Maruku 16:18 - Ma Jou ai Demo-demo o Totobelohoka

¹⁸ De nagali abe ngaro o dodiha yagoraka eko o akere yarasonguku de yaokere, ma ko yadodoaua. De onangoka naga manga dodunguu moioli, abe nako naga o nyawa yopopanyakeuku de ihingaku-ngaku yafokumu onangika de ona gea ahao yakunu yahitogumu manga popanyakeino.” Hokogea o Yesusu ai behehongo iwinii-niikika.

Maruku 16:18 ပူးပေါင်းရင်းမြစ်များ

Dodadi 3:15

Ho ngona de muna, o ngofeka gea, ahao ka tinihikokadohatika, muna de ngona, de to ngona ani ngofaka de ani danonguku, de to muna ami ngofaka de ami danonguku, ona ka ihikaika yomakumusu. De gea yomakumusu ka hiadono ahao woboa womatengo to muna ami toforauku, de Una gea ahao ani pea wawedere, de ngonaoo ahao ai bobooika natuduku.” Hokogea Ma Jou o Yawe ai hohowono o dodihaika.

Higiriiri 91:13

De abe ma oraha nimarihimanga de o singa eko de o dodiha ma biha, masara ka idadi niadoko dika ho niahikala enangika.

Maruku 5:23

De womamotumuku de duru womagahoko Unangika wato, “Marai to ngohi ngohi ora, ka moetekohi ma muna ngade-ngade de mohonenge. Ho ngohi togahoko Ngona nohiniiki ahi tauino de nomiso de ani giama la motogumu ami kangelaino la ka idadi muna mowangohi.”

Lukasa 10:19

De Ngohi tinihidoakoka o kuaha la ngaro nanga musu ena gea ma buturungu hokokia dika naga masara ka ti nginiohi nia kuaha ifoloiika ilamoko. De nanga musu o Ibilihi ma haeke de to ena ma toka-tokata, ena gea tahiketero hoka o dodiha de o waitota. Ho ngini naa naga de ahi kuahaka, ho ngaro nia dodagioka de niadoko o dodihauku eko o waitotauku masara ena gea ko idadiua inihiodiri nginika. Abe ahi demo gea ma titi nanga musu ma toka-tokata ko idadiua inihikala nginika.

Hidingoto 19:12

Abe hiadono o nyawa yaoino manga gahauku ma gegehe eko manga ngoere ma belaka moi la gea ena iwihiso o Paulusu ai badangino. De ma ngoere gea iwihiso ipahaino de ahao ka idadi yao manga dodiawoika abe yopopanyakeuku eko yakitokata de yagelenga manga badanguku. De gea ka de yagelengauku de yokokitogumoka manga kangelaino, de abe naga de manga tokatoka gea imatitokoka onangino!

Hidingoto 3:12

De o Peturusu wamake abe o nyawa yowoe-woe yahigilolitino genangoka ho wotemo ona mata-mataika wato, “Ahi gogianongoru o Isiraele ma nyawa, adodoa ho ngini niheranga ma titi abe idadioka naa unangika? De adodoa ho ka nimidamaana ngomino de nimatemo nia hiningaka niato bote to ngomi dika mia kuahaino eko mia totiaiino hiadono wolugu-lugu naa wotogumoka la ka idadi womadagi?

Hidingoto 3:16

“De naa ngomi minihingahuoo abe nanga gianongoru naa abe kangano ka woluguohi masara naa wotogumoka, gea o Yesusu ai romanga ma kuaha abe iwihiputurungu unangika. De gea mata-mata idadi duru ti ngini nia hima-himangoka, ho nginioo tanu nihioriki abe wotogumoka ma titi ai ngongaku o Yesusika.”

Hidingoto 4:10

Ho naa tinihingahu de duru tinihitararono nginika de o Isiraele ma nyawa mata-mataikaoo tahingahu abe wolugu-lugu nia himangoka naa, una wotogumu ma titi o Yesusu Kristusu ai romanga de ai kuaha, abe o Yesusu Una gea o Nasaretoka ma nyawa. De Una gea abe ngini niwihohonengoka masara ipahaino de Ma Jou wihimomikoli ai honengino.

Hidingoto 4:22

Abe ma dihiraino wolugu-lugu, una ai ngumuru ai taongo moruata ifoloioka, ho duru ai deka-dekanuku wotobalugu-lugu de ahao iwihitogumu ai kangelaino.

Hidingoto 4:30

De mimagahokoo la nohidingoto to Ngona ani kuaha ngomiuku naa ma titi ani Huhuloko Wotebi-tebini o Yesusino. Angamoi ngomi miato ani kuaha gea miapake la ka idadi miahitogumu o nyawa manga popanyakeino, de nagali miato o heheranga de ani kuaha ma dodunguu ka idadi miahimatoko o nyawaika.”

Hidingoto 9:34

De ahao witemo o Eneasika wato, “Eneasa, ngona naa o Yesusu Kristusu wonihitogumu ani kangelaino! Ho ngona nomaokoiye de ani nanao nalulukoka!” Ka de wotemo hokogea de wotogumoka!

Roma 16:20

De nanga Jou abe wonahidoaka ngoneino o hininga ma miriidi, Una gea ko itedekanokaua de o Ibilihi ma haeke ma kuaha wawederoka la to ena ma kuaha ko ilakuokaua ti ngini nia wowangoka. De naa ngohi tinigahoko la ahao nanga Baluhu idodutu o Yesusu ai owa winihidoaka nginika.

1 Korintusu 12:9

De o nyawa utuikali naga utu Ma Jou o Womaha wahidoaka o ngongaku ma hiakunu la nako o nyawa mata-mata masara ka onangohi manga ngongaku iputurungu Ma Jouika. De nagali utu Una gea wahidoaka la ka yakunu yahitogumu o nyawa manga popanyakeino.