemo wolugu-luguika wato, “Ahi ngofaka, ani howono Ma Jouika naa Ngohi takokiofioka.”

Lukasa 8:48

De o Yesusu womitemo munangika wato, “Ngohi ora, ma titi ani ngongakuino hiadono naa ngona notogumoka. Ho ngaro ka nolio de ani hininga ma miriidi.”

Yohanese 5:14

Masara ipahaika de yomakamakeoli Ma Jou ai Tauoka ho o Yesusu una wihitogu-togumika witemo de o hitiari wato, “Abeika, ngona nosanangioka e? Naa ani buturungu ilioka. Ho nomatotoihene naa abe tonihingahu, ibootoka nahowonoli angamoi ngaro ma dihiraino ani kangela duru ilamoko masara o howono ma hohowonohi, ka enangohi duru ilamoko ma kangela.”

Hidingoto 11:23

De o Baranabasa una womahiadonoka de wamake abe Ma Jou ai hidoaka ma owa ona ko o Yahudi ma nyawaua yamakeoka. De gea wamake abe hokokia Ma Jou womahitaana abe wokarajaangoka ona gea manga kokihiningaka, ho o Baranabasa una duru wogogaragoka. De una wahigaro ona abe ahao iwingaku-ngaku nanga Baluhika la ona ka ihikaika yatobaniiki nanga Baluhu o Yesusu dika ai mau onangika.

Hidingoto 5:31

De wihimomiki ipaha de ahao Ma Jou wigorakiye de wihigogere ai nirakoka la o Yesusu Unangoo wahikoano ai nyawaika de ka idadi waduhunu manga howo-howonino. De hokogea Ma Jou wigorakiye o Yesusu la Unangino de o Isiraele ma nyawa ka idadi yotoba manga howonino la gea o Yesusu waofi manga howo-howono.

1 Korintusu 11:30

De duru gea ena ma titi hiadono nginioka naga niwoe-woe iniboleoka de inigogama, de hiadono nginioka naga yamuruono naga yohihangoka.

2 Korintusu 2:10

Ho abe ma titi ngini niwiapongo una wahowo-howonika, gea ngohioo tiapongo. De ma oraha ngohi tiapongo una ma titi ai howono hokokia dika naga, gea tiapongo ma titi o Yesusu Kristusu ai kuahaka de aino. De ngohioo tiapongo unangika la idadi ti ngini nia utumu abe nia doomu ma goronaka.

Efesusu 2:8

De abe Una winiduhunoka nia howo-howonino, gea Una winiduhunu ma oraha niwingaku Unangika mangale ma titi to Una ai hininga ma owaka dika de aino hiadono winiduhunoka. De gea duru ko nginiua abe nimaduhunu la niato nia howo-howonino nimangofi, masara gea to Ma Jou dika ai hidoaka ma owaka de aino nginika.

Kolose 3:13

De ngaro nia gogianongoru yahowono nginika, ma, kiani ona gea niao irahai dika de ngaro ufa nia hininga kuranga onangika. Hokogenangua, masara nginioka kiani ti ngini mata-mata nia howono nimahikokingini nimahikokoofi. Abe nanga Baluhu idodutu waofioka ti ngini nia howono Unangika, ho ngini kiani nimaaduru hoka Unangoli la nginioo o nyawa utu manga howono nginika niaofioka.

Yakobusu 5:15

De nako to ona manga hininga duru imakiniiki de to Ma Jouoli ai hininga ho duru iwingaku Ma Jouika, gea de ahao nanga Baluhu idodutu winihitogumu nia panyakeino de ahao winihimomiki ngini inigo-gogama gea. De nako hoka nia panyake gea ihititi o howonoka abe ngini niahowonoka Ma Jouika, de nako ngini nimangakuoka ma titi nia howono gea, ahao nanga Baluhu winihiapongo nginika.