Maruku 2:21 - Ma Jou ai Demo-demo o Totobelohoka

²¹ De ahao ma moioli wohiketero o Yesusu la wahitararono ma titi o kia hiadono ona iwinii-niiki ko yopuahauahi. Abe Una wotemo wato, “Nako naga nanga baju ma dekanino biaha hapake-pake de ikakihoka ho hato hatapa, nako ma dadapa gea ka ma hungiohi, gea ko idadiua de hohiduguriti. Nako gea ahao ma dadapa ma hungi ikororomo de atauru ma dabino ho ma baju gea ma moioli ikakihi, masara ma kakihi ma hungi gea utuohi ilamoko.”

Maruku 2:21 ပူးပေါင်းရင်းမြစ်များ

Yesaya 57:16

Angamoi Ngohi naa ahi ngamo nginika ko ihikaikaua itagi, de ahi dadae ma demo nginika naga de ma batingoka. Abe nako hoka ko iwa ahi ngamo ma batingi, gea de ahao o nyawa manga womaha ka ikokitoaka dika, de ona mata-mata tatulaadauku manga womaha agorakoka.”

Matiusu 9:16

De ahao o Yesusu wohigila-gilahi ai demo angamoi woigo la ona ihioriki abe ma titi o Yahudi ma nyawa manga hirahi ma dodotoko gea duru ko idadiua ihikasapuru de to Unangoli ai dodotoko ma hungi gea. De Una wodiai o hiketero wato, “Abe nako naga nanga baju moi ma dekanoka biaha hapake-pake de ikakihoka ho hato hatapa, nako ma dadapa gea ka ma hungiohi, gea ko idadiua hohiduguriti de ma baju abe gea ma dekanoka. Angamoi gea ahao ma dadapa ma hungi ikororomo de atauru ma didingino ho ma baju ma dekanoka gea ikakiholi, masara ma kakihi ma hungi gea utuohi ilamoko.”

Maruku 2:20

Masara ahao naga ma oraha abe ai dodiawoino iwiaoka woila-ilaka gea, de gea ma oraha ahao yopuaha ai dodiawo angamoi manga hininga ihuha ho ko yolomuahi o inomo. De gea ma titi hiadono Ngohi tato ma oraha ko adonuahi abe ona ihinii-niiki kiani yopuaha de manga hininga ma huha.”

Maruku 2:22

De ma moioli o Yesusu wohiketero abe ma titi ka moi de hoka kangano, wato, “Nako naga o angguru ma teongo ka ma hungiohi, ko idadiua hoguhe o popojeuku nako ma popoje ma dekanoka, done ahao ma teongo ihaga de ma popoje ipotoka, de gea ahao ma teongo ikopoaka de ma popojeoo irusakoka. Ho nako ma teongo ma hungi, kiani hoguhe o popoje ma hungiuku.” Hokogea o Yesusu ai hiketero abe genangino de wahitararono ma titi o kia naga hiadono to Una ai dodiawo ko yopuahauahi ma oraha gea.

Lukasa 5:36

De ahao o Yesusu wohigila-gilahi ai demo angamoi woigo la ona ihioriki abe ma titi ko idadiua o Yahudi ma nyawa manga hirahi ma dodotoko ihikasapuru de to Unangoli ai dodotoko ma hungi. De gea Una wodiai o hiketero moioli wato, “Nako naga nanga baju ma dekanino biaha hapake-pake de ikakihoka ho hato hatapa, ngone ko hokakihua nanga baju ma hungino de hohiduguriti nanga baju ma hiraika. Duru hokogenangua! Angamoi nako hodiai hokogea, ahao nanga baju ma hungi gea enangoo ikakihoka ho ko irahaiokaua. De hongoli ma dadapa ko imakiniikua de ma baju gea ho ko irahaiua hamake.”

1 Korintusu 10:13

Ho ngini koaho nimahinganono abe ma dadaili mata-mata niohimanga, de gea duru imakadaene dika abe hoka ngone o nyawa mata-mata hohimanga. Moioo de ko iwa ma dadaili abe ka ngini dika inidaene. De ngini ka idadi nimahinganono Ma Jouika, angamoi Una gea watobagou-goungu de Una wohibehehongoka wato winiduhunu. Abe wato nako o dadaili o kia dika niohimanga, gea ko wohigunoaua ma dadaili gea inihikala done ko niakunua nimatongohono. De ma ngekomo ma hoanika ahao winihidailako la ngini ka idadi nihupu nia dadailino la ufa genangoka de niruba.