Maruku 16:14 - Ma Jou ai Demo-demo o Totobelohoka

¹⁴ De ipahaino de o Yesusu womahimatokoli abe iwinii-niiki yangimoi de yamoiika. Abe ona gea yolomo manga gogiriaka de onangika womahimatoko de wataere wato, “Ngini naa marai nia ngongaku ikuranga. De adodoa ho kangano manga demo ko niangakua abe ma titi Ngohi tomomikoka? Abe ona ihimake de inihingahu ma gea ngini ko niodafongua. Maraioka ngini nia pea ka itogowinohi, e?”

Maruku 16:14 ပူးပေါင်းရင်းမြစ်များ

Gegetongo 14:11

De Ma Jou o Yawe witemo o Musaika wato, “Abeika ona naa hoka ihiemono Ngohino hiadono duru ko ihihigihenua e? Kohangoe ahi heheranga todiai manga himangoka masara ko ihingakuahi Ngohino. Done sarakia ma dekanohi hokonaa manga lawana?

Matiusu 11:20

De o Yesusu ai dodagi ma goronaka abe wotulu-tulu o Galilea ma tonaka ma kapo-kapongika de ma ngoe wodiai o heheranga onangoka. Masara ona genangoka manga ngoe ko yotobaua manga howo-howonino ho manga hininga ko itagiuahi Ma Jouika. Ho gea o Yesusu wahingahuohi o nyawaika abe hokokia ahao Ma Jou wahohowono ona ko iwingaku-ngakua.

Matiusu 17:20

De o Yesusu wopaluhu wato, “Mangale ti ngini nia ngongaku ka ikurangohi. De naa tagou-goungu tinihingahu, abe nako ti ngini nia ngongaku naga, gea ahao ngaro o kangela eko o dadaili kohaamoko niaohana nia wowangoka masara gea nia ngongaku Ma Jouika ena gea ka idadi ihikala enangika. Abeika naa tohiketero. De nako ti ngini nia ngongaku naga, ngaro ma eteteke dika nia ngongaku abe imaketero hoka o sawi ma mui ma mengeteke, masara nia ngongakuino gea ka idadi niakunu niahuloko o loku ma amo-amokika gea la imagoraka de imaturuuru o ngi moiikali, de ma loku gea kiani inihigihene. Ho gea duru ko iwa abe ngini ko niakunua nidiai, iti ngini naga de nia ngongakuoka.” [

Matiusu 28:17

Ho ona yomahiadonoka genangika de yomakamake de o Yesusu, ho yomahuba-huba Unangika. De barikua yomahuba Unangika ma naga utu onangino abe ka ikurangohi yongaku abe Una wagou-goungu womomikoka!

Maruku 7:18

De o Yesusu wapaluhu onangika wato, “Mode nginioo ko nihiorikua ahi dodotoko gea ma titi? Ko nihiorikuahi abe o kia-kia dika ma hoanino de iwohamika o nyawa manga badangoka de ko genanginoua ma titi hiadono ona yopeseke Ma Jou ai himangoka?

Lukasa 24:11

Masara abe iwinii-niiki ona ka yoluku manga ade-ade ma demo gea de ko yongakua angamoi yataoko ato bote o homoa ma demo dika.

Lukasa 24:25

De o Yesusu wotemo onangika wato, “Ngini naa done totokia hiadono nia hininga ko ataokua de abe nia pea itogowini! Angamoi ka ikurangohi niataoko Ma Jou ai Demo-demo mata-mata abe ai uru ma dodofanga ihitulihuku ma titi nanga Mesia abe Una ma dodihiraino de wonahibehehongoka.

Yohanese 20:25

De ma oraha o Tomasa wolioinoka de ona iwihingahu unangika abe o Yesusu watutumu ato, “Ngomi wiwimakeoka nanga Baluhu!” Masara o Tomasa gea wapaluhu onangika wato, “Nako Una naga to ngohi ahi himangoka nia demo gea tangaku masara ko ihiwa ngohi ho gea ko tiningakuahi! Kiani tamakeokahi ai giama iwihidapaku, abe nako to ngohi ahi hagaraara ai bokekika ko tohingohamuahi gea ko tongakuahi. De nako ai gumuruku ma bokekika ko tohingohamuahi ahi giama, gea ko tongakuahi abe ka wowangokali.” Hokogea o Tomasa ai hininga hinooto womahingahu.

Yohanese 20:26

De naa ma futu tumidi ipahaika ho o Gareja ma wangeokali abe ifufutukuoli. De ona abe iwitobaniiki o Yesusu yongodumu yomatoomuinoli o tauoka gea de o Tomasa unangoo naga onangoka. De ngaro yomahidukusiokahi ma goronaka masara ma moioli o Yesusu woboa de womaokoino manga hidogoronaka de wotemo wato, “Ngini koaho nigaragoka angamoi naa ahi hininga ma miriidi niamakeoka!”

Yohanese 20:27

De ahao witemo o Tomasika wato, “Tomasa, abeika ahi giama naa, nainohi de ani hagaraara natubuku, de ani giama nohidoaka la nohingohama ahi gumurukino. Ufa ka nomahohiningahi nohingaku, kiani nagoungu nohingaku Ngohino.”

Yohanese 21:1

De ipahaino o Yesusu womahimatoko ma moioli ona iwitobaniikika. De gea womahimatoko o Tiberia ma akere ma ngooto ma datekoka abe ihiromangoli o Galilea ma akere ma ngooto. De ma oraha womahimatoko hokonaa ma ade-ade.

Yohanese 21:14

Gea o Yesusu womomikoka ai honengino de naa ma hange ibooto womahimatoko ona iwitobaniikika.

Hidingoto 1:3

Abe Una iwihikangela de iwihohonenge de hiadono womomiki ai honengino. Masara gea ipaha de ahao Una ai futu moruatino de ma ngoe womahimatoko iwinii-niikika la womahitaana abe Una ka wowangoli. De gea ma oraha womahimatoko onangika de ka ihikaika wahitararono abe ma titi hokokia Ma Jou wahikoano ai nyawaika.

1 Korintusu 15:5

Womomiki ipaha de Una womahimatoko o Peturusika, de ahao o Peturusu nagali yangimoi de yahinootoka de Una womahimatokoli iwinii-niikika abe yahiromanga yangimoi de yahinooto.”

Himatoko 3:19

De hokogea ahi higaro ma demo nginika angamoi Ngohi tinidora ngini. De onagona dika tadora, ona gea kiani Ngohi tataere de tadotoko onangika. Ho gea ngini kiani naga nia magawe la nihiniiki Ngohi de nia hininga ma gahumu, de gea kiani ngini nitoba de nilio Ngohino.