Maruku 16:13 - Ma Jou ai Demo-demo o Totobelohoka

¹³ De womahimatoko ibooto de onangoo yolio de onangoo yoiki yahingahu o Yesusu ai dodiawoika ato, “Ngomi ahao naa wiwimake o Yesusu!” Masara manga demo to onangoo ma ko yangakua.

Maruku 16:13 ပူးပေါင်းရင်းမြစ်များ

Matiusu 28:17

Ho ona yomahiadonoka genangika de yomakamake de o Yesusu, ho yomahuba-huba Unangika. De barikua yomahuba Unangika ma naga utu onangino abe ka ikurangohi yongaku abe Una wagou-goungu womomikoka!

Maruku 16:11

De gea mahingahu onangika mato, “O Yesusu Una wowangoli! Ahao kangano ngohi timake!” Masara ami demo gea o Yesusu ai dodiawo ko yongakua.

Maruku 16:14

De ipahaino de o Yesusu womahimatokoli abe iwinii-niiki yangimoi de yamoiika. Abe ona gea yolomo manga gogiriaka de onangika womahimatoko de wataere wato, “Ngini naa marai nia ngongaku ikuranga. De adodoa ho kangano manga demo ko niangakua abe ma titi Ngohi tomomikoka? Abe ona ihimake de inihingahu ma gea ngini ko niodafongua. Maraioka ngini nia pea ka itogowinohi, e?”

Lukasa 16:31

“De o Abarahaama wotemo wato, ‘Koua! Abe nako ko yolegaikaua o Musa de Ma Jou ai uru ma dodofanga manga demoika, hokogenangoo ngaro womatengo ai honengoka de waino womomiki! Abe genangoo de ko yolegaikaua ho ko yotobaua manga howonino.’” De hokogea o Yesusu ai dodotoko ma demo onangika.

Lukasa 24:11

Masara abe iwinii-niiki ona ka yoluku manga ade-ade ma demo gea de ko yongakua angamoi yataoko ato bote o homoa ma demo dika.

Lukasa 24:41

De ngaro hokogea womahimatoko de wahigaro masara manga hininga ka hinootohi ma titi duru yogaragoholi de nagali abe yokokiheranga hiadono yomaleha ato, “Naa done sarakia? Bote Una wagou-goungu womomikoka eko nanga hininga inaeluku?” Ho o Yesusu wotemo wato, “Nginioka naga o inomo?”

Yohanese 20:25

De ma oraha o Tomasa wolioinoka de ona iwihingahu unangika abe o Yesusu watutumu ato, “Ngomi wiwimakeoka nanga Baluhu!” Masara o Tomasa gea wapaluhu onangika wato, “Nako Una naga to ngohi ahi himangoka nia demo gea tangaku masara ko ihiwa ngohi ho gea ko tiningakuahi! Kiani tamakeokahi ai giama iwihidapaku, abe nako to ngohi ahi hagaraara ai bokekika ko tohingohamuahi gea ko tongakuahi. De nako ai gumuruku ma bokekika ko tohingohamuahi ahi giama, gea ko tongakuahi abe ka wowangokali.” Hokogea o Tomasa ai hininga hinooto womahingahu.

Yohanese 20:8

Gea de ahao ai dodiawo, abe wohira womahiadonika o lungunoka, unangoo wowohamika de mata-mata gea wamakeoka de wangaku o Yesusu womomikoka.