Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Maruku 2:14 - Ma Jou ai Demo-demo o Totobelohoka

14 De wadotoko ibooto de o Yesusu wogila-gila de wimake o nyawa womatengo ai romanga o Lewi, abe una to Alefeusu ai ngofaka, de to una ai karajaanga wotobagaho-gahoko o pajaka ma tiwi. Ho gea o Yesusu wimake wogogeruku o pajaka yogaho-gahoko ma tauoka. De o Yesusu wiahoko unangika wato, “Naino la ka ihikaika nohiniiki Ngohi.” Ka de hokogea wotemo de o Lewi womaoko de winiiki o Yesusika.

အခန်းကိုကြည့်ပါ။ ကော်ပီ




Maruku 2:14
9 ပူးပေါင်းရင်းမြစ်များ  

Masara o Yesusu wipaluhu unangika wato, “Gea irahai ani hininga itagi ani babaika. Masara koaho Ngohi nohihitihira ani wowangoka. Ho ngona koaho ma oraha naa de nohiniiki dika Ngohi. De nako ona abe manga wowango ko iwa Ma Jouino, ona gea yohonengoka Ma Jou ai himangoka. Ho irahai la ona gea nanoaika dika angamoi onangoo yomahikokoona ka idadi yomakulungunu manga honenge gea. Ho ngona naino nohiniiki Ngohino.” Hokogea o Yesusu ai demo unangika.


De ahao o Yesusu de iwinii-niiki naga o Lewi ai tauoka yomakutuono yolomo ai tau ma goronaka gea. De naga utu manga ngoe iwiniiki o Yesusu abe manga datoro itotorou. Ho ma oraha gea naga abe o pajaka yogaho-gahoko de nagali utu abe yodiaioka itorou Ma Jouika, ona mata-mata gea yolomo hoimoi genangoka o Lewi ai tauoka.


De utuoli naga to ona manga romanga o Andareasa, o Filipusu, o Batolomeusu, o Matiusu, o Tomasa, de o Yakobusu to Alefeusu ai ngofaka, o Tadeusu, de o Simono abe una gea o Seloto ma dodoomuino ma nyawa.


De nagali o Matiusu, de o Tomasa, de o Yakobusu to Alefeusu ai ngofaka, de o Simono abe una o Seloto ma doomuino ma nyawa.


De yomahiadonoka manga dodogumu ma tauika de yodoa ma lape hinootoiye angamoi genangoka manga ngi. De manga doomuoka gea naga o Peturusu, de o Yohanese, de o Yakobusu, de o Andareasa, de o Filipusu, de o Tomasa. De nagali o Batolomeusu, de o Matiusu, de o Yakobusu to Alefeusu ai ngofaka, de o Simono abe una o Seloto ma dodoomuino ma nyawa, de nagahi o Yudasa to Yakobusu ai ngofaka.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ