Maruku 16:8 - Ma Jou ai Demo-demo o Totobelohoka

⁸ De o ngo-ngofeka gea ma lungunino yohupu de yolio de duru yomapopaata angamoi duru yokokihawanoka hiadono yolilifanga. De ona abe manga dodagi ma goronaka de yomakamake, ona gea ko yahingahua ma titi manga hawana ma amoko gea.

Maruku 16:8 ပူးပေါင်းရင်းမြစ်များ

2 Kokoano 4:29

De ahao o Elisa wihibehehongo o Gehasika, wato, “Ngona nomataiti nomahidiai noiki! Ahi tutukunu nagoraka de nosobo! De ufa notulu-tulu nimakoketemo de o nyawa. Nomataiti naika ami tauika de ahi tutukunu nakelengauku duru o ngofaka ai himanguku.” Hokogea o Elisa ai hiaturu.

Matiusu 28:8

De ma malaekata wotemo ibooto onangika de o ngo-ngofeka gea yomataiti o lungunoka de yosobo yomapopaata de yalingiri abe iwinii-niiki o Yesusu la ka idadi ma malaekata ai demo yadofanga onangika. De gea manga hiningaka de yohawana masara nagaoo manga garago kohaamoko hiadono manga hininga aomangoka de o garago.

Matiusu 7:28

De hokogea o Yesusu ai demo wohibobaha abe wadotoko manga ngoe-ngoeika o loku ma geleforino gea. De ona ko manga ngoe abe yotoihene ai dodotokika, ona duru yoheranga ai demoika gea.

Maruku 16:7

De ngini naa kiani niloikohi de niahingahu iwinii-niikika de o Peturusikaoo niwihingahu de niato, ‘O Yesusu Una gea wohiraka o Galilea ma tonakika, ho ahao niwihiduruika la genangoka de ahao nimakamakeoli de Una. Angamoi Una wohiraka abe imaketero hoka ma dihiraino winihibehehongoka.’”

Maruku 16:9

Ho o Gareja ma wange ma ngoru-ngorumino gea de o Yesusu womomikoka ai honengino. De womomiki ipaha de womahimatoko ma ngoe, masara ihira womahimatoko o ngo Maria Madalenaika. Abe muna ma dihira o Yesusu wohititoko o tokata tumidi munangino.

Lukasa 10:4

De nia dodagi naa de ufa nia tiwi nimagao. De ngaro ufa dika de niao nia beta-beta abe biaha nia kiahonanga nihilulu genangino. De ka idadi nimasandaaliye, masara nako nia sandaala ma dodagali gea ngaro ufa dika de niao. De nia dodagi ma goronaka de ufa nia dekana nimaketeade-ade dika de o nyawa abe nimakamake o ngekomoka ma hatoli nimataiti nigila-gila nia dumutika.”

Lukasa 24:37

De ona mata-mata yatodokana de duru iwimodongo angamoi manga hiningaka yomafikiri ato Una gea marai o nyawa yohonengoka manga tokata.